Senbi, 21 Säuir 2018
El işi... 1142 32 pikir 14 Naurız, 2018 sağat 08:59

Oquşı oramalın şeşpese, kelesi sınıpqa köşirilmeydi

Aqtöbe oblıstıq bilim basqarması oramal dauına oray mektepke kelmey otırğan oquşılardı kelesi sınıpqa köşirmeui mümkin. 13 naurız küni oblıstıq äkimdikte ötken baspasöz mäslihatında Aqtöbe oblıstıq bilim basqarmasınıñ basşısı Läzzat Orazbaevanıñ aytuınşa, basqarma qazir bwl mäselege oray bilim ministrligimen keñesip jatır.

Läzzat Orazbaevanıñ dereginşe, qazir oblısta "mektep formasın saqtamağandıqtan" sabaqqa qatısa almay otırğan 72 bala bar. Onıñ basım böligi Aqtöbe qalasındağı orta mektepterdiñ oquşıları. Aqtöbe oblıstıq bilim basqaraması basşısı bwl mäsele äsirese Alğa jäne Mwğaljar audandarında özekti ekenin ayttı.

- 2018 jıldıñ qañtar ayındağı derek boyınşa, oblıs mektepterine oramal tartıp keletin 340 oquşı bar bolatın. Büginge deyin 268 oquşı oramaldarın şeşti. Oramalın şeşkisi kelmegen 32 qız bala qonıs auıstırıp, qazir Almatı men Şımkentte oqıp jür, - deydi Läzzat Orazbaeva.

Aqtöbe oblıstıq din isteri basqarmasınıñ basşısı Joldas Qalmağambetov mektep formasın saqtamay otırğan 72 oquşınıñ 16-sı ğana bäliğat jasına tolğan qız bala ekenin aytadı.

- Osıdan eki täulik bwrın Aqtöbe oblıstıq din isteri basqarmasına oramal dauına qatıstı 200-ge juıq ata-ana qol qoyğan ündeu tüsti. Osığan deyin bwl ündeu internette jariyalanğan bolatın. Onda Aqtöbede din wstanuşılarğa qısım jasalıp jatqanı turalı aytıladı. Men mwnımen müldem kelispeymin! Täuelsizdik alğan jıldarı oblısta eki meşit bar bolatın. Qazir olardıñ sanı 67-ge jetti. Biz eşkimniñ dini nanım-senimine qol swqqan emespiz. Biraq zayırlı memlekettiñ oquşısı mektep qabırğasında mektep formasın saqtauğa mindetti, - deydi ol.

Aqtöbe oblısı boyınşa bilim salasın baqılau departamenti basşısınıñ mindetin atqaruşı Janat Mwhambetalinanıñ aytuınşa, osığan deyin balası mektep formasın saqtamağan 18 ata-anağa 5 aylıq eseptik körsetkişke teñ (12025 teñge) ayıppwl salınğan. Ayıppwldarın tölegennen keyin bes ata-ana balaların mektepke oramalsız jibere bastağan. Departament balası mektep formasın saqtamaytın tağı üş adamnıñ qwjattarın tekserip jatır. Olarğa da ayıppwl salınuı mümkin.

Islam dini közqarasın wstanatın ondağan aqtöbelik ata-ana oquşı qızdarınıñ mektepke oramal tağıp barğanın qalaydı. Olar dini senimge säykes kiinu haqıları bar ekenin, Qazaqstan konstituciyasınıñ dini nanım-senim bostandığına kepil beretinin aytadı. Bilim beru mekemeleriniñ basşıları men bilik ökilderi oquşılardıñ mektep işinde birıñğay forma kiyui kerek ekenine, mektep forması turalı Bilim jäne ğılım ministrliginiñ arnayı bwyrığı men erejesi bekitilgenine nwsqaydı. Jergilikti bilik din wstanatın oquşılardıñ mektepten tıs jerde qalay kiinse de, öz erkileri ekenin eskertip keledi.

Mektepte oramal tartuğa qatıstı dau biıl Qazaqstannnıñ birneşe öñirinde tuındağan. Keybir oblıstarda oramal tartatın oquşılardı sabaqqa kirgizbey qoyu oqiğaları da kezdesken. Ondağan oquşınıñ ata-anası oramal tartatın balalarınıñ mektepke kirgizilmeuine qatıstı sotqa şağmdanğan. Biraq sot bilim jäne ğılım ministrligi men mekteptiñ wstanımın qoldağan.

Abai.kz

32 pikir