Seysenbi, 19 Jeltoqsan 2017
7363 26 pikir 12 Qazan, 2017 sağat 09:55

Bişkek: Nazarbaev şekaradağı barlıq şekteudi alıp tastaudı tapsırdı

Qırğızstan prem'er-ministri Sapar Isakov Qazaqstan prezidenti Nwrswltan Nazarbaevpen qazaq-qırğız şekarasındağı jağdaydı talqıladı, - dep habarladı qırğız ükimetiniñ apparatı.

Resmi aqparat boyınşa, bwl kezdesu reseylik Soçi qalasında Joğarğı Euraziyalıq ekonomikalıq keñes ayasında talqılanğan. Isakov Nazarbaevqa şekaradağı jağday turalı aytıp bergen. Ol bwl jağdayda Qırğızstannıñ ğana emes, Qazaqstannıñ jäne basqa da elderdiñ azamattarı zardap şegip jatqanın atap ötti.

Kelissözderden soñ prezident Nwrswltan Nazarbaev Qazaqstan ükimetine şekaradağı barlıq mäselelerdi şeşudi tapsırdı, dep habarladı Qırğızstan ükimeti.

Qazaqstan men Qırğızstan şekarasındağı jağday 10 qazanda qiındadı. Qırğızstan memlekettik şekara qızmetiniñ mälimeti boyınşa, Qazaqstan şekarada qatañ rejimde jwmıs istey bastağan. Sonıñ saldarınan ötkizu punkterinde wzın kezek payda bolğan.

Abai.kz

26 pikir