Jeksenbi, 17 Jeltoqsan 2017
Bilgenge marjan 1685 33 pikir 10 Qazan, 2017 sağat 21:36

Latın älipbiine balama joq!

Latın älipbiine baylanıstı kereğar pikirler aytılıp jatır. Pikirtalas kerek, biraq osı bastamanı is jüzine asıru odan da mañızdı! Bizge qazir naqtı qadam qajet!

Şını kerek, bwl mäsele bizdiñ ötkenimiz ben bolaşağımızdıñ aynası tärizdi. Men biliktiñ qazir jasap jatqan köptegen isterimen kelispeymin, ol jöninde özimniñ oyımdı aşıq bildirip kelemin. Biraq, eki bastamağa tolıq kelisip, qoldap jürmin. Ol - "Ruhani jañğıru", sonıñ işinde latın älipbiine köşu mäseleleri. Ruhani jañğıru degenimiz, "modernizaciya", adam, qoğam öziniñ ömirinde künde, sağat sayın özgeriske dayın bolıp, özgere bilui qajet. Olay bolmasa, tarihtıñ tasasında qalasıñ, uaqıt keñistiginen şığıp, wlt retinde joyılasıñ. Qazaqqa wlt retinde joyılu qajet pe? Joq. Meniñ oyımşa, özderiniñ janı-tänin qazaq dep sezinetin jandar, bwl mäseleni oylanbastan qoldauı qajet. Latın älipbii, bizdiñ düniejüzilik ğılım, jañaşıldıq, ruhani älemine ötuimiz üşin qajet dünie. Düniede bükil halıqtıñ 80 payızı latın ärpine köşip ketken. Ekonomika, nou-hau, ruhani älem osı boyınşa damıp jatır. Osınday auqımdı, bizdiñ bala-şağa üşin özekti mäselege kelgende jauaptı bolıp, "bir jeñnen qol, bir jağadan bas şığarıp" özimizdiñ öremizdi körsetu qajet-aq.

Bireuler bwl igi bastamanı oyınşıqqa aynaldırğısı keledi! Tipti, tağı da kelispeuşilik, keri tartuşılıq basım ba degen oy keldi. Bizge latınğa ötu kerek. Biz üşin emes, bizdiñ bala-şağa üşin. Özimizdi oylamay-aq qoyayıq. Men eşkimge özimniñ oyımdı mäjbürleuden aulaqpın. Biraz uaqıt bwrın bir bauırıma: "Latınnıñ qanday da bir mätini qabıldanğan küni eldiñ aldı bolıp köşemin" dep edim. Sol oyımnan äli tanğan joqpın.

Öz basım täuekelge dayın... Qazaq, bir wlttıñ puşkasınan, pulemetinen qorıqqan joq. Endi latınnan nege qorqıp, seskenip otır? Atam aytuşı edi, "qorıqqan joq, jauap beretin qwralı bolmadı" dep. Tehnika bolmağan. Sol tehnikanıñ jaña älpetine jetu üşin, bizge jaña twrpat qajet. Özimizdiñ twrpat...

Erlan Sairov, sayasattanuşı

Abai.kz

33 pikir