Jwma, 23 Aqpan 2018
Auıs-tüyis 2513 21 pikir 9 Aqpan, 2018 sağat 19:27

Prezident Tamara Düysenovanı qızmetinen bosattı

Memleket basşısınıñ jarlığımen Qazaqstan Respublikasınıñ Eñbek jäne halıqtı äleumettik qorğau ministri Tamara Düysenov qızmetinen bosatıldı. Bwl turalı Aqordanıñ baspasöz qızmeti habarladı.

Onıñ ornına Madina Abılqasımova ministr bolıp tağayındaldı.

Esteriñizge sala keteyik, bügin Ükimettiñ keñeytilgen otırısında Memleket basşısı Nwrswltan Nazarbaev ministr Düysenovağa: "Tamara, jwmıstan şarşadıñ ba?" degen edi.

"Bizge mindetti äleumettik medicinalıq saqtandırudı keyinge şegeruge tura keldi. Sebebi özin-özi jwmıspen qamtıp jürgen azamattardı zañdastırıp, resmi türde tirkeu kerek. Olar salıq tölemeydi, zeynetaqı jüyesine qatıspaydı. Bılayşa aytqanda, "köleñkede" jür. Men osını bes jıl boyı aytıp kelemin. Naqtı tapsırmalar da berdim. Alayda ol azamattarmen eşkim tığız aynalısıp jatqan joq. Ministr Düysenovağa (Eñbek jäne halıqtı äleumettik qorğau ministri – avt.) da talay ret ayttım. Ne boldı? Tamara, al aytşı? Älde şarşadıñ ba mına jwmıstan?", – dedi N.Nazarbaev.

Abai.kz

21 pikir