Seysenbi, 19 Jeltoqsan 2017
Anıq-qanığı 1599 3 pikir 13 Qazan, 2017 sağat 01:18

WQK: Şekarada josparlı operaciya jürip jatır

Qazaqstan Wlttıq qauipsizdik komiteti (WQK) Qırğızstanmen şekaradağı jağdayğa qatıstı tüsinik berdi. WQK resmi saytında jariyalanğan aqparatta "memlekettik şekara boyında, onıñ işinde Qırğızstanmen şekarada josparlı tekseru operaciyası jürgizilip jatqanı" aytıladı.

Arnayı qızmettiñ habarlauınşa, operaciya "şekarada zañğa qayşı äreketterdiñ aldın alu, terrorlıq, kontrabandalıq jäne basqa da qılmıstarğa qatısı bar adamdardı anıqtau, şekara rejimi men migraciyalıq zañdardıñ orındaluın tekseru" maqsatında jürgizilip jatır.

"Osığan baylanıstı şekaradan ötetin adamdardı, kölik qwraldarın, jük pen tauardı tekseru küşeytildi. Bwl jağdayda şekaradan ötuge äldebir şekteu nemese tıyım salınğan joq" delingen WQK aqparatında.

10 qazannan bastap şekaranıñ Qırğızstan jağınan Qazaqstanğa ötu qiındap, tekseris küşeyip, bekette ülken kezek payda bolğan jäne ondağan kölik jinalıp qalğan. Şekarada kezekte twrğandar şekaranıñ Qırğızstan jağındağı "Aq Jol" beketinde eşqanday kidiris joğın, Qazaqstan jağında tekseru küşeyip, tipti kölikterdi mwqiyat tekserip jatqanın äleumettik jelilerde habarlay bastağan.

Biraq Qırğızstanmen şekaradağı siyaqtı jağday Qazaqstannıñ basqa eldermen şekarasında bayqalmadı.

11 qazanda "Qorday" şekara beketine barğan Azattıq tilşisi beketke jaqın Qorday kentine kire beriste jäne odan beketke deyingi jolda äskerilerdiñ post qoyıp, kirgen-şıqqan kölikterdi tekserip jatqanın bayqağan.

Abai.kz

3 pikir