Jeksenbi, 17 Jeltoqsan 2017
Dep jatır 1462 4 pikir 10 Qazan, 2017 sağat 10:03

Erdoğan Kievte Qırım tatarların qorğap söyledi

 

Kievke resmi saparmen barğan Türkiya prezidenti Tayıp Erdoğan öz eli Ukrainanıñ täuelsizdigi men territoriyalıq birtwtastığın qoldaytının ayttı. Erdoğan 9 qazanda ukrainalıq äriptesi Petr Poroşenkomen birlesken mälimdeme jasap twrıp Reseydiñ Qırımdı anneksiyalap alğanın "moyındamay kelgenin, eşqaşan moyındamaytının" mälimdedi.

Erdoğannıñ sözinşe, Türkiya Qırım tatarlarınıñ basındağı ahualdı jiti baqılap otıradı. Ol Ukrainağa Qırım tatarlarınıñ qwqıqtarın qorğap jatqanı üşin alğıs ayttı.

Resey Ukrainanıñ qwramındağı Qırım avtonomiyalıq aymağın 2014 jılğı naurızda anneksiyalap alğan edi. Mäskeu tübekke äsker kirgizip, täuelsizdik turalı referendum wyımdastırğan. Referendumnıñ nätijesin köptegen el äli moyındamaydı. Resey Ukrainanıñ şığısında bas kötergen separatisterge dem berip, qarulı qaqtığıs kezinde 10 mıñnan astam adam ölgen.

Halıqaralıq jäne jergilikti qwqıq qorğau wyımdarı men Batıs elderiniñ ükimetteri Mäskeuge qarsı şıqqan Qırım tatarlarınıñ qudalauğa wşırap jatqanın ayıptap keledi.

9 qazanda Ukraina prezidenti Petr Poroşenko Twitter paraqşasında:

"Bügin Qırımdağı Ukraina azamattarınıñ qwqıqtarı men bostandığın halıqaralıq mehanizmder ayasında qorğay beruge kelistik" dep jazdı.

Kievtegi üş sağattıq Ukraina-Türkiya kelissözderinen keyin eki jaq bir jıldıq sauda aynalımın 3.8 milliard dollardan 10 milliardqa deyin ösiruge uağdalastı dep habarlandı.

Abai.kz

4 pikir