Beysenbi, 18 Qañtar 2018
Alañ 2042 33 pikir 7 Jeltoqsan, 2017 sağat 09:19

Elbası şeteldegi 12,5 milliard dollardı elge qaytarudı talap etti

Keşe Industrializaciya künine oray ötken jiında Elbası qarjısın şetelde wstaytın kompaniyalardı sınap, 18 otandıq kompaniyanıñ 12,5 milliard dollardı şetelde wstap otırğanın, ol aqşanı dereu elge qaytaru kerektigin ayttı, - dep habarlaydı Abai.kz aqparattıq portalı.

Qazaqstan Prezidenti Nwrswltan Nazarbaev ükimetke otandıq kompaniyalardıñ qarjısın şetelden qaytaru turalı tapsırma bere otırıp:  "18 otandıq kompaniya 12,5 milliard dollardı şetelde wstap otır. "Teñizşevroyl" - 4,5 milliard dollar. "QazMwnayGaz" - üş milliard dollar. "RD "QazMwnayGaz" - eki milliard dollar. "Aziyalıq gaz qwbırı" - milliard dollardan asa. "Beyneu - Şımkent" gaz qwbırı - 100 million. Osılay kete beredi", - dedi.

"Qazirgi küni zañdar qwbılıp twrğan kezde arğı jaqta wstaytın aqşalarıñızdan ayırılıp qalasızdar. Sankciya kezinde sizderge eşkim kömektespeytinin körip otırğan joqsızdar ma. Aqşalarıñızdı qaytarıp, Qazaqstanda wstañızdar. Qanday kepildik kerek - zañmen, jarlıqpen ba? Onı jasaymın. Eger osını orındamasañızdar, onda biz özimiz kirisemiz, sosın ökinip jürmeñizder" dedi Nazarbaev.

Nazarbaevtıñ sözinşe, memleket qaramağındağı kompaniyalar şeteldegi qarjı kölemin jartı jılda eki jüz millionnan altı milliard dollarğa deyin arttırğan.  "Ükimetke akcioner retinde tapsıramın. Şeşiñizder, mağan bayandañızdar. Ärqaysımen söylesemiz", - dedi prezident prem'er-ministr Baqıtjan Sağıntaevqa.

"Biz qarjılarıñızdı tartıp alamız nemese birdeñe istep qoyamız dedik pe? Eger qaytarmasañızdar, eskerteyin, özimiz aynalısamız. Biraq ol kezde sizder bolmaysızdar. Memleket osı qarjını tabuğa jağday jasap otır ğoy, al sizder Qazaqstan aqşasın ükimetten jasırıp otırsızdar ma? Jeter", - dep tüyindedi Nazarbaev.

Abai.kz

33 pikir