Beysenbi, 24 Mamır 2018
595 0 pikir 13 Säuir, 2018 sağat 08:52

Senat spikeri Wjımdıq qauipsizdik keñesinde ne dedi?

Qazaqstan Respublikası Parlamenti Senatınıñ Törağası Q.K. Toqaevtıñ Wjımdıq qauipsizdik turalı şart wyımı PA Keñesiniñ otırısında söylegen sözi  

(Sankt-Peterburg, 2018 jılğı 12 säuir)

 

Qwrmetti Vyaçeslav Viktoroviç,

Qwrmetti äriptester!

Bügingi otırısqa qatısuşılardıñ barşasına qoşemet bildire otırıp, reseylik äriptesterimizge, jeke Vyaçeslav Viktoroviçke dästürli türdegi jılı şıraylı qabıldauları men is-şaranı wyımdastırudağı iskerligi üşin alğıs aytamın.

Atalıp ötkendey, Qazaqstan biılğı jılı Wjımdıq qauipsizdik şartı wyımına törağalıq etedi, onı wlttıq jäne wjımdıq qauipsizdikke töngen qauip-qaterdi jedel türde qaytara alatın tiimdi äskeri-sayasi wyım retinde qarastıradı.

Prezident Nwrswltan Äbişwlı Nazarbaev Minskide ötken sammitte aldağı kezeñdegi Wyım qızmetiniñ bes basımdığın belgilep bergenin eske sala ketkim keledi.

Birinşisi, müşe memleketterdiñ äskeri saladağı qwraldarın keñeytu; Ekinşisi, äskeri-tehnikalıq ıntımaqtastıqtı is jüzinde wyımdastıru; Üşinşisi, Wjımdıq qauipsizdik şartı wyımınıñ jahandıq terrorizmge qarsı is-qimıldıñ halıqaralıq jüyesine qatısuı; Törtinşisi, kiberqauipsizdik qaterlerine Wjımdıq qauipsizdik şartı wyımına müşe memleketterdiñ birlesken äreket etu ädisteri; Besinşisi, esirtkiniñ zañsız aynalımına qarsı is-qimıl jönindegi şaralardıñ tiimdiligin arttıru.

Alğaşqı eki basımdıqqa qatıstı qajetti jedel den qoyu küşteriniñ qwrılım qazirdiñ özinde qwrılğanın, Wyımnıñ bitimgerlik äleueti ayqındalğanın atap ötken dwrıs. Jal sayınğı «Jauıngerlik bauırlastıq», «Özara is-qimıl», «Şep» äskeri jattığuları ötkizilip otıradı.

Sonımen qatar olardıñ üylesimidiligin qamtamasız etu üşin Wjımdıq qauipsizdik şartı wyımı Birlesken ştabınıñ jäne Dağdarısqa äreket etu ortalığınıñ jaña qwrılımınıñ tiimdi jwmıs isteuin qamtamasız etu qajet dep esepteymiz.

Qorğanıs käsiporındarınıñ kooperaciyasına, bir-birimizden jeñil bağamen satıp alınatın äskeri tehnikalar men qaru-jaraqtarğa öñirlik servistik jäne tehnikalıq qızmet körsetu ortalıqtarın qwruğa, sonday-aq olardıñ üylesimdiligin arttıruğa bağıttalğan şaralardı qabıldau da mañızdı. Bizdiñ pikirimizşe, bwl twtastay alğanda barlıq Wjımdıq qauipsizdik şartı wyımı elderiniñ qorğanıs önerkäsibin damıtuğa ıqpal etetin boladı.

Wyımnıñ qızmetindegi kelesi basımdıq berilgen bağıtqa kelsek, halıqaralıq terrorizmge jäne zorlıq-zombılıq sipatındağı ekstremizmge qarsı is-qimıl keñ auqımdı halıqaralıq twğırnamada jüzege asuı tiis ekenine senimimiz mol. Sondıqtan da naq osı mäsele BWW Qauipsizdik Keñesiniñ 2017-2018 jıldardağı twraqtı emes müşesi retindegi Qazaqstannıñ qızmetindegi basımdıqtardıñ biri bolıp tabıladı.

Osı basımdıqtıñ ayasında bizdiñ memleketimiz öz qızmetin Wjımdıq qauipsizdik şartı wyımınıñ Birikken Wlttar Wyımı kontrterroristik qwrılımdarımen özara is-qimıl jasauı formatın keñeytu mäselelerine,
sonday-aq halıqaralıq salada terrorizmge qarsı  is-qimıl jönindegi birıñğay ädisterdi äzirleuge jäne ilgeriletuge şoğırlandırudı josparlap otır.

Osığan baylanıstı, Minsk sessiyası barısında bizdiñ elimizdiñ Memleket basşısı halıqaralıq arenada terrorizmge qarsı is-qimıl jönindegi birıñğay täsilderdi birlesip ilgeriletudi wsınğan bolatın. Eñ aldımen, Wjımdıq qauipsizdik şartı wyımına müşe elder azamattarınıñ
şet elderge, terroristik belsendilik örşip twrğan jerlerge şığuına jol bermeuge bağıttalğan birlesken profilaktikalıq is-şaralar turalı, sonday-aq qoğamdıq sanada radikaldı sayasi jäne dini körinisterdiñ kez kelgen nısandarın qabıldamau tüsinigin qalıptastıru jönindegi aqparattıq-tüsindiru jwmısı turalı söz bolıp otır.

Wjımdıq qauipsizdik şartı wyımınıñ kelesi  basımdığı – kiberqauipsizdik qaterleri turalı aytatın bolsaq, soñğı kezderi elderimizdiñ aqparattıq jüyeleriniñ wdayı kiberşabuıldarğa jii wşırap otırğanın atap  körsetu kerek, sonıñ nätijesinde qauipsizdikke eleuli türde nwqsan kelude. Onıñ işinde mañızdı qwpiya derekterdiñ jayılıp ketuine baylanıstı mäseleler de bar. Mwnday tehnologiyalardı büldirgiş (destruktivti) küşter de belsendi paydalanıp otır.

Osı qauip-qaterdiñ transwlttıq bolmısın jäne auqımın eskere otırıp, bizdiñ elimiz Wjımdıq qauipsizdik şartı wyımına müşe memleketterdiñ aqparattıq-kommunikaciyalıq infraqwrılımdarı ob'ektilerine bağıttalğan komp'yuterlik şabuıldardı beytaraptandıru jönindegi şaralardı pısıqtau, sonday-aq Wjımdıq qauipsizdik şartı wyımınıñ kelissöz alañın aqparattıq-kommunikaciyalıq tehnologiyalar salasındağı deklaraciyalanbağan mümkindikterdi zertteu ädisteri boyınşa täjiribe almasu üşin keñinen paydalanu qajet dep esepteydi.

Wjımdıq qauipsizdik şartı wyımınıñ esirtkilerdiñ zañsız aynalımına qarsı is-qimıl jönindegi tiimdi şaralardı arttıruğa bağıttalğan besinşi basımdıq berilgen qızmetin öte mañızdı dep sanaymız. Wjımdıq qauipsizdik şartı wyımı osı mäseleni şeşu jöninde älemdik qauımdastıqtı küşeytuge eleuli üles qosuda. Qazaqstan  BWW-nıñ esirtki jäne qılmıs jönindegi basqarması Almatı qalasında qwrğan Esirtki qwraldarınıñ, psihotroptıq zattar men olardıñ prekursorlarınıñ zañsız aynalımına qarsı küres jönindegi Ortalıq Aziya öñirlik aqparattıq üylestiru ortalığınıñ (OAÖAÜO) ökilderin tarta otırıp, Wjımdıq qauipsizdik şartı wyımınıñ 2015-2020 jıldarğa arnalğan esirtkige qarsı strategiyasın is jüzinde iske asıruğa küş saludı wsınadı.

Belgilengen bağıttar boyınşa WQŞW-dan basqa, onıñ işinde BWW, EQIW, ŞIW, AÖSŞK halıqaralıq jäne öñirlik qwrılımdarımen tığız özara is-qimılsız tiimdi jwmıs jürgizu mümkin emes.

Qwrmetti äriptester!

Qazaqstan Respublikası wsınğan 2018 jılğa arnalğan Wjımdıq qauipsizdik şartı wyımı qızmetiniñ bağıttarı Sizderdiñ elderiñizdiñ qoldauınıñ arqasında tabıstı iske asatınına senimim mol.

Nazarlarıñızğa rahmet.

Abai.kz

0 pikir