Senbi, 21 Säuir 2018
46 - söz 502 1 pikir 16 Säuir, 2018 sağat 08:46

Quırşaqtıñ hatı

Berlinde twrğan kezinde Franc Kafka ünemi sayabaqta seyildeydi eken. Bir jolı ol sayabaqta quırşağın joğaltıp alıp, baqırıp jılap twrğan kişkene qızdı wşıratadı. Onı jwbatqan jazuşı qızğa kömektesip, quırşaqtı wzaq izdeydi. Joğalğan oyınşıq tabılmaydı. Kafka kişkene qızğa erteñ de jolığıp, quırşaqtı izdeuge tağı da şığatındarın aytadı.

Ärine, quırşaqtıñ tabılması anıq edi. Alayda, erteñine Kafka kişkene qızğa quırşağı "jazğan hattı" alıp keledi. «Meni qayda ketti dep jazğırıp jatqan bolarsıñ... - dep älgi hattı oqi bastaydı, jazuşı, - Ötinemin, ökpelemeşi! Men dünieni aralap qaytuğa saparğa şığıp ketip edim. Sağan är küni basımnan ötken oqiğalar men kezdesken qızıqtar turalı jazıp twramın».

Ertesine Kafka kişkene qızğa quırşağınıñ basınan keşken jaña oqiğasın ädemilep oqıp beredi. Osılay künde ol jañadan kelgen "hattardağı" qızğılıqtı oqiğalar jaylı sayabaqta kişkene qızğa oqıp berudi ädetke aynaldıradı.

Keyinirek jazuşınıñ qwrt auruı asqınıp, ol Venadağı şipajayğa barıp emdeluine tura keledi. Sayabaqtağı kişkene qızben soñğı märte kezdesuge kelgende Kafka oğan ädemi quırşaq äkep beredi. Ras, bwl oyınşıq kişkene qızdıñ quırşağına müldem wqsamaytın edi. Biraq, Kafka äkelgen quırşaqta bir japıraq qağazğa «Dünieni aralağan saparım meni özgertip jiberdi» dep jazılğan eken...

Qanat Eskendirdiñ Facebook-tegi paraqşasınan

Abai.kz

1 pikir