Senbi, 18 Qaraşa 2017
Dep jatır 1125 12 pikir 10 Qaraşa, 2017 sağat 08:27

Qılmıs jasağan jasöspirimniñ äke-şeşesi de jazalanuı tiis

Soñğı bes jılda ajırasulardıñ sanı 4 mıñğa artıp, 51 775-ti qwrağan. Parlament Senatınıñ jalpı otırısında deputat Äli Bektaev osı mäseleni köterip, Ükimet basşısı Baqıtjan Sağıntaevtıñ atına deputattıq saual joldadı, - dep habarlaydı QazAqparat.

«Qazirgi qoğamda otbası qwndılıqtarınıñ qwldırauğa wşırap bara jatqanı aşı da bolsa aqiqat. Bwğan dälel qarttar üylerine ötkizilgen egde adamdardıñ köbeyui. Äleumettik mekemelerdegi qarttar sanı soñğı 5 jılda 26 payızğa ösken. Ökinişke qaray, olardıñ 40 payızınıñ balaları bar, alayda türli jağdayğa wşırağan. Ata-anağa degen qwrmettiñ azayuı otbası qwndılıqtarınıñ tömendeuiniñ bası dep aytuğa boladı», - deydi senator.

Deputtattıñ payımınşa, neke qwrğan jas otbasılardıñ arasındağı ajırasudıñ asa qauipti deñgeyge jetkeni de sonıñ saldarı. «Soñğı bes jılda ajırasulardıñ sanı 4 mıñğa artıp, 51 775-ti qwrağan. Bügingi tañda jas otbasılardıñ arasındağı ajırasu deñgeyi auıldıq jerlerde 27 payız, qalalarda 40 payızğa jetken. Olardıñ 40 payızınıñ nekesi alğaşqı 5 jılda bwzıladı eken.

"Qazirgi ürdisterdiñ sebebi tek qana äleumettik, ekonomikalıq mäseleler dep aytu äbestik boladı. Bastı sebep -  otbasıdağı tärbieniñ, qwndılıqtardıñ qwldırauında. Bala ömirge kelgennen bastap, ösip azamat bolğanına deyin onıñ tärbiesine tek ata-ana jauaptı. Ökiniştisi, balanıñ tärbiesi de, oquı da, densaulığı da büginde tek mektepterge artıp qoyılğan. Wlı men qızınıñ qayda jürgenin keybir ata-analar swramaydı da. Balası bwzaqılıq nemese qılmıs jasasa da, ata-ana müldem jauap bermeydi", - dep toqtaldı ol.

Deputattıñ atap ötuinşe, bügingi qoğamımızda qız tağdırın tälkek etkender, jeñil jüristi qızdar, tastandı balalar, ata-analıq qwqıqtan bas tartqandar köbeydi. Elimizdegi 6 äyelder koloniyasında 2 161 qız-kelinşek jazasın ötep otır.

«Äyel özdiginen qılmıs jasamaydı. Eger zañ bwzuşılıqqa barsa, onıñ astarın äleumettik problemadan izdeu kerek. Qız-kelinşekterdi türmege japqannan göri keşirim jasap, olarğa kömek körsetken abzal. Türmege tüsken qız balası tügili, erlerdiñ arasınan sana-sezimi psihologiyalıq deformaciyağa wşıramağan jandı kezdestirudiñ özi qiın. Qoğamda qızğa, äyelge, anağa, balalı otbasılarğa degen közqarastı müldem qayta qaraudıñ uaqıtı keldi», - deydi senator.

Osıdan keyin Ä. Bektaev birqatar wsınıstardı engizdi. Bwl rette Qazaqstanda otbasılıq sayasattı zaman talabına say damıtu maqsatında elimizde otbasılardı qoldau jäne otbası qwndılıqtarın damıtu jönindegi keşendi bağdarlama qabıldau, sonımen qatar otbası qwndılıqtarın jan-jaqtı zertteu, zamanğa beyimdeu, ömirge engizu maqsatında QR Bilim jäne ğılım ministrligi janınan arnayı Neke jäne otbası ğılımi-zertteu institutın aşu jönindegi pikir aytıldı. Mwnımen qosa, bala tärbiesindegi otbasınıñ rölin küşeytu maqsatında «Otbasılıq ömirdiñ ruhani negizderi» degen arnayı pän äzirlep, oğan layıqtı oqulıqtar dayındap, mektep bağdarlamasına engizu wsınıldı. «Ata-ananıñ jauapkerşiligin arttıru maqsatında QR Äkimşilik kodeksine bwzaqılıq nemese qılmıs jasağan jasöspirimderdiñ äke-şeşesine äkimşilik şara qoldanu jöninde bap engizudi, otbasınıñ bwzıluın tejeu maqsatında neke bwzuğa tölenetin baj salığınıñ kölemin jwptarğa materialdıq twrğıdan seziletindey etip köbeytu wsınıladı», - dedi Äli Bektaev.

Abai.kz

12 pikir
Eseng'ali', Antaki'adan 2017-11-13 06:15:39
Os's'ym, atyn' s'yqpasa, jer o'rten'n' keri. "Jurt qatary ui'yqtap otyrg'ans'a ottap otyrai'yn" dep ai'ta salg'an ga'p.
Қазақ 2017-11-12 23:56:26
Депутаттың өзге ұсыныстарымен келісемін, ал бұзақы баласы үшін ата-аналарды әкімшілік жауапкершілікке тарту туралы ұсынысымен мүлде келіспеймін. Өйткені, ата-ана бала үшін ең беделді тұлға. Баланың отбасындағы сенімді тірегін, баланың азамат болғанға дейінгі арқасүйерлерін жазалау -- отбасындағы айрандай ұйыған татулықты бұзып, шаңырақтың іргесін шайқалтуы мүмкін. Сондықтан ата-ананың отбасындағы беделіне тиісуге, оған қол сұғуға болмайды! Депутат ашық пікірге түсіністікпен қарайтын шығар деп үміттенемін.
Қазақ 2017-11-12 22:59:57
Мен депутаттың мына ұсынына әлі таң қалып отырмын. Бала деген ата-анадан туылғаннан кейін бөлек өсіп-жетілетін организм. Баланың организмі ата-анамен қан айналымы арқылы байланыс жасап отырған жоқ, ата-ананы жазалайтындай. Әрине, ата-ана баланы аялап, адамгершілікке тәрбиелейді. Баласы бұзақы болса, ата-ананы кіналауға болады. Ал бұзақы бала үшін ат-ананы жазалау деген еш қисынға келмейді. Біздің елде отбасы институты дамымаған. Бұзақы бала үшін ата-ананы жазалағанша, баланы тәрбиелеуге үйрететін отбасы институттарын ашуды қолға алу керек. Сонда жақсы нәтижеге қол жеткізетін шығармыз.
Қазақ 2017-11-12 22:35:49
Депутаттың бұзақы бала үшін ата-ананы жазалау туралы ұсынысы -- диктаторлық әрекетке ұқсайды деуге болады. Ата-ана әрқашан балалардың алдында мінсіз тұлға және балалардың мықты тірегі болып қалыптасуы үшін ата-аналардың бала алдындағы беделіне ешқашан қол сұғуға болмайды. Сондықтан, кодекске ондай бап енгізудің өзі қылмыспен пара-пар деуге болады. Өйткені, қазақ үшін ата-ана шаңырақтың алтын діңгегі болып қалыптасуы керек. Депутат мырза! Отбасыңызда өзіңіздің беделіңіз қандай? Егер ата-ана балаларына қадірлі болса, бір бала үшін өзге балалар алдында ата-ананың қадірін кетіруге болмайды. Ата-ананы жазалау туралы бап Әкімшілік кодекске енгізілетін болса, бұл отбасын ыдыратуға жол ашатыны анық. Одан да бұзақы баланы тәрбиелеудің басқа жолын ойластыру қажет.
Қазақ 2017-11-12 22:17:29
Депутат ұлтты алға сүйреудің бір шарасын іздеп отыр ғой. Бірақ жазаның үстіне жазалау даналық емес. Депутат ұлтты алға сүйрегісі келсе, тереңнен толғауы керек. Мәселен, ата-ана бұзақылық жасаған үлкен ұлы үшін әкімшілік жазаға тартылса, өзге кішкентай балаларының алдында беті күймей ме? Сонда кейінгі бүлдіршін балалардың ата-анасына деген көзқарасы өзгермесіне кім кепіл? Баласы үшін ата-ананы әкімшілік жазаға тарту, отбасындағы келісім мен тұрақтылықты бұзуға жол ашпай ма? Қанша тәрбиелесе де, түзелмейтін балалар өмірде кездеседі. Қазақ "Бір анадан ала да туады, құла да туады" дейді. Түзелуі қиын бала үшін ата-ананы жазаға тарту мүлде дұрыс емес. Депутат ата-ананың кейінгі балаларын ойламапты. Ата-ана кейінгі балаларға үлгілі тәрбиеші-ұстаз болып қала беруі үшін, бір бала үшін жауапкершілікке тартылмауы тиіс. Депутаттың бұл ұсынысы ұлттық логикаға симайды. Депутат мырза! Бір балаңыз үшін әйеліңізбен бірге жазаланып жатсаңыз, кейінгі балаларыңызға қалай үлгі көрсетесіз? . . .
Төре 2017-11-12 11:09:21
Қылмыс жасаған жасөспірімнің әке-шешесі де жазалануы тиіс ... Апырмай десеңізші, қандай асқан "даналық". Нұротандық депудат - баяғы коммунистердің қөшірмесі!
Қазақбай 2017-11-11 20:21:19
Қазақта "біреуге ор қазба, өзің түсесің" деген мақал бар. Мына депутаттың сөзі бойынша баласы қылмыс жасаған ата-ана жауапқа тартылуы керек - мыс екен. Оны қайдан алған, кеңестік компартияда балаңды неге дұрыс тәрбиелемейсің деген сұрақтар ата-анаға қойылатын, бірақ ата-ана сотталсын деген әңгіме айтылмайтын. Ал мына депутаттың айтқаны қабыл болсын делік, ертең өзінің баласы ма, немересі ме біреуі қылмыс жасап, сотқа тартылса, өзі де сотталуы мүмкін ғой. Сондықтан пәле шақырмасын, басына келеді. Депутат мемлекеттік тұрғыда ойлай білуі керек, егер айтар мәселесі жоқ болса онанда Қазақстанда әділ мемлекет орнауы үшін дұрыс заң қабылдансын, заң сақталсын деп жұмыс істесін. Премьер -министрлері, облыс, аудан әкімдері, генералдары, министрлері шетінен парақорлық пен коррупция үшін сотталып жататын, түрмеде отыратын, шетелде қашып жүретін мемлекетте басқа мәселе жоқ па ? . Соны білмеген депутат мемлекет мүддесі үшін қалай қызмет етеді деген сұрақ еріксіз санаңды билейді.
Мақсұт 2017-11-10 18:21:00
Егер министрлер мен әкімдер, ірі шенеуніктер ұрлықпен ұсталып жазаланып жатса -алдымен солардың "Ұстаз", "әкелері" - соларды жұмысқа тағайындап жемқорлықтарына ақ батасын берген Елбасты да бірге жазалануы тиіс!
Қазақ әйелі 2017-11-10 15:11:41
Мемлекетті ірітетін дін мен коррупция. Коррупция белең алған қоғамда әлеуметтік жағдай төмендейді. Әлеуметтік жағдайы төмен отбасында ұрыс-керіс басталады. Аяғы ажырасуға әкеліп тірейді. Депутат жаңалық ашқандай өзіне пиар жасағанша, коррупцияны тыюдың жолын таппайды ма? Барлық мәселе әлеуметтік жағдайдан бастау алады. Коррупция тыйылмаса, әлеуметтік жағдай жақсармайды. Әлеуметтік жағдай жақсармаса, отбасылық тұрақтылық болмайды. Отбасында тұрақтылық болмаса, ұлттық құндылықтардың негізі жойылып кетуі мүмкін. Осы депутаттар өзі не оқиды екен? Ұлтты алға сүйреймін деп күндіз-түні ізденіп жұмыс істейді ме, әлде тәжірибені қайталап отырады ма?. .
Eseng'ali', Antaki'adan 2017-11-10 14:12:09
Эрсин ука, жепутаттың теоремасы бойынша - егер күйеубалаң істі болса, сен де жазаланасың, бұл жепутаттың оттаубайы іске асса, Қазақстан азаматы шетелде сотталса (терроризм статьясымен), онда Қазақстан президенті де терроризмді ұйымдастырушы ретінде Гаага сотында жауап беруге тиіс болады. Яшанг, жепутат ака !
шым 2017-11-10 12:15:36
Жасөспірімнің ата анасын жазалау деген өте дұрыс. Мен өзім коледжде жұмыс істеймін. Сонда менің түсінгенім қазір ата аналардың бала мен шаруасы жоқ. Баласын коледжге түсірді бітті ары қарай шаруасы жоқ. Ол бала оқып жатыр ма, көшеде жүр ма? қызық емес. Балаңыз сабаққа келмей жатыр десең білмеймін жүрген шығар дейді. Біреудің баласы секілді сөйлейді. Бізде мұндайлар өте көп. Егер ата анасына қатаңырақ шара көрілетін болса дұрысталар ма еді. Қазір де бар ата ана жауапкершілігі деген заңда. Бірақ білмеймін онымен айыппұл салу қиын.
Ерсін 2017-11-10 08:36:43
Депутаттар халықтың қамын ойлаудың орнына басқа бірдеңелермен айналысып кетеді. Егер күйеу балаларымыз істі болса бізде жазалануымыз керек пе?

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 9984
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 18071
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 31464