Beysenbi, 24 Mamır 2018
887 4 pikir 10 Qañtar, 2018 sağat 10:16

36 JOO-da«Ruhani jañğıru» bağdarlaması boyınşa kafedralar aşıldı

«Jaña jağdayda jañğıruğa degen işki wmtılıs – bizdiñ damuımızdıñ eñ bastı qağidası. Ömir süru üşin özgere bilu kerek. Oğan könbegender tarih­tıñ şañına kömilip qala beredi».

Memleket basşısınıñ «Bolaşaqqa bağdar: ruhani jañğıru»  maqalasınan

Memleket basşısınıñ «Bolaşaqqa bağdar: ruhani jañğıru»  attı bağdarlamalıq maqalası 2017 jıldıñ bastı oqiğalarınıñ biri boldı.

Qazaqstan Respublikasınıñ Prezidenti N.Ä.Nazarbaev sananı jañğırtudıñ jalpı qoğamğa, jäne ärbir jeke qazaqstandıqqa qatıstı birneşe bağıtın naqtıladı, onıñ işindegi eñ birinşisi bäsekege qabilettilik: qazirgi tañda jeke adam ğana emes, twtas halıq­tıñ özi bäsekelik qabiletin arttırsa ğana ta­bıs­qa jetuge mümkindik aladı.

Bäsekelik qabilet degenimiz – wlttıñ aymaqtıq nemese jahandıq narıqta bağası, ya bolmasa sapası jöninen özgelerden wtımdı dünie wsına aluı. Bwl materialdıq önim ğana emes, sonımen birge, bilim, qızmet, ziyatkerlik önim nemese sapalı eñbek resurstarı boluı mümkin». Bolaşaqta wlttıñ tabıstı boluı onıñ tabiği baylığımen emes, adamdarınıñ bäsekelik qabiletimen ayqındaladı.

Sonımen qatar, jeke twlğalardıñ dağdıları men bilimderinen basqa, wlttıñ bäsekege qabilettiligi ekonomikalıq pragmatizm jäne wtımdı minez-qwlıq qağidasına negizdelgen «ekonomikalıq adamğa», minez-qwlqınıñ birtindep özgeruimen qamtamasız etilui mümkin.

Bwl minez-qwlıqtağı ekonomikalıq pragmatizm, ol öz mümkindikterin jäne äleuetin eskere otırıp, naqtı maqsattarğa qol jetkizuge nazar audaruğa mümkindik beredi.

«Ekonomikalıq adamğa» bağıttalğan nazardıñ özgerui sonımen qatar motivaciya sipatın özgertudi, materialdıq faktorlardıñ rölin tömendetudi jäne adamnıñ ruhani qajettilikterin arttırudı bildiredi.

Osığan baylanıstı, kez-kelgen uaqıtpen jüretin är adam, belgili bir qasietterdiñ jiıntığına ie boluı kerek, nemese qazirgi tilmen aytqandağı qwzırettilik dep aytuğa boladı. Negizgi faktorlar – komp'yuterlik sauattılıq, şet tilderin bilu, mädeni aşıqtıq. Twrğındardıñ Qazaqstandağı zamanaui qoğamnıñ qwzırettiligin meñgeru maqsatındağı memlekettik sayasat belsendi türde jürgizilude.

QSZI sarapşıları tarapınan 2017 jıl boyınşa bağdarlamalıq maqalanıñ orındaluına alğaşqı ivent-taldau jürgizildi. Bağdarlama ayasında ideologiyalıq derekterdi alğa jıljıtu maqsatında elimizde 200-den astam pikirtalas alañdarı qwrıldı, şığarmaşılıq konkurstar men festival'dar, seminar-treningter men master-klasstar, kezdesuler, döñgelek üstelder, taqırıptıq keşterdi qosa alğanda 500-den astam joba jüzege asırıldı.

Bir ayta keterligi, «Ruhani jañğıru» bağdarlaması ayasında jüzege asırılğan jobalar ötken jılı Parijde YUNESKO ştab-päterinde tanıstırılğan bolatın, bwl, sözsiz, halıqaralıq mädeni dialogtı nığaytudağı mañızdı qadam boldı.

Pragmatizm, bäsekege qabilettilik, bilim tabınuşılıq ideyasın nasihattau barısında, jastar resurstıq ortalıqtarımen 3 800 astam is-şara ötkizildi.

Ärtürli platformalarda 74 mıñnan astam materialdar jariyalandı, 1700 imidjdik rolikter şığarıldı, 5 816 saraptamalıq materialdar dayındaldı, 68 äleumettanulıq zertteuler men saualnamalar jürgizildi.

Bağdarlamanı iske asıruğa jastar qozğalısınıñ keñ tobı – 1400 astam jastar wyımdarı tartıldı, sonday-aq, şalğay öñirlerge baratın jastardıñ aqparattıq toptarı da qwrıladı.

Elimizdiñ 36 joğarı oqu orındarında «Ruhani jañğıru» bağdarlaması boyınşa arnayı kafedralar aşıldı, onıñ işinde adam kapitalın damıtu ideyası boyınşa arnayı pänder engizildi.

Osılayşa, bäsekelestiktiñ zamanaui jağdayında bäsekege qabiletti şığarmaşılıq, jeke jäne käsibi tabısqa qol jetkize alatın mamandar qajet. Biliktiligi men bilimi bar, sonday-aq şeşimderdi qabıldau kezinde pragmatizm men wtımdılıqqa ie jeke twlğa narıqtıq orta men bäsekelestikke beyim boladı, ol sayıp kelgende adami kapitaldıñ sapasına tikeley äser etedi, bwl öz kezeginde wlttıq bäsekege qabilettilikti arttırudıñ negizgi faktorı bolıp tabıladı.

Osılayşa, salıstırmalı türde qısqa merzim – jılğa tolmaytın kezeñ ayasında, qoğamdıq ömirdiñ barlıq deñgeylerinde naqtı köp jwmıs atqarılğandığın atap ötken jön. «Ruhani jañğıru» qoğamdıq sananı jañğırtu bağdarlamasın jüzege asıruğa barlıq ortalıq jäne jergilikti atqaruşı organdar, azamattıq qoğam instituttarı, kommerciyalıq emes wyımdar jäne etnomädeni birlestikter qatıstı. Memleket basşısınıñ bastamasın belsendi qoldaytın qazaqstandıq jastardıñ qatısuı erekşe atap ötken jön.

Nwrqatova Lyazat Tölegenqızı

QR Prezidenti janındağı QSZI (KAZISS)

äleumettik-ekonomikalıq zertteuler böliminiñ basşısı

Abai.kz

4 pikir