Seysenbi, 24 Säuir 2018
Mäñgilik el 1851 34 pikir 11 Qañtar, 2018 sağat 12:19

Bwl on mindet öz mañızın joymaydı

Bügingi älemniñ tınısı jiilep twr. Qos ökpeden qısqan türli dağdarıstardıñ äserinen be eken, äyteuir jan baqqan tirşiliktiñ alañ bolar jayı da azaymay keledi. Birimen biri  miday aralasıp  ketip bara  jatqan zamannıñ qazirgi didarı da, talabı da, talğamı da müldem basqa. Jahandanu dep jürgen sol talaptı dünieniñ endigi auasın jwtıp, suıp işip degendey ömir süruiñ üşin tiri boluıñ, tiri boluıñ üşin iri boluıñ kerek. Äytpese mına zamannıñ şañın qauıp qalarıñ kädik emes. Elbası bizge, yağni, öz halqına osı jağdaydı ünemi aytumen keledi.

Qazaqstan Respublikasınıñ Prezidenti Nwrswltan Nazarbaevtıñ biılğı Joldauınıñ  da tüpki mäni men oyı osığan kelip sayadı. Ras, Elbası aytıp otırğanınday,  Qazaqstan osı uaqıtqa şeyin əlemdegi türli dağdarıstar men san aluan sınaqtarğa tötep bere aldı. Sonıñ nätijesinde el  ekonomikası qarqındı damu jolına tüsti. Qazaqstannıñ  2050 jılğa deyingi Damu strategiyası men  jüz naqtı qadam Wlt josparı  da belgilendi. Alayda ösemiz, örkendeymiz, memleketimizdiñ quatın arttıramız dep otırğan jalğız biz ğana emespiz ğoy. Jer betindegi memleketterdiñ barlığı da öskisi, örkendegisi kelip otır.  Sol üşin bäri de jan talasıp  jatır.

Osı bir jantalastı dünie bäsekesinde wtamız ba, wtılamız ba, ol endi kelip özimizge baylanıstı. Ras, bwrınğıday emes masıldıq piğıldan arılıp kelemiz. Eñbek etseñ ğana qolıñ äldebir igilikke jetetindigin de tüsingen sıñaylımız. Biraq,bwrınğı eñbek pen endigi zamannıñ eñbeginiñ arasında da jer men köktey alşaqtıq ayırma jol sala bastadı.

Elbası öz Joldauın «Törtinşi önerkäsiptik revolyuciya jağdayındağı damudıñ jaña mümkindikteri» dep atauı da negizsiz emes.  Önerkäsiptik revolyuciya adam  ömiriniñ  san salasın qamtıp, ol endigi jağdayda adam balasınıñ aqıl-oy sanasına da, twrmısı men ğwrpına da, mına ömirge de, twtas älemge degen  közqarastarına da, tanım-tüysikterine  de  tübegeyli  özgerister äkeleri haq. Jeke halıqtıñ  da, twtas memlekettiñ  de endigi tağdırın osı önerkäsiptik revolyuciyanıñ anıqtauı da ğajap emes.   Öytkeni, endigi arada önerkäsibi quattı da damığan elder ğana ekonomikalıq sayasattı anıqtap, öz oyı men öz degenderin jüzege asıruğa wmtılatın boladı. Mwnı älem damuınıñ qazirgi ürdisinen-aq bayqauğa boladı.

Mine, osı oy töñiregindegi odan ärgi äñgimemizdi sabaqtaytın bolsaq, zamannıñ damu zañdılıqtarı men qauip-qaterlerin  Elbası aldın ala boljap, aytıp ta keledi,soğan tötep bere alarlıq qauqarı bar  bağdarlamalıq isterdi jasatıp ta keledi. Sonıñ bir jarqın mısalı-Qazaqstandı industriyalandıru bolsa kerek. Bwl jolğı osı ndustriyalandırudıñ mindetterin dwrıs jüzege asıra alsaq, bwl täuelsiz Qazaqstannıñ bolaşağın, tipti onıñ tağdırın anıqtaytın mañızı bar ekendigin tüsine biluimiz kerek.

Elbasınıñ Joldauında atap körsetilip, el aldına qoyılıp otırğan 10 mindettiñ qaşan bolsın öz mañızın joymaytındığı tağı da bar. Sol on mindettiñ kez kelgenin alıñız barlığınıñ da elimizdiñ äleumettik-ekonomikalıq damuında, ruhani jañğıruında, tarih sahnasına bwrınğıdan da berik ornığa tüsuinde, älemdik sayasatta öz söziñdi bügingidey aytuıñ üşin de asa zor mañızı bar ekendigi dau tudırmaytın mäsele.

«Qazaqstan 2050» damu Strategiyasında belgilengen reformalardı jürgize otırıp jäne de  elimizdiñ Üşinşi jañğıruın bastap ketken bügingi jağdayda  Elbası öz Joldauında aytıp otırğanınday «Bügin adamzat jaña önerkəsiptik revolyuciya dəuirine ayaq basıp otır. Zamanaui tehnologiyalar dünieni özgeriske wşıratuda. Jahandıq tehnologiyalıq ilgeri leu şilikter özimen birge sın-qaterlerdi de, sonday-aq ösimniñ jaña mümkindikterin de alıp kelude. Bwl – bizdiñ əlemdegi asa damığan 30 eldiñ qatarına jedel enu üşin tarihi mümkindigimiz»,-dedi.

Tarihi mümkindik! Rasında da bwl qazir jäne tipti jedel, tipti wyqı-külki körmey de bizdiñ asa tiimdi paydalanıp qaluğa tiisti tarihi mümkindigimiz! Sol tarihi  mümkindikti tağı da jedel paydalanıp qaludıñ tağı bir mañızı bar. Al bwl kelip, öz elimiz   ben  bolaşağımızdıñ  jäne keler wrpağımızdıñ tağdırı  aldındağı wlı jauapkerşilikke äkelip sayadı. Tereñirek zerdeler bolsaq, Qazaqstan industriyasına  jaña tehnologiyalardı engizudiñ,  el önerkəsibindegi eñbek önim diliginiñ deñgeyin  khteru men öndiristik procesterdi cifrlandıru jəne zamanaui biznes- model'derdi meñgeru,  Qazaqstannıñ resurstıq əleuetin paydalanudıñ tiimdiligin  jaqsartu,aqparattıq-tehnologiyalıq şeşimderdi engizu,  agroönerkəsip keşenin jaña tehnologiyalıq deñgeyge köteru  jäne de transport pen logistikalıq infraqwrılımdı odan əri damıta beru siyaqtı Elbası alğa tartıp otırğan osı mindetterdiñ qaysısın, käne bügingi damu procesteri üşin mañızıdı emes dep ayta alarsız.   Bäri de mañızdı jäne de bwl mindetterde ärqaysımızdıñ ömir tınısımız, ärbirden soñ el tağdırımen qosa öz tağdırımız jatır.

Bärimizdiñ  ömirimiz jol üstinde ötip jatır. Bärimiz de jolauşımız!  Osı bir oy töñireginde otırıp, nazarım Joldaudıñ «Kölik-logistika infraqwrılımınıñ tiimdiligin arttıru» attı törtinşi mindetke eriksiz toqtap, osı mäselege erekşe den qoydım. Öytkeni br birine joldıñ amanşılığın tilep jäne de saparğa şığarda jolayaq jasaytın ğwrpı bar halqımız qaşan bolsın qara  joldı qasiet  twta bilgen. Osı orayda bügingi Qazaqstannıñ    qay salada bolmasın ilgerilep ketuiniñ bir tarmağı osı jolımızda jatır. Elbası  kölik-logistika mäselesin bir bügin ğana aytıp otırğan joq.Bwl mäselege Memleket basşısı täuelsizdiktiñ alğaşqı kezeñderinen bastap köñil bölip, üzbey damıtudıñ talabın qoyıp, sonı wdayı aytıp, öz baqılauında wstap keledi.

Qazaqstannıñ qazirdiñ özinde   köliktik iri aymaqqa aynalıp otır. Qazir Qazaqstan arqılı bir­neşe transkontinental'dı koridor ötendigi de belgili. Sonıñ nätijesi bolar, Joldauda atap körsetilgenindey, Qazaqstan arqılı ötken jük tranziti 2017 jılı 17 procentke ösip, ol 17million tonnağa juıqtasa, endi  tranzitten tüsetin sol  jıl sayınğı tabıstı 2020 jılı 5 milliard dollarğa jetkizu mindeti qoyıldı. Osı bes milliard dollarğa qol jeter bolsa, onda osı kölik-logistika  infraqwrılımına jwmsalğan memleket qarajatınıñ tez arada qaytarımı da boladı.

Ärine, kölik-logistka salasın damıtıp, jetildiruge älemniñ kez kelgen memleketteriniñ de ıntalı bolıp, olar da osı salanı jetildirudiñ ne br amal-täsilderin jasap jatqandıqtarı da anıq. uğa mümkindik beredi. Biz de solay jasauğa mindettimiz. Elbası bwl orayda öz Joldauında jük qozğalısın «onlayn» jüyesinde baqılap, olardıñ keder­gisiz tasımalın qamtamasız etip otırudı jäne de kedendik ope­raciyalardı jeñildetu maqsatımen «blokçeyn» siyaqtı cifr­lıq teh­nologiyalardıñ auqımdı türde engi­ziluin qamtamasız etudi alğa tartadı. Öytkeni, osı küngi bwl zamanaui şeşimder kölik-logistika salasınıñ barlıq buınınıñ özara baylanısın wyımdastıruğa mümkindik beredi.  Mine, osı asa mañızdı salanıñ älemdik ozıq ürdispen damuı men jwmıs isteuin qamtamsız etu üşin  jıl sayın  bwğan bölinetin byud­jet qarajatınıñ jalpı kölemin ortaşa merzimdegi kezeñde 150 mil­liard teñgege jetkizu  közdelip otır.

Ärine, Elbasınıñ biılğı Joldauında eldiñ aldına qoyılıp otırğan on mindettiñ ärqaysısınıñ da   ömirlik,tarihi mañızdılığı orasan ekendigin aytuğa boladı. Negizgi bağıt, älemniñ damığan 30 memleketiniñ qatarına enu bolsa, endi kelip osı on mindet sol maqsatqa jetu jolımızdağı temirqazığımız ispettes. Maqsatqa adaspay jetu üşin el birligin bärinen de joğarı qoyayıq!

Jabal Erğaliev, jazuşı, Qazaqstannıñ eñbek siñirgen qayratkeri

Abai.kz

34 pikir