Beysenbi, 24 Mamır 2018
464 2 pikir 13 Säuir, 2018 sağat 08:57

Roskomnadzor Telegram messendjerin tez arada bwğattauın swradı

Roskomnadzor sottan Telegram messendjerin battauın swradı. Şağım sotta 13 säuirde qaraladı, dep habarladı "Interfaks" agenttigi.

Düysenbi küni Roskomnadzor messendjer sot şeşimi şıqpayınşa bwğattalmaytının mälimdegen.

Bwnıñ aldında atalğan mekeme Telegram messendjerin Resey federaldıq qauipsizdik qızmetiniñ (FSB) swrauımen bwğatau turalı sotqa şağımdanğan. Bwğan qosa mekeme messendjer qoldanuşıları qaldırğan jazbalardıñ qwpiya kiltin FSB-ge tapsırudı talap etken. Ötken aptada messendjar basşılığına berilgen uaqıt ayaqtaldı.

Telegram basşılığı bwl talaptardı orındaudan bas tarttı. Kompaniya qoldanuşılar mälimetterin qwpiya saqtau üşin Resey Konstituciyasına jügingen. Onıñ üstine kompaniya qwpiya kiltterdi beru tehnikalıq jağınan da mümkin emes dep otır.

Resey jurnalisteri Oleg Kaşin men Aleksandr Plyuşev Adam qwqıqtarı jönindegi Europalıq sotqa şağımdandı. Arızdanuşılar internettegi jazbalarğa baqılau ornatu Adam qwqıqtarın qorğau jönindegi konvenciyağa qayşı dep esepteydi.

Abai.kz

2 pikir