Jwma, 24 Qaraşa 2017
Aqmıltıq 5510 38 pikir 10 Qaraşa, 2017 sağat 11:12

Talğattar türmede otırğanda, Ermekter esirip jür...

Ermek Tayşıbekov deytin bir esersoq bar edi. "Qazaq memleketiniñ täuelsizdigi bos söz", "Qazaqstan Reseydiñ bir guberniyası bolu kerek" degen Tayşıbekov türmege qamalğan.

Şovinistik piğılı men memlekettiñ twtastığın bwzuğa bağıttağan ügit-nasihatı üşin qwzırlı organ onı qamauğa wzaq uaqıt qwlıq tanıtpay jürip, aqırı qazaq qoğamı öre-türegelgende ğana naqtı qimılğa köşken. Söytip, Tayşıbekovtı tört jılğa bas bostandığınan ayırğan-dı.

Mine, Ermektiñ sol tört jılı ayaqtalmay jatıp, şarttı türde merziminen bwrın bosatılıptı.

Kün tärtibindegi nöpir trendtiñ tasasında qalğan tağı bir taqırıp osı - Ermektiñ erkindikke şığuı. Biz sol jayında söz qozğaymız bügin.

Äueli, Ermek - reseyşil adam. Onı özi de aşıq aytıp, "Qazaqstandı Reseyge qosu kerek" dep wrandap, prokreml'dik propagandanıñ patronına aynalğan Tayşıbekovke tıyım bolmauı - Qazaqstan sotınıñ solaqay twsınıñ tağı bir körinisi dep tüydik.

Jä, 2015 jıldıñ jeltoqsanında Jambıl oblısı Qorday audandıq sotı äleumettik jelidegi jazbaları arqılı «wltaralıq arazdıq tudırdı» dep ayıptalğan  Ermek Tayşıbekovti 4 jılğa sottap, jazasın jalpı tärtiptegi türmede öteuge ükim etken edi.

Bir qızığı, 2 jıl bwrınğı sotta soñğı sözin söylegen Ermek, «Qazaqstan men Resey birikse» qisındı bolatının aytqan jäne Qazaqstan basşısı Nwrswltan Nazarbaev osı «birlesken memlekettiñ» prezidenti, al Resey prezidenti Vladimir Putin – arnayı qızmet basşısı bolğanı jön» degen edi.

Ol ol ma, «Qazaqstandı wlı el dep sanamaytının, biraq prezident Nwrswltan Nazarbaevtı wlı adam dep tanitının» mälimdegen. Bwl da Ermektiñ eki jıl bwrınğı sözi.

Şamamen 2 jıl otırıp, riyasız raqımşılıq jasalıp, bostandıq alğan Ermektiñ ideologiyası eki jılda qanşalıqtı özgerdi?

Auru qalsa da ädet qalmaydınıñ keri deymiz be, äyteuir eki jılda esin jimağan Ermek basına bostandıq ala sala "EurAsia Daily" agenttiginiñ Ortalıq Aziya qızmetine swqbat beripti.

"Men - orıs imperialisimin jäne men Orıs älemi üşin tuğanmın" degendi aytqan Ermek türmede bar bolğanı 25 ay ğana otırğan.

"Öz oyıñızdı özgerttiñiz be?" degen swraqqa Ermek: "Joq, özgertkem joq. Öz wstanımım boyınşa men - ateistpin, materialistpin, ul'tratehnokratpın, orıs imperialisimin, pronemis-proizraildik bağıttı wstanatın russocentristpin. Men "Mäskeu-Berlin-Ierusalim" geosayasi beldeuiniñ qwrılğanın qalaymın. Monro doktrinasın qoldauşımın", - dep jauap beripti. Sözin eözgertken joqpız. Qaz qalpında qazaq tiline qotardıq.

Tayşıbekovtıñ Orıs älemi ideologiyasın Täuelsiz Qazaqstan territoriyasında nasihattauı äm sol poziciyada tabandap twrıp aluı qanşalıqtı tiimdi? Esi dwrıs adamğa Ermektiñ ejiktep jürgeni nege kerek?

"2012-2014 jıldar aralığında men Qazaqstandı aralap, jüzden astam kezdesu ötkizdim. Är türli jastağı, är türli mamandıq ielerimen swhbattastım. Men jürgizgen saualnamağa qatısqandardıñ basım böligi Qazaqstannıñ Reseyge qosıluın, orıs tiline Memlekettik til statusınıñ beriluin qoldaytın.

2014 jılı men "YouTube" jelisine 200-dey beyne jazba jariyaladım. Onda  orıs tilin bilmeytin, elimizdiñ türli öñirlerinde twratın 500-den astam qazaq osı ideologiyanı qoldadı. Bwl jazbalardı wzın-ırğası 10 millionday adam qaradı. Al 2016 jıldıñ qazan ayında meniñ  "YouTube" jelisindegi kanalımdı bwzıp kirip, öşirip tastadı. Bwnıñ barlığı endi artta qaldı.

2017 jıldağı Qazaqstan twp-tura 1984 jılğı Jorja Oruellanıñ kitabında jazılğanday.  Nwrswltan Äbişwlı Nazarbaevtıñ sayasi kar'erası ayaqtalar twsta ol üşin eñ qauipti adam - ol öz erkimen oylay alatın adamdar. Sondıqtan, men 2015 jıldıñ 1 qañtarınan bastap jariya türde agetaciya jasaudı, maqala jazudı, komment jazudı qoydım. Biraq, meniñ oyımdı şekteuge eşkimniñ qwqı joq", - depti Ermek.

Taqırıpqa twzdıq retinde birneşe faktini nazarlarıñızğa wsınğandı jön kördim.

- Ermek Tayşıbekov "Qazaqstan Resey qwramına qosılsın", "Men Orıs älemin qoldaymın" dedi. 4 jılğa bas bostandığınan ayıru jazasına ilikti. 2 jıl 1 ay otırdı. Raqımşılıq jasaldı.

Maks Boqaev, Jer dauı kezinde öziniñ azamattıq poziciyasın aşıq körsetti, Ükimettiñ jerdi satu turalı bastamasına qarsı şıqtı. 5 jılğa türmege kesildi. Raqımşılıq jasalğan joq.

- Talğat Ayan, jer dauı kezinde Ükimettiñ bastamasına aşıq qarsı şıqtı. 5 jılğa qamaldı. Raqımşılıq jasalğan joq.

- Seytqazı Mataev, sayasi motiv. "Men eşkimniñ aldında tizerlemeymin" dedi. 6 jıl türmege jabıldı. Raqımşılıq jasalğan joq.

- Äset Mataev, äkesimen birge sottaldı. 5 jıl. Raqımşılıq jasalğan joq.

- Botagöz Isaeva, Tayşıbekovtiñ üstinen arız jazdı. İsin sotqa deyin jetkizdi. Quadalauğa wşırap, elden ketti.

Joğarıdağı atalğan azamattardıñ är qaysısı Täuelsiz Qazaqstannıñ Memlekettik twtastığı üşin, territoriyanıñ äm jerdiñ bütindigi üşin jwmıs jasadı. Şovnistik piğıldağı arandatuşılıq qadamdarğa barğan joq.

Ayıptarı däleldengen bolıp, temir torğa toğıtıldı. Ärqaysısı kemi 5 jıldan aldı. Bıltırğı jılğı jappay raqımşılıqtıñ rauanında bwl azamattardıñ esimderi eskerusiz qaldı. Memlekettiñ raqımşılığına ilingen joq.

Al orıstıñ qolañsa sasığan qoltığınıñ astına qayta kirudi armandaytın, orıs şovinizmimen wşıqtalğan Ermektiñ 4 jıldıq jaza merzimi ayaqtalmay jatıp, raqımşılıqqa ilinui qalay? Bwl qanşalıqtı ädiletti?

El men jerdiñ twtastığın qoldağandar türmede, al Memlekettik territoriyanıñ bwzıluına aşıq qarsı şığıp, azamattıq ün qatqan azamattarğa Memleket raqımşılıq jasay ma? Paradoks.

Nwrgeldi Äbdiğaniwlı

Abai.kz

Автор

Nwrgeldi Äbdiğaniwlı

Kontent-redaktor

Nwrgeldi Äbdiğaniwlı - QR Aqparat salasınıñ üzdigi. Sayasi şoluşı.
38 pikir

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 10434
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 18676
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 31924