Senbi, 18 Qaraşa 2017
Osı ğoy endi... 584 2 pikir 14 Qaraşa, 2017 sağat 08:20

Käsipker Bas prokurordan kömek swraydı

Almatıda köp balalı käsipker äyel ekonomikalıq qılmıstardı tergeumen aynalısatın mekemeniñ mamandarın ayıptadı. Tamız ayında Ekaterina Kimdi oblıstıq memlekettik kirister departamenti "esepşottıq fakturalardı jalğan jasadı" degen ayıppen qwrıqtağan. Alayda bwl ayıptaumen kelispegen käsipker Jemqorlıqqa qarsı wlttıq byuro men oblıstıq prokuraturağa arızdanadı. - dep habarladı Astana telearnası.

Ol qwzırlı organ qızmetkerleriniñ iri kölemde para talap etkenin taspağa tüsirip alğan. Käsibinen ayırılıp, 60 adamdı mäjbürli demalısqa jibergen "jas käsipker" iske Bas prokuraturanıñ aralasuın swraydı.

Altı balanıñ anası osığan deyin käsibin döñgeletip kelgen. Biıl jazda qalanıñ ortalığınan jalğa orın alıp, düken aşadı. Alayda köp wzamay, qwzırlı organ ökilderi Ekaterinanıñ qwjattarınan şikilik tapqan. Äyeldiñ üstinen qarjılıq qwjattardı dwrıs toltırmadı degen küdikpen qılmıstıq is qozğaladı. YAğni «is jüzinde jwmıstar orındalmay, qızmetter körsetilmey, tauarlar tiep-jöneltilmey jatıp, şot-faktura jazdı» degen ayıppen tergele bastağan.

Käsipkerdiñ aytuınşa, isti jabu üşin tergeuşiler iri kölemde para talap etip otır.

Ekaterina Kim, käsipker:

- Men istiñ jariyalı boluı jäne ädil tergelui üşin Bas prokuraturanıñ aralasuın qalaymın. Esep-şot fakturasın jalğan jasau faktisi boyınşa meniñ kömekşim qwzırlı organ qızmetkerlerimen birigip, mağan jala japqanın aytqım keledi. İsti jabu üşin atalğan mekemeniñ ökilderi para talap etip otır. Mende onı däleldeytin 158 dıbıstıq jazba bar.

Ekaterina Kim İle audanındağı jalğan qwjat jasau babımen ayıptalğan jalğız adam emes. Bwl iske jaqında aralasqan tanımal advokat Djohar Utebekovtiñ aytuınşa, Almatı oblıstıq kirister departamentiniñ üstinen osınday şağımmen 4 käsipker habarlasqan. Biznes ielerin bopsalau deregi negizinde qazir Qarjı ministrligine hat dayındalıp jatır, deydi qorğauşı.

Djohar Ötebekov, qorğauşı:

- Jalğan esep şot-fakturaların jazıp, onı käsipkerler jasadı dep provokaciya jasaytın faktilermen köp kezdesip jürmin. Äsirese Almatı oblısı İle audanında Ekonomikalıq qılmıstardı tergeu qızmeti jeñil aqşa tabu üşin qılmıstıq jüye qalıptastarğanın añğaru qiın emes.

Käsipkerden 50 mıñ AQŞ dolların talap etken oblıstıq ekonomikalıq qılmıstardı tergeu qızmetiniñ mamanı anıqtalıp, jwmısınan alastatılğan.

Almatı oblısınıñ prokuraturası qazir bwl derek boyınşa tekseru jürgizilip jatqanın mälimdedi.

Aydın Raev, Almatı oblısı prokuraturasınıñ basqarma basşısı:

- Azamatşa Kimniñ arızı boyınşa qadağalau organı tekseru jürgizip jatır. Qılmıstıq is zerttelip, onıñ uäjderi zertteledi, sosın mindetti türde  jauap beriledi.

Ekaterina Kim dükenin jauıp, tauarların üyiniñ aulasına tasıp jatır. Jetinşi säbiine ayağı auır äyel kez-kelgen uaqıtta qamauğa alınudan qorqadı. Al kepil retinde qwyatın qomaqtı qarajatı joq, sebebi onıñ esep-şottarı men banktik kartaları äldeqaşan bwğattalğan.

Rişat ASQARBEKWLI 

Abai.kz

2 pikir
Түңілген 2017-11-15 00:41:10
Марқұм Владимир Ни дүниеден өткелі, қазаққа сәлем бермейтін, өлейін деп жатсаң да ауызыңа су тамызбайтын кәрістердің де бастарына қара бұлт үйіріле бастаған ғой.
Түңілген 2017-11-14 18:39:17
әй қайдам көмек бола қоймас. Міүмкін кәсіпкердің бағы жанар, кәсіпкер ғой.ал фермер көмек сұрап ала алмады. Асановқа жіберген арыз бармайды,өзі оқымайды. Канцеляриесі "лично " деген сөзді ұқпайды.

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 9984
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 18071
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 31464