Beysenbi, 24 Mamır 2018
Osı ğoy endi... 588 0 pikir 13 Säuir, 2018 sağat 08:59

Aqtöbede "para bermek bolğan" prokuror isi qarala bastadı

Aqtöbe qalalıq sotı "Qazaqstan Bas prokuraturasına 40 ñ dollar para bermekşi boldı" dep ayıptalğan prokuror Esentur Qadırovtıñ isin qaray bastadı. 11 säuirde ötken alğqı sot otırısında "Qadırov para bermekşi bolğan" bas prokuratura qızmetkerleriniñ de atı ataldı.

Memlekettik ayıptauşınıñ sözine qarağanda, 2017 jılğı tamız ayında Qazaqstan bas prokuraturası öz mindetine salğırt qarağan aqtöbelik äriptesteriniñ üstinen Qılmıstıq kodekstiñ 371 babı 2-bölimi ("Salğırttıq") boyınşa is qozğağan. Bas prokuraturanıñ baqılauına alınğan bwl is 17 tamız küni Atırau oblısındağı arnayı prokurorğa tapsırılğan.

- Küdiktilerdiñ biri - Esentur Qadırov jauapkerşilikten qwtılıp, lauazımdı qızmetke qol jetkizu üşin Aqtöbe oblısı prokurorınıñ işki qauipsizdikti qamtamasız etuşi ağa kömekşisi Aybol Tölegenov arqılı bas prokuraturanıñ işki tekseruler departamentine para bermek boldı, - dedi memlekettik ayıptauşı eks-äriptesi turalı .

Alğaşqı sot otırısına "Esentur Qadırov deldal retinde paydalanbaqşı bolğan" Aqtöbe oblısı prokurorınıñ işki qauipsizdikti qamtamasız etuşi ağa kömekşisi Aybol Tölegenov te qatıstı. Aybol Tölegenovtiñ sözine qarağanda, ol Aqtöbe oblıstıq prokuraturasınıñ ştatında twr. Biraq funkcinaldıq mindetterine say tikeley bas prokuraturağa bağınadı, yağni, bas prokuraturadağı işki tekseruler departamentiniñ Aqtöbe oblısındağı jalğız ökili. Ol alğaşqı sot otırısına kuä retinde şaqırılıp, 2017 jılğı 6 qaraşadan bastap Esentur Qadırovtıñ özin jii mazalay bastağanın, para berudiñ auır qılmıs ekenin äriptesine eskertkenin ayttı.

- Esentur Qadırov 40 mıñ AQŞ dolların men arqılı Bas prokuraturadağı işki tekseruler departamentiniñ qızmetkeri Jukqa bermek boldı. Aqtöbe oblısı boyınşa kurator Juk ol qarjını Bas prokuraturadağı işki tekseruler departamentiniñ sol kezdegi basşısı Badanovqa berse, qılmıstıq jauapkerşilikten qwtılamın dep oyladı. Men Qadırovtan qomaqtı qarjını qaydan alğanın swradım. Ol ata-anam kömektesti dedi. Men bwl jayttı 8 qaraşa küni bas prokuraturağa habarladım. 12 qaraşa küni Esentur Qadırov meniñ köligimde 40 mıñ dollar para bergennen keyin wstaldı, - deydi Aybol Tölegenov.

Alğaşqı sot otırısında Esentur Qadırov özine tağılğan ayıppen kelispeytinin ayttı. Qazir üy qamaqta otırğan prokurordı qorğauşı 3 advokattıñ biri Jwmabay Arıstanov öz qorğauındağı sottaluşınıñ para berip jatqan sätinde wstalmağanın aytadı.

- Qılmıs jasalğan kez videoğa tüsirilmegen, ayğaq bolar adamdar da joq. Tölegenov "Qadırov parağa berdi" degen 40 mıñ AQŞ dolların köligine salıp alıp, bir sağat 50 minut boyı jürgen, kriminalisterge birden barmağan. Qadırovqa arandatu jasalğan boluı da mümkin, - deydi advokat.

36 jastağı Esentur Kadırovqa qatıstı sot otırısı 13 säuir küni jalğasadı. Qılmıstıq isti Aqtöbe qalalıq sotınıñ sud'yası Erbol Äbdihalıqov qarap jatır.

Abai.kz

0 pikir