Seysenbi, 22 Mamır 2018
Bilgenge marjan 8834 0 pikir 16 Qaraşa, 2017 sağat 11:44

Käsip bastaudıñ tetigi

Auılda käsipti qalay bastau kerek? Tabıstı qızmet salasın qalay tabuğa boladı? Käsipkerlikti damıtudıñ bastı tetigi qaysı? Mine, osılar – äldebir käsip bastauşılardıñ bas auırtar bastı swraqtarı...

Qazir auıldıq jerlerde jwmıssızdardı oqıtu, sonıñ işinde, käsipkerlik dağdıların üyretuge bağıttalğan memlekettik bağdarlamalar äzirlengen. Solardıñ biri – «Nätijeli jwmıspen qamtu jäne jappay käsipkerlikti damıtu». Onıñ şeñberinde «Atameken» Wlttıq käsipkerler palatası «Bastau Biznes» jobasın jüzege asırdı. Negizgi maqsat – şalğay auıldarda jwmıssız jürgen jastardı jäne özin-özi jwmıspen qamtığan twrğındardı käsip bastauğa üyretu jäne qoldau. Kurstıñ qatısuşıları bir aydıñ işinde käsipkerlik negizderin üyretedi: qarjılıq sauattılıq, marketing jäne zañ mamandığı negizderi, biznes josparlar men şeşendik dağdılar.             Jobanı iske asıruı jıl basınan beri qolğa alınğan.

Jalpı, oblısta «Bastau Biznes» jobası 6 audandı qamtidı. Osı uaqıtqa deyin 966 şäkirt däris aldı. Olardıñ işinde 220 adam öz käsibin aştı. Köbisi memleketten şağın nesie alıp, öz ideyaların is jüzinde qoldanıp otır.

Käsipkerler palatasında belgili bolğanday, «Bastau Biznes» tülekteri negizinen mal şaruaşılığı, ösimdik şaruaşılığı jäne jük tasımaldauğa ıñğay tanıtadı. Sebebi, atalğan salalar auıldıq jerlerde swranısqa ie. Öz kezeginde «Atameken» WKP olarğa barınşa jaqsı jağday jasap keledi.

Mäselen, Andrey Zelevskiy mümkindigi şekteuli jan bolsa da, öziniñ ideyaların iskep asırğısı keledi.

– Däris alğan soñ polimerlik qaldıqtardı qayta öñdeu boyınşa biznes-jobanı  qorğadım. Wzaq uaqıt boyı jeke isimdi aşu ideyası boldı. Osı rette oyıma «Bastau Biznes» sap ete qaldı. «Atameken» käsipkerler palatasınıñ qoldauımen QR Din isteri jäne azamattıq qoğamı ministrligi ötkizgen konkurstıñ jeñimpazı boldım. Keyinirek «Mobil'di  polimerlik qaldıqtardı qayta öñdeu» attı özimniñ jobam granttıq qarjılandıruğa ie boldı, – deydi «Bastau Biznes» jobasınıñ tülegi Andrey Zelevskiy.

Andrey Zelevskiy bwl qarjığa şağın käsibin döñgeletuge jabdıqtar satıp aldı. Bir aydan soñ qoqıstı qayta öñdeudi bastaydı.  Äulieköl audanınıñ twrğını Rıskül Aqdäuletova «Bastau Biznes» jobası boyınşa bir ay bilim aldı. Öz sözinde täuekelge  barıp, eki million teñge köleminde şağın nesie alğanın ayttı. Bwl aqşağa 10 bas iri qara mal satıp aldı. Onıñ aytuınşa, bwl joba jastardı auılda qaldıruğa jäne öz biznesin bastauğa ıntalandıradı.

— Auıldıñ malın bağatın jastar şığıp keledi. Tek qana qorıqpau kerek. Är istiñ basında seni qiınşılıq kütip twradı. Äri qaray şarua oñalıp, jetistikke jete bastaysıñ. Memleket te jağday jasap otır, barlığı öz qolımızda, – dedi käsipker.

Angelina Sineva

Abai.kz

0 pikir