Jeksenbi, 17 Jeltoqsan 2017
46 - söz 1464 1 pikir 11 Qazan, 2017 sağat 08:49

"Özimiz de ekinşi Siriyamız"

Jığılıp jatıp, süringenge kületin bizdey halıq, bizdegidey bilik älemde bar ma eken? "Siriya qanğa bökti", "Irak taqtan qwlap", "Auğan attan audı", bizde tınıştıq, şükir, täube! Ünemi estitinimiz osı. Täube häm şükir!

"Olarda soğıs, al bizde tınıştıq" dep mäz boladı key jandar bılğarı kresloda kerilip. Biraq bizdiñ sol Tayau Şığıstağı soyqannan qay jerimiz artıq?! Logikalıq swraq. Qay jerimiz? Meniñşe eş jerimiz. Olarda soğısta bomba jarılsa, bizde beybit künde jarılıp jatır. Aydıñ-künniñ amanında öz jerimizdi özgege atqılatıp, töbemizden u tögiltip mäzbiz. Resey qalağan aymağınan "äp bälem" dep bir knopkanı basıp, Qazaqstandağı kez kelgen poligondağı nısanın joq qıladı. Qwddı bir tir alañı siyaqtımız.

Endi mine Torğaydıñ töbesine u tökpekşi. Erteñ o düniede Amangeldiniñ betine qalay qaraymız. Qasietti Torğaydı qorlatqan qazaqtı keşegi qazaq keşire me? Qaydam... Birneşe sınaq alañı aşıq twrğanda qazaq ta, Alaş ta azat emes. KSRO qazaqtıñ jerin qalay sınasa, täuelsizdikte de solay sınalıp jatır. Sondıqtan Siriya soğısın toqtatam dep emes, Qazaq dalasın sınaqtan azat etem dep jantalasuğa tiispiz.

Ashat Qasenğali

Facebook-tegi paraqşasınan

1 pikir