Särsenbi, 17 Qañtar 2018
741 2 pikir 5 Jeltoqsan, 2017 sağat 09:18

Seyitqazı Mataev: «Kek alu oyımda joq»

Suret Azattıq radiosınıñ saytınan alındı

Bir jıldan astam uaqıt türmede otırğan Qazaqstan Jurnalister odağınıñ törağası Seyitqazı Mataev 4 jeltoqsanda şarttı jazamen bostandıqqa şıqtı.

Almatı oblısı Zareçnıy auılındağı jalpı qonıstanu koloniyası aldında Mataevtıñ tuıstarı, äriptesteri, jaqtastarı men BAQ ökilderi jinaldı. Ol jurnalisterge jwmısqa kirispes bwrın, uaqıt qajet ekendigin ayttı.

«Mende asa quanış joq. Sebebi, wlım türmede otırğanda, özimdi bostandıqqa şıqtım dep eseptemeymin. Biz kinämizdi moyındağan joqpız. Barlıq ayıptardı teriske şığardıq. Bizdiñ wlımız ekeumizdiñ ruhımız bar. Sol ruhtıñ arqasında berik boldıq. Kek aludı oylamaymın», - dedi Seyitqazı Mataev.

Qapşağay qalasınıñ sotı 16 qaraşa küni Seyitqazı Mataevtıñ özin merziminen bwrın şarttı jazamen bosatu turalı ötinişin qarap, onı türmeden bosatuğa şeşim şığarğan.

2016 jılı 3 qazanda Astananıñ Esil audandıq sotı Mataevtı "qarjı jımqırdı" jäne salıqtan jaltardı" degen ayıptarmen altı jılğa, al QazTAG agenttiginiñ direktorı Äset Mataev "qarjı jımqırdı" degen ayıppen bes jılğa sottağan. Ükim boyınşa Mataevtar aqparat jäne kommunikaciya ministrligine - 169 million teñge, "Qazaqtelekom" kompaniyasına 140 million teñge qaytaruı tiis bolğan. Mataevtar özderine tağılğan ayıptı moyındamaydı. Jergilikti jäne halıqaralıq qwqıq qorğau wyımdarı Mataevtıñ sottaluın ayıptağan bolatın.​

Biıl säuir ayında Seyitqazı Mataevtıñ jazasın raqımşılıqqa baylanıstı eki jıl segiz ayğa qısqartqan.

Abai.kz

2 pikir