Jwma, 23 Aqpan 2018
Äne, kördiñ be? 1215 13 pikir 9 Aqpan, 2018 sağat 18:57

Aq olimpiada: eki Korey birigip, al RF komandası tusız şıqtı

XXIII qısqı Olimpiadalıq oyındardıñ aşılu saltanatı däl qazir Oñtüstik Koreydiñ Phençan qalasında ötip jatır. Osı uaqıtta Aq Olimpiadanıñ bastı qaharmandarı - 92 memleketten kelgen 3000 sportşı saltanattı şerudi jürip ötti.

Bwl jolğı Olimpiadanıñ bäsi bwrınğıdan  özgerek bolmaq. Olay deytinimiz, Reseyden barğan sportşılar tusız şıqtı. Halıqaralıq Olimpiada komitetiniñ şeşimi solay boldı. Tipti, daudıñ qızıp twrğan şağında Resey qwraması Olimpiadadan mülde şettetiledi degen söz bolğan. Keyin, doping sınamasınan taza şıqqan sportşılardı Olimpiada bayrağınıñ astında jarısqa jiberu turalı şeşim qabıldandı.

Bwl bwl ma, Olimpiada  eki jüyege bölingen eki Korey Respublikasınıñ komandaları birigip şıqtı. Bir tudıñ astında şeruletip ötti. Tipti, tribunada twrğan qos memlekettiñ basşıları bir-birin qwttıqtap, jılı lebizderin bildirip jattı.

Ötken jolı Soltüstik Koreya qwraması Phençanğa kelgeni turalı habar älemdik BAQ-tı şarladı. Soltüstik Koreyadan wzın-ırğası 280 adam kelgen. Onıñ 200-ge juığı janküyerler.  Bwl delegaciyanıñ qwramında 26 taekvondist pen 21 jurnalist jäne 4 şeneunik bar. Bügin eki Korey eli bir tudıñ astında boldı.

Bwl jolğı Olimpiadada eki Korey bir hokkey qwramasın jasaqtap şıqtı. Äyelder arasındağı hokkey dodasında bir qwrama jasaqtadı. Onıñ qwramında Soltüstik Koreydiñ 12, Oñtüstik Koreydiñ 23 sportşısı engen. Komandanıñ atı - "Korey".

Änwran retinde eki Koreyge ortaq "Ariran" wlttıq äni orındaladı.

Tağı bir daulı mäsele - Aq Olimpiadanı wyımdstıruşılar jeñimpazdar men qatısuşı sportşılarğa  käde-sıy retinde wsınılatın eñ soñğı nwsqadağı "Saumsung" smartfonın Resey men Iran sportşılarına beruden bas tartqan. Sebebi, bwl memleketterge qazir Batıs sankciyası salınğan.

Bwl jolğı Aq Olimpiadadan Qazaqstan sportşılarınan jeñis kütemiz. Bügingi saltanattı şerude Qazaqstan qwramasın şort-trekşi Abzal Äjiğaliev bastap şıqtı. Jalpı 46 sportşımız dodağa qatısadı.

Biz aldağı uaqta Koreydegi sport dodasınan jañalıqtardı üzbey jariyalap otıratın bolamız.

Abai.kz

 

13 pikir