Beysenbi, 24 Mamır 2018
706 0 pikir 13 Säuir, 2018 sağat 08:35

Pompeo: Siriyadağı wrısta "eki jüzdey reseylik" qaza tapqan

AQŞ memlekettik hatşılığına ümitker, Ortalıq barlau basqarmasınıñ bwrınğı direktorı Mayk Pompeo Senatta tıñdau kezinde "Siriyada eki jüzge jaqın orıs qaza taptı" dep mälimdedi.

Pompeo bwl oqiğa jaylı jan-jaqtı tüsinikteme bermedi, äri aqparat közin de aytpadı. Ol tek birer apta bwrın orın aldı dedi. Ol 7 aqpandağı siriyalıq Deyr-ez-Zor provinciyasındağı Siriya prezidenti Başar Asadtıñ äskerimen wrıstı aytqan bolu kerek. Amerikalıq äue küşteri şabuıldauşılarğa qarsı soqqı bergen.

Osı soğıstan keyin äleumettik jelilerde, sosın BAQ-ta "ÇVK Vagner" qwramındağı reseylik sarbazdardıñ Siriyada qaza tapqanı jaylı aytıla bastadı. Qwrban bolğandar jayında ärtürli sandar aytıldı. Köbinde 200-dey reseyliktiñ köz jwmğanı jazılıp jattı. Jurnalisterdiñ zertteuinşe, olardıñ bäri däl osı soğıs kezinde jan tapsırğan.

Bastapqıda Resey sırtqı ister ministrligi bwl aqparattı teriske şığardı. Keyin birneşe adam qaytıs bolıp, ondağan adam jaralanuı mümkin dedi.

AQŞ äskeri reseylik äskerge şabuıl jasaytının eskertkenin, olardıñ qarsı bolmağanın atap ötedi.

Abai.kz

0 pikir