Senbi, 18 Qaraşa 2017
652 0 pikir 10 Qaraşa, 2017 sağat 18:08

Süyinşi, «Ädebiet portalınıñ» mobil'di qosımşası iske qosıldı!

Qwrmetti ziyalı qauım, qadirli oqırmandar! Sizdermen quanıştı jañalığımızdı bölisuge asıq bolıp otırmız. Özderiñiz asığa kütken www.adebiportal.kz mobil'di qosımşası iske qosıldı!

«Ädebiet portalı» internet-jobasınıñ mobil'dik qosımşası IOS jäne Android platformalarında äzirlenip, qoldanısqa berildi. Büginnen bastap qosımşanı kez kelgen jeli qoldanuşısı App Store nemese Play Market arqılı jüktep alıp, qajetine jarata aladı.

Bwl mobil'dik qosımşa arqılı «Ädebiet portalındağı» ädebi maqalalardı, kitaptardı oqu, audiokitaptardı tıñdau, portaldağı onlayn türde ötip jatqan ädebi konkurstarğa qatısu bwrınğıdan da qoljetimdi bolmaq. Oqırman mobil'dik qosımşanı öziniñ smartfonına nemese planşetine jüktep alıp, sayabaqta da, qoğamdıq kölikte de, alıs jolğa şıqqanda da, bir sözben aytqanda, kez kelgen jerde oqi aladı.

Sonımen qatar, mobil'dik qosımşa arqılı «Ädebiet portalına» tirkelu de nedäuir jeñildetilip, oñtaylana tüsti. Portalğa tirkelgen oqırman «Aşıq minber» böliminde öziniñ blogın aşıp, onda özi qalağan materialdı ornalastıra aladı. Özinde bar elektrondı kitaptı jüktep, basqa oqırmandarmen bölisuge de boladı. Portal platformasındağı 4 mıñnan astam kitaptıñ işinen özi tañdağan kitapqa belgi qoyu arqılı öz blogına saqtap, jeke kitaphanasın da jasaqtay aladı. Jeke kitaphanadağı kitaptardıñ bir erekşeligi – olardı offlayn türde, yağni internet jelisi joq jerde de oquğa mümkindik bar. Oqırman Kez kelgen maqalanıñ astına pikir qaldırıp, basqa oqırmandarmen oy bölisip, maqalanı talqılauğa atsalısadı. 4 mıñğa juıq avtordıñ işinen özine wnaytın avtorğa «Janküyer» bolu arqılı, sol avtordıñ paraqşasın tolıqtıruğa qolğabıs etedi.

«Ädebiet portalı» öz oqırmandarına mobildık qosımşa arqılı ädebiet aydınında erkin jüzuge barlıq jağdaydı jasaudı bastı maqsatı dep sanaydı. Mobil'di qosımşanı öz smartfonıñızğa jüktep alıp, ädebiet äleminiñ mıñ san boyaulı ğajayıp ömirine eniñiz! Biz sizdi kütemiz!

Abai.kz

 

0 pikir

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 9984
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 18071
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 31464