Särsenbi, 17 Qañtar 2018
Ädebiet 1082 1 pikir 4 Jeltoqsan, 2017 sağat 10:19

Amandıq Sağıntaywlı. Künähar

Iä, solay, künäharmın men bügin,

Qwday keşpes, keşer endi meni kim?

Tünderimdi tünderiñmen bölisip,

Qwdayğa emes, sağan qwl bop kelistim.

«Betiñnen» dep süyip aldım erniñnen,

«Bileymin» dep wstap aldım beliñnen.

Bir minuttıq baqıt twrdı aldımda,

Ayday swlu aru müsin kerilgen...

 

SAYABAQ

Senbi küni sayabaqqa baramın,

Seni esime alamın.

«Wmıt» degen ötirikke aldanıp,

Wmıtqan bop qalamın.

Odan keyin kelem üyge asığıp,

Meni kütip otırğanday asılım.

«Vkontakte» men «instağa» kiremin,

«Ne istep jür?» dep ğaşığım.

Osılayşa kün batıp, tañ atadı,

Bir küldirip, bwl ömir jılatadı...

Tağdır kökke köterse seni bügin,

Erteñ-aq qwlatadı...

 

JALĞIZ

Bərin oqıp tauıspadım kitaptıñ,

Bwl ömirde ne joğalttım ne taptım?

Bilimim de biligim de bolsa da,

Jalğızdıqqa men öleñnen em taptım.

Student künder öte şıqtı qas-qağım,

Ataq penen abıroydı lastadım.

Şırğalañnıñ şırmauınan şığam dep,

Qanşama ret jaña ömir bastadım.

Biraq meni tüsindi me jaqınım,

Tüsindi me anamday appaq altınım?

Joq! Tüsingen joq, tüsinbeydi meni eşkim,

Osılayşa ötip jatır ər künim...

 

JÜREK

Jalğandıqtan janım jüdep baradı,

Seyiler me swr künniñ suıq samalı?

Wnatqanıñ öziñdi de wnatsa,

Jürek şirkin sonı ğana qaladı.

Aynalanıñ aytqandarın aqtaysıñ,

Fitnes kezip figurañdı saqtaysıñ.

Bir minuttıq baqıtıña aldanıp,

Dos bolsañ da, joq bolsañ da jaqpaysıñ.

Soñğı sätte qalmasa da serigim,

Jalğız qalıp jüdesem de men bügin.

Arzan sudan azdap alıp qoyamın,

Odan baska jwbatadı meni kim?

Ne kütemin aspanımnıñ astında?

Kimdi izdeymin marqwmdardıñ basında?

Jaqsı edi ğoy jaqsılardıñ janında,

Appaq, adal, asıldardıñ qasında...

Bwl tirliktiñ talayınan tüñilgem,

Oğan kuä jwmır jürek, jwmır jer.

Jalğız tilek Täñirimnen swraymın,

Ötkenime ökinbeytin ğwmır ber!

 

NEGE?

Nege bizder kettik eken joğalıp?

Aradağı äñgimeni doğarıp.

Tağı da bir kezdesudi qalasañ,

Soğan meni layıqtı dep sanasañ,

Tağı da sol Avangardqa barayıq,

Soñğı qalğan mümkindikti qarayıq.

Seniñ jüziñ jarq etkende fotodan,

Men tağı da közsiz ğaşıq bop alam...

 

JILDAR

İzdemedik, tappadıq kimdi qaydan,

Swluı da jıluı şıqqan aldan.

Mıñ bir tünniñ biri wnap-wnamağan,

Sol qızıqtan büginde tük qalmağan.

Ötip jatır swr künder sırıldatıp,

Köñil, şirkin, baradı suıq tartıp...

Bireuler jür patşağa ğaşıq bolıp,

Al, bireu jür balasın şuıldatıp.

Osılay dep jürgende jıldar ötti,

Eñ baqıttı sätterdi wrlap ötti.

Erte me, keş esiñdi jiıp sen de,

Bwrınğını bwğaula, qwmarlıqtı!

 

TENTEK

Tentek bala erjetipti bügin de,

Ayı tuıp, Küni külgen köginde.

Alıstadı appaq añğal adaldıq,

Qalğan bäri ötip ketken ömirde...

Keşe ğana lağıl közder jaynağan,

Keşe ğana jalın sözder sayrağan.

Jeti tünde jwldızdarmen jımdasıp,

Soqır sezim közdi eriksiz baylağan.

Tentek bala jigit boldı endigi,

Balasınıñ anası – onıñ serigi.

«Baqıttımın» deydi iştey jüregi,

Jeteleydi bolaşaqqa senimi.

Bayağıda bir swludı süygen-di,

Mahabbattıñ jalınına küygen-di.

Bükil älem bwğan qarsı twrğan soñ,

Ökinişpen öz teñine üylendi.

Tentek bala ol künderdi wmıtqan,

Jan jarasın jaña ömirmen jılıtqan.

Süygen jarı, jwmaq bağı bar bügin,

Olar üşin atıp jatır külip tañ...

 

TÄKAPPAR

Ay_künderim zulap jatır arada,

eşbir qızıq qalmay jatır qalada.

Qayırıldı qıran qanat qiyalım,

qayırılğan qorıtpaday jağada.

Kök qağazdıñ kötergenmen şoqtığın,

keşe körgen jaqsılıqtar joq bügin.

Tağdırıma riza bolıp öter em,

körsetpese tek mahabbat joqtığın.

Sın aytuğa sen de, men de şebermiz,

Al talpınsaq, jaqsılıqqa jetermiz.

Bwl täkappar düniege köz salsañ,

Bar bolğanı köptiñ biri ekenbiz...

 

KÜŞİK

Öziñ aytqan küşigiñ-aq bolayın,

Erkeleyin, kwyrığımdı bwlğayın.

Almatıdan armanımdı äpergen

Qwdayımnan basqa neni swrayın?!

Sen – periştem jerge tüsken, o, Qwday!

Közderiñ – kök, möldir mwhit suınday.

Bes kün ötti, biraq äli janıp twr

Jüregimniñ janartauı suımay.

Alğaş kördim ayaldama soñında,

Ezu tartıp swradım kep: «Toñdıñ ba?»

Közderimnen köz ala almay: «Joq» dediñ,

«Jolauşılap qala berşi jolımda...»

Kök köziñdi jamandıqqa qimadım,

Ğaşıq boldım, düniege sıymadım.

Erteñ alıp laqtırsañ da qoqısqa,

Senem sağan, jüregimdi sıyladım.

«Agentten» qalay mağan jolıqtıñ?

Öñimnen de, tüsimnen de ketpediñ.

Sensiz uaqıt bir orında twr äli,

Boldıñ öziñ büginim de, erteñim.

 

JAYIQ

Jayıqtıñ jağasında qarsı aldım,

Seni körip, swlulıqqa tamsandım.

Keteriñde kelmedi ğoy qoştasqım,

Süyemin dep öz özime jar saldım!

Osınday da bola ma swlu degen?

Kün közindey közderi külimdegen.

Bwğan deyin jwmaqtıñ jwmbaq qwsı

Qalay ğana qolıma ilinbegen?

Sensiz endi jüregim şıdar ma eken?

Tağdır meni neşe kün sınar eken?

Sen otırğan keşegi orındıqtan

Jılu izdep jüregim jılar ma eken?..

Süyem seni... meni solay qabılda,

Mağan bola jürgen joldan jañılma.

Süymeseñ de süyiktimin öziñmen,

Jeti tünde jetip baram janıña...

 

KETEM!..

Meni, jwrtım, öledi dep oylama,

Ölerimdi aldın ala toylama.

Tır jalañaş töñirekten tüñilsem,

Ketem degen mendegi jay oy ğana.

Wnamaymın, bäriñe de bötenmin,

Wnamay-aq bwl ömirden ötermin..

Özime de, özgege de ökpem joq,

Ökinsem de, bildirmey-aq ketermin...

Süykimdi de, süyikti de emes em,

Sonı bilsem düniege kelmes em.

Sözi altın, özi jatın qatındar,

Süyem degen sözderiñe senbes em.

Perişteniñ piri boldıq alañsız,

Qarındastıñ qwlı boldıq amalsız.

«Vkdan» da, «vatsaptan» da izdeme,

Kerek bolsam, aq Jayıqtan tabarsız!

 

ADAMDAR

Jalğızdıqtan janım jüdep baradı,

Qwr jatıstan bar ma basqa amalı?

Wnatqanıñ öziñdi de wnatsa...

Jetim jürek sonı ğana qaladı.

Adamdardı wnatamın mezgilsiz,

Tabiğattıñ zañdarına jeñgisiz.

Qarındastıñ qılığına sengisiz,

Perige de, periştege bergisiz.

Ömir degen jılatadı swrausız,

Bolmaydı ğoy köterilip-kwlausız.

Jauapsız-aq bireulerdi wnatıp,

Bolmaydı ğoy bireulerge wnausız...

Esikterge sığalap qaramaymın,

Ne bolsa da özimşe saralaymın.

Kerek bolsa eşkimnen swramastan,

Jüregimdi özim-aq jaralaymın!..

 

JAS

Közimde jas tamşılaydı tırsıldap,

Til baylaulı, äldekimnen qısılad(ı).

«SÜYEMİN!» dep jahanğa jar sala almay,

Jaratqannan jüremin tek jön swrap.

Közderine qaray qalsam qorqamın,

Jalğız jolmen jaymen ğana jortamın.

Jaralanğan jüregimde jılu joq,

Jasırınğan janarımda tolğan mwñ...

Jabıqqanda jalğızdıqpen keñestim,

Abıroydan alasarğan emespin.

Mahabbattı qwrımağır qayteyin?

Biik boldı bağındırar beles tım...

Süye almasa, süymesinşi meni eşkim,

Tağdırımmen kelmeydi eş egeskim.

Anaşımnıñ alaqanı jetedi,

Basqasına men jay ğana elespin...

ATIRAU

Abai.kz

1 pikir