Jeksenbi, 27 Mamır 2018
Äne, kördiñ be? 1690 6 pikir 13 Aqpan, 2018 sağat 12:45

Qazaqstan Jazuşılar odağınıñ VI plenumı. Kim ne ayttı?

Aqpannıñ 12-si küni Almatıda Qazaqstan Jazuşılar odağı basqarmasınıñ VI plenumı ötti. Qalamgerler bas qosqan jinalıstı odaq törağası Nwrlan Orazalin aşıp, aldağı qwrıltayda odaq törağalığınıñ saylauına tüspeytinin mälimdep, «Besinşi s'ezde saylauğa tüspeytinimdi tağı da qaytalap aytamın», – dedi. Al plenumnıñ negizgi bayandamasın odaq törağasınıñ birinşi orınbasarı Ğalım Jaylıbay jasap, odaqtıñ wlt ömirindegi mañızdılığına toqtaldı. Bayandamaşı qoğamdıq wyım – Jazuşılar odağınıñ memleketten bir tiın almaytının, öz künin özi körip otırğanın jäne de 2014 jıldan beri jürip kele jatqan älemdik ekonomikalıq dağdarıs odaqtı da aynalıp ötpegenin, tipti sonıñ saldarınan qarjı ünemdeu maqsatında wyım qızmetkerleri qızmettik kölikten bas tartqanın da ayttı. Bayandamadan soñ, tağı da söz alğan N.Orazalin Jazuşılar odağınıñ kezekti qwrıltayın 24 aqpanda ötkizu turalı äñgime jürip jatqanın, oğan qarsılığı joğın, eger qalamgerler sol künge qwrıltay ötui qajet dep tapsa, wyım jarğısı boyınşa ötkizuge bolatının aytıp, osı mäselege qatıstı jarıssöz jariyaladı. Äueli ädebiet sınşısı Serik Qirabaevtıñ plenumğa qatısuşılarğa arnap jazğan hatı oqıldı. Söytip, jarıssöz bastalıp, Qabdeş Jwmadilov, Tölen Äbdik, Dulat Isabekov, Säbit Dosanov, Iran-Ğayıp qatarlı qalamgerler öz oyların ortağa saldı.

Säbit Dosanov, jazuşı:

Kim kelse de, sonı qoldayıq, soğan qızmet eteyik

"Talasañdar, bwdan da wzaq otırğandar bar ğoy..."

– Eki mäsele boyınşa pikir aytu kerek dedi ğoy. Birinşi – jwmısqa bağa beru kerek, ekinşi – qwrıltaydıñ uaqıtın belgileuge qatıstı pikir aytu. Sözdi köp sozbayın, men Serik Qirabaev ağamızdıñ pikirine tolıq qosılamın. Özderiñiz bilesizder, Nwrlannıñ jwmısınıñ üş jılı otpen, sotpen ötti. Öziniñ bedeliniñ arqasında, prezidenttiñ, siz ben bizdiñ kömegimizben satılıp ketken, şaşılıp ketken dünieniñ bärin jinadı. Mwnı ülken eñbek dep qana emes, ülken erlik dep bağalau kerek. Odan keyingi jwmıstardı bir-aq sözben aytatın bolsaq, jwmıs öz qalıbımen jürip jattı. Bizdiñ emociyağa beriletin ağayındarımız bar, key kezde artıq aytıp qoyamız. Bir kezde mınaday äñgime de bolğan: osı odaqtıñ keregi ne, tek ölik şığaradı, mereytoy ötkizedi dep. Jwrttıñ bärin opera teatrınan şığarmaydı ğoy, ol da ülken jwmıs. Al endi Nwrlannıñ tağı bir eñbegin aytayın, qalamaqı mäselesin deputat kezinde de elbasına deyin barıp, köterdi. Bir mısal aytayın, osıdan üş-tört jıl bwrın memlekettik hatşı üş-tört jazuşını qabıldadı. Sonda men de boldım. Sol jerde de qalamaqı mäselesin tabandap twrıp ayttı. Eñ ülken eñbeginiñ biri – qalamaqı mäselesin şeşkeni. Ärine, kemşilik bar. Kün bar jerde köleñke boladı, jwmıs bar jerde kemşilik te boladı. Al endi twtas alğanda odaq öziniñ jwmısın abıroymen atqarıp keledi. Sondıqtan, meniñ wsınısım, odaqtıñ jwmısına qanağattanarlıq degen bağa bersek. Qwrıltaydı 24 aqpanda ötkizeyik degenge öz basım üzildi-kesildi qarsımın. Nege? Qwrıltay ötkizu oñay emes. Bizdiñ oblıstarda jatqan 300-dey müşemiz bar. Qwrıltayğa solardıñ bäri qatısuı kerek. Olardıñ bärine hat jazu, şaqıru, qwrıltaydı wyımdastıru kädimgidey process. Kim kelse de, öz bauırımız keler. Reniştiñ bärin jiıp qoyıp, kim kelse de, sonı qoldayıq, soğan qızmet eteyik. Jaña basşığa bärin iterip tastasaq ol qiındau boladı. Sondıqtan, meniñ wsınısım, qwrıltaydı mamırdıñ ekinşi jartısında ötkizu kerek. Wsınısım sol, özderiñiz şeşesizder.

Jañağı Serik Qirabaev ağamızdıñ ağalıq, batalı sözi. Bir-birimizdiñ jağamızdı jırtpayıq, ökpe-renişti keyinge qoyalıq. Plenumğa sättilik tileymin!

Qabdeş Jwmadilov, jazuşı:

Jañğırmay twrıp qalğan mekeme – bizdiñ Jazuşılar odağı

"Talasañdar, bwdan da wzaq otırğandar bar ğoy..."

– Al endi aytatın söz köp emes, jaña Säbit Dosanovqa biraz aqıl aytıp ketti. Aqıldı jigitterdiñ biri ğoy. Mınau qwrıltaydı qaşan ötkizu kerek, odaqtıñ jwmısına – Orazalinniñ jwmısına qalay bağa beru kerek degen närseler: ol – principti mäseleler. Endi eki auız söz sol turalı.

«Ruhani jañğıru» degen wran köterildi, bir jılğa taqap qaldı ma, jartı joldı ma?! Ol der kezinde köterilgen wran. Bir ğana ättegen-ayı bar, öte keş aytıldı. Ol osıdan 25 jıl bwrın aytıluı kerek edi. Biz ruhani degen närseni säl-päl büldirip alıp, artınan barıp esimizge tüsti. Jemqorlardı köbeytip alıp, qılmıskerlerdi, qatıgezderdi köbeytip alıp, artınan wran şaqırıp jatırmız, eşten keş jaqsı. Ruhani jañğırıp jatqanda, jañğırmay ortasında twrıp qalğan mekeme – bizdiñ Jazuşılar odağı. Törağa 22 jıl otırdım dep otır ğoy, men Ğabiden Mwstafinnen bergi törağalardı bastan keşirip kele jatırmın, jasım 80-nen astı. Sol törağalardıñ eşqaysısı tört-bes jıldan aspağan eken. Änuar Älimjanov qana toğız jıl otırdı. Esesine qanday jwmıs bitirdi. Mına otırğan ğimarattı, anau qıtaydıñ qonaqüyi bolğan jazuşılardıñ şığarmaşılıq üyin Älimjanov saldırıp ketti. Qanşa jazuşığa üy äperdi. Al Orazalin 22 jılda ne istedi degende, daulı närse köp. Alğaşqı 10 jılı öz kezegi, eki s'ezd, eki saylaudıñ arası. Meyli, otırdı delik. Keyingi 12 jılı ırıñ-jırıñmen ötti. Bireuler «Nwrlan, jolıña tüs, sen de jazuşısıñ ğoy, otırıp jaz, ılği mansapta otıra bermey, ket» dedi. Äy, Nwrlan, men seni jaqsı körem, talantıñ bar äjeptäuir. Bwrınğı törağalar «meni bosatıñdar, jazuımdı, qalam-qağazımdı sağındım» dep rwqsat swrauşı edi. Al mına Nwrlan ketpeudiñ qamın qattı qarastırdı. Älgi «Alaş» sıylığın bir künde 42 adamğa ülestiru – özine dauıs jinap, ömiri keşpeytin närse. Nwrlannıñ betinde qaladı ol. Alaş degen attı ayaqqa salıp, 42 adamğa bir künde ülestiru degen, ne boldı sonşa, ne jetti? Bwrın ol sıylıqtı wzasa eki-üş adam alatın, özimiz sol sıylıqtı beru komissiyasınıñ müşesi edik. Al Nwrlan sol komissiyanıñ bärin jiıp qoyıp, öz ülestirdi. Meniñ Nwrlanğa keşpeytin bir närsem – osı. Ol Alaştıñ, odaqtıñ märtebesin köteru emes, öziniñ märtebesin köteru, orıntağın saqtap qalu, jalpaq tilmen aytqanda, basqa ne ol?!

Ekinşi bir mäsele – Ädi Şäripov bastap, Änuar Älimjanov salıp berip ketken şığarmaşılıq üydiñ esiginen sığalay almay qaldıq, kire almaymız. Ötken jılı ma, bir şaruamen sol jaqqa barıp, kire keteyin desem, avtomat asınğan küzetşi mañayına jolatpaydı. Sonıñ qazir qıtaydıñ qonaqüyi bolıp otırğanına işiñ uday aşidı. Nwrlanğa ekinşi keşpeytin närsem – osı. Qalamaqını qayta-qayta ayta beredi, ol bärimizdiñ şulap jürip jetken närsemiz.

Jazuşılar odağı mıñdağan qoğamdıq wyımnıñ biri eken. Bwl – jazuşılardı qorlaudıñ eñ joğarğı türi. Biz halıqtıñ ruhani düniesin jasap otırmız ğoy. Odaqtı qoğamdıq wyım degen tizimnen aldıra almadıq. Üş jıl senator bolıp otırğanda osı turalı bir auız söz aytqan joq.

Al endi plenum, qwrıltaydıñ uaqıtına kelsek, ekeui de uaqıtınan köp keşigip ötip keledi. Men tipti ekeuin birge ötkizuge de qarsı emespin. «Temirdi qızğan kezinde soq» deydi. 24 aqpanda qwrıltaydı ötkizu kerek. Jwrttı tağı da partiya-partiyağa bölmey, ärkim öz «poklonniktarın» soñdarınan ertpey. Dayındıq degen – sol. Onday dayındıqtıñ tükke keregi joq. Endi qwrıltaydı kim ötkizedi degenge kelsek. Qwrıltaydı mına komanda ötkize me? Jaña Orazalin ayttı. Onı ornınan tüsti dep esepteuimiz kerek. Söytip, qwrıltaydı ötkizetin komissiya qwruımız kerek.

Jaraydı, meniñ aytarım, osı jigitter! Bayağıda qwrıltayda da aytqanmın. Nwrlan Orazalindi dwrıstap şığarıp salayıq, sosın aldağı tirşiligimizdi oylayıq.

Iran-ĞAYIP, aqın:

– «Orazalin wzaq otırdı» deysiñder, talasañdar, bilikte bwdan da wzaq otırğandar bar ğoy.

Maral Isqaqbay, jazuşı:

Ne degen asığıstıq ekenin tüsinbeymin

"Talasañdar, bwdan da wzaq otırğandar bar ğoy..."

– Sözim basqaşalau bolar dep oylap em. Söyleuşilerdiñ bağıtı adamdı jañıldırıp jiberedi eken. Nwrlandı jaqsı köreyik, jek köreyik, saylauğa tüsem dep jatqan joq qoy, jağasınan ala bergende qaytemiz. Tağı da tüsem dese, jağalassañdar jarasadı. Ketem dep otırğan adamdı tömpeştep ketiremiz deu bolmaydı. Sondıqtan istiñ bağıtın bilmeytin kisi bolıp söylemeuimiz kerek. Qoğamdıq mekemeniñ atı – qoğamdıq mekeme. Zamanımız Sovet Odağınıñ zamanı emes. Mwnı aytıp otırğanım, men de bir qoğamdıq mekemeniñ bastığımın. Seksenge keldim. Aytılıp jatqan qiındıqtar bizdiñ de basımızda bar. Ükimetten eşqanday kömek joq. Sondıqtan osınday qiın jağdayda Jazuşılar odağın qwlatıp almay, osı künge jetkizgenimiz üşin bärimiz özimizge özimiz raqmet aytamız ba, joq älde qosılıp Nwrlanğa aytamız ba, ol – basqa mäsele. Nwrlannıñ da, bizdiñ de eñbegimiz bar. Nwrlandı maqtayın dep twrğan joqpın, 22 jılğı jwmısına bağa bergeli jatqan da joqpın, Serik Qirabaev ağamızdan asırıp eşteñe aytpaymız. Bärimizge belgili närse ğoy.

24 aqpanda s'ezd ötkizeyik degendi men qazir estip otırmın. Bwl ne degen asığıstıq ekenin tüsinbeymin.  Bes jıldan beri roman, povest', äñgimeler jazıldı. S'ezde biz sonı qorıtındılauımız kerek emes pe?! Sonşalıqtı küyip bara jatqan ne bar?

Tölen Äbdik, jazuşı:

Taq üşin küreskendi qoyayıqşı

"Talasañdar, bwdan da wzaq otırğandar bar ğoy..."

– Ädebietimizdiñ qaraşañırağı dep jürgen Jazuşılar odağınıñ tağdırı bärimizdi oylandıradı, tolğandıradı. Zaman özgerude, zamanğa qaray adam da, qoğam da özgerude.Osı zaman tudırıp otırğan jaña talaptarğa jauap berip jatırmız ba, soğan osı bizdiñ wyım layıq pa degen mäseleler aytılmağalı köp boldı. Jañağı jigitter ärtürli pikir aytıp jatır. Bireuler qanağattanarlıq, jaqsı dep te jatır. Sın aytıp jatır.  Eger Jazuşılar odağında eşqanday problema joq desek, ärine, qatelesemiz. Ol problemalardı aytpay, jauırdı jaba toqıp, bäri tamaşa, jaqsı boldı, ketip bara jatır ğoy, raqmet aytayıq desek, onda sol jabulı qazan jabulı küyinde qaladı. Sol problemamen tağı da qalamız. Sondıqtan şındıqtı aytuımız kerek, joldastar! Şındıqtı aytsaq, Nwrlannıñ osı qızmetke keluine ıqpal etken adam – menmin. Onı özi de biledi. Kerek kezinde qoldadıq. Jürdik. Qızmet qıldıq. Biraq endi zaman özgeredi, uaqıt özgeredi. Bwl – qoğamdıq wyım. Qoğamdıq wyım demokratiyalıq negizde qwrıluı kerek. Basşılıqtıñ auısıp twruı degen bar, ol da boluı qajet. Bir adam şekten tıs otırsa, ol özine-özi problema jasaydı. Problemanı onıñ töñiregindegiler jasaydı. Ol aytılıp jür. Oğan Nwrlan renjuge tiisti emes. Qarjılıq mäselelerdi aytıp jatadı. Men onı tolıq bile qoymaymın. Biraq oğan tolıq jauap berilui tiis. Jazuşılardıñ şığarmaşılıq üyinde 20 jıldan astam uaqıt demalmay jürmiz deui oylandıra ma, oylandıradı. Eger ol jalğa berilgen bolsa, ol az aqşa emes, s'ezd ötkizuge, adamdarğa aylıq beruge nege jetpey jatır? Soğan jauap bersin, sonda jwrttıñ bäri toqtaydı. Jaña Qabdeş ağamız aytıp jatır ğoy, söziniñ köbine qosılamın. Öytkeni ol şındıqtı tura aytatın jigit. Jazuşılar odağı qoğamdıq wyım ekeni ras. Onı odan alıp tastay almaymız. Jazuşılardıñ erikti qoğamdıq wyımı. Bwğan byurokratiya, bastıqtıq degen jürmeydi. Bilikpen aytısudıñ, tartısudıñ qajeti joq. Biraq Jazuşılar odağı halıqtıñ sözin söyleytin, qajet bolsa bilikke qarata sın ayta alatın wyım boluı kerek. Bwlay jüre beruge boladı.  Jazuşılar odağı bwrın talanttı qalamgerlerdiñ ortası bolatın. Jwrt kelip-ketip jatatın. Qazir swrasam, «odaqqa barmaymız» deydi. Sonda Jazuşılar odağı kimge kerek? Biz bayağıda odaqtan şıqpaytınbız. Eşkim kelmese, wrpaq pen wrpaqtıñ baylanısı üziledi. Kelesi keletin basşılıqtan swraytınımız, odaqtıñ jwmısı aşıq boluı kerek. Aşıq bolmasa, onda ösek-ayañ damidı. Eger bir mäsele tuındaytın bolsa, oğan anıq jauap berilui kerek. Sodan keyin, ağayındar, taq üşin küreskendi qoyayıqşı. Jarğını özgertu degen qiyanat. Är kelgen basşı jarğını öz ıñğayına qaray özgertetin bolsa, ne boladı? «Qwrmetti törağa» degen ne söz? Nwrlan, aynalayın, sağan eşqanday qarsılığım joq, ötken plenumda estidim, Qwrmetti törağa saylanğan törağanıñ üstinen qaraydı eken. Onday närse qoğamdıq wyımda bolmaydı ğoy dep edim, jwrttıñ bäri sonda mağan jabılıp qarsı söylep, men zaldan şığıp ketuge mäjbür boldım. Mwnıñ artı jaqsılıqqa aparmaydı. Osınday närseler aytıluı kerek. Mwnı aytu bireuge jamandıq oylağannan emes, älgindey dünieler jalğaspau üşin, qaytalanbau üşin.

Jaña jigitter «qwrıltayğa biz nege asığamız» dep otır ğoy, qwrıltay bir jarım jılğa keşigip otır. Bwğan qarap otırsañız, basşılıq legitimdi emes bolıp şığadı. Asıqpaytın eşteñe joq emes, asığu kerek. Öytkeni merzim ötip ketti. Endi tağı da dau tudırmau üşin qwrıltaydı aqpannıñ 24-inde ötkizip jibereyik degen pikirdi men qoldaymın.

Temirhan Medetbek, aqın:

…Jazuşılar odağı bügjiip otırdı

"Talasañdar, bwdan da wzaq otırğandar bar ğoy..."

– Serik Qirabaev ağamızdıñ sözin alğa tarttı. Ol kisiniñ ıntımaqqa, birlikke şaqırğan, bir-biriniñ jağasınan almasın degen sözin tıñdadıq. Biraq men sol kisiniñ özin ülken märtebeli, ülken twlğa dep oylamaymın. Ol kisi kezinde Qasım Amanjolovtıñ qanatın qayırğan, Mwqağali Maqataevtıñ mañdayın ayırğan adam. Endi bügin kelip birlikke şaqıradı. Ärkim de birlikke şaqıradı. Men ne birlikke qarsımın ba, ıntımaqqa qarsımın ba? Qwrıp ketsin onday dünie, odan da öle qalğan jaqsı.

Jazuşılar odağınıñ atağınan at ürketin, ayağın tartatın aybarı joq. Jazuşılar odağı aybardan jwrday boldı. Mäselen, bayağı Kolbindi osı jerge şaqırıp alıp twrıp, Jwban Moldağalievtiñ, Safuan Şaymerdenovtiñ söylegen kezindegi aybarı qanday edi! Al keşegi Jañaözen oqiğası, «jer satılmasın» degen oqiğalarda Jazuşılar odağı bwğıp, bügjiip otırdı. Sol oqiğalar kezinde Qabdeş Jwmadilov, Ğabbas Qabışevtar ün qattı. Jañaözen oqiğası kezinde Äbdijämil Nwrpeyisov qanday söz ayttı… Solardıñ qwlağın qwntitıp, mwrnın şwntitqan eşkim joq. Qan tögilip jatır. Jer satılayın dep jatır. Sol kezde Jazuşılar odağı bügjiip otırdı. Qan tögilmesin, jer satılmasın degenniñ qanday sayasatqa qarsılığı bar, aynalayın, jazuşılar-au! Eşqanday sayasatqa qarsılığı joq qoy. Eliñ men jeriñ, tiliñnen basqa neñ bar?! Mine, osınday närselerdi körgende adam küyedi, küyinedi.

Bayağıda plenumnan keyin ile-şala qwrıltay ötetin. Sondıqtan qwrıltay 24 aqpanda ötui kerek. Äytpese arada tağı da nebir intriga, şantaj närseler bolatının biz estip, körip jatırmız.

Bekswltan Nwrjekeev, jazuşı:

Jazuşılardıñ bedelin qwrtıp jatqan özimiz

"Talasañdar, bwdan da wzaq otırğandar bar ğoy..."

– Tıñdau üşin, pikirimizdi aytu üşin keldik. «22 jıl otıru wyat emes pe, ıñğaysız emes pe?» dep aytıp jatırmız. Özimiz kezinde saylap alamız da, özimiz kelip nege otırasıñ deymiz. Osınıñ özi zañdılıq pa, adamgerşilik pe? Sonı oylaytın, tüsinetin, zañdı biletin jasqa kelmedik pe, bärimiz de? Bärimizdi zorlap, közimizdi jwmıp, aldap kelip otırıp alğan siyaqtı. Är s'ezd sayın esep beriledi, tıñdaymız, dauıs beremiz, saylaymız, sodan keyin kelip nege otırasıñ deymiz. Biz zañdı sıylaytın, bağalaytın jasqa jetpedik pe, bärimiz? Qayta-qayta Sovet ökimetiniñ kezin ayta beresiñder, onı kelip salıstırasıñdar. Jaña Maral kökem ayttı ğoy, men de osınday qoğamdıq wyımdı basqarıp otırmın, mäñgi basqara beruime boladı dep. Öytkeni halqıñ seni dwrıs dep saylasa boldı. Jarğını oqımaysızdar ma? Jazuşılardıñ bedeli qwrıdı deysizder, onı qwrtıp jatqan özimiz ğoy. Jazuşılarda pätua joq deydi. Keşe ğana men elu jıl dos bolıp jürgen dosıma ayttım: äy, kökem, on eki künniñ işinde s'ezd dayındau degen ne swmdıq? Bes kün qonaq şaqırsañ, bes kün dayarlanamız. On eki künniñ işinde 780 jazuşını şaqıru… Älde Orazalin s'ezd ötkize almay masqara bolsın dep otırsıñdar ma? Jazuşılardıñ, bizdiñ abıroyımız ğoy ol. «Ketem» dedi, osığan endi bir layıq inileriñizdi qoyıñızdar dedi. Raqmet dedim. Söytip alamız da, büyrekten siraq şığaramız. Sosın 47 adamğa «Alaş» sıylığın berdi, süytti, büytti dep. Berilmesin degen zañ bar ma? Men oylaymın, «Alaş» sıylığın ala almay qalğandar riza emes şığar dep. Ol sıylıq bekerden-beker berilmeydi, oğan 100 mıñnan, 70 mıñnan aqşa kerek. Sol aqşa tabılğan kezde berip qalu kerek. Äytpese ana demeuşi aqşanı sağan künige dayındap bermeydi. Sonı bilip otırsañızdar da, bilmegensisizder. Bwl bola ma eken, endi? Mağan «sen iniñe jaqtasıp otırsıñ» deydi. Äy, kökelerim, saylaudı ağam, inim üşin ğana ötkizip otırsaq, onda jetisken ekenbiz. Ol ne degen swmdıq! Sonda men inim bolğanı ğana üşin Jazuşılar odağı kerek, Orazalin joq bolsa tükke qajeti joq deymin be? Jazuşılar odağı 80-nen asqan Qabdeşke, mına Tölen, Dulatqa, mağan kerek bolmauı mümkin, onsız da kün köresiñ, mına artımızdan kele jatqan jastar bar, olar orden, sıy-siyapat alıp, wyımdasıp, Jazuşılar odağı degen wyım bar ekenin körui kerek. Ol wyımnıñ ğimaratı boluı kerek. Biz solar üşin qam jeuimiz kerek qoy. 22 jıl boyı är s'ezde reviziya komissiyasınıñ esebi tıñdalıp, dauıs berip kelemiz. Qwrıltaydı komissiya qwrıp ötkizu degen – jarğını bilmeytin adamnıñ sözi. S'ezd saylanğan qwram ğana ötkizedi dep jarğıda jazılğan. Jarğını bwzatın biz sonşalıqtı kimbiz? Büyrekten siraq şığarıp daulasamız da, sırttağılarğa wyatqa qalamız. Qwrıltaydı 24 aqpanda ötkizu degen özimizdi de, Jazuşılar odağın da masqara qılu dep esepteymin. Mamırda ötkizu tım keş deseñder, onda beri, kökekke qoyıñdar. Jau quıp kele me, jau şapqalı jatır ma? Özimizdi-özimiz şabatınday ne körindi bizge? Sondıqtan, meniñ wsınısım, Jazuşılar odağınıñ jwmısın qanağattanarlıq deyik, qwrıltaydı mamırdıñ yaki bolmasa kökektiñ işinde ötkizeyik delik.

Endi meniñ bir wsınısım bar. «S'ezdi 24 aqpanda ötkizeyik» dep eldiñ bäri hat jazıp jatır degen soñ, men de prezidenttiñ atına bir hat dayındap äkeldim. Üştildilik turalı. Üş tildi balabaqşadan bastap oqıtu kerek dep jatır. Mine, osığan oray, üştildilikti bastauış sınıptardan keyin ğana engizu jöninde hat jazıp alıp keldim.

V plenumdağı jarıssözdiñ negizi osılay örbidi. Är söyleuşini minbege şaqırıp otırğan Nwrlan Orazalin sınğa qatıstı jauap beretinin aytıp otırdı. Biraq qwrıltay ötkiziletin uaqıtqa dauıs beru ayaqtalğan soñ qalamgerler tarap ketti de, odaq törağasınıñ qorıtındı söz aytıp, sınğa jauap qatuğa mümkindigi bolmadı.

Plenumğa qatısuşılar basım dauıspen Jazuşılar odağınıñ kezekti qwrıltayın 12 naurızğa belgiledi.

Tüpnwsqadağı taqırıp: «Talasañdar, bwdan da wzaq otırğandar bar ğoy…»

"Jas Alaş"

6 pikir