Senbi, 21 Säuir 2018
Süyinşi! 253 0 pikir 16 Säuir, 2018 sağat 10:55

Astanada Mädeniet portalınıñ twsauı kesildi

Qazaqstan Respublikası Wlttıq muzeyinde «Mädeniet portalı» (www.madeniportal.kz) internet-resursınıñ twsaukeser räsimi ötti. Şara barısında portaldıñ jwmısı tanıstırılıp, jaña jobağa belgili aqın Ayjan Täbarakqızı jetekşi bolıp tağayındaldı.

«Mädeniet portalı» – Qazaqstan Resbulikasınıñ mädeni mwrasın zañdı türde bir jerge jinaqtaytın jäne twraqtı türde nasihattaytın ağartuşılıq bağıttağı qazaq, orıs jäne ağılşın tilindegi eñ iri mädeni platforma bolmaq. Sonday-aq, Qazaqstan Respublikasınıñ Prezidenti Nwrswltan Nazarbaevtıñ «Bolaşaqqa bağdar: ruhani jañğıru» attı bağdarlamalıq maqalasındağı barlıq tarmaqtarı boyınşa jüzege asıp jatqan mädeni is-şaralardı körsetetin, enciklopediyalıq türde qızmet atqaratın mädeni älemge aynaladı dep kütilude.

Portalda Memleket basşınıñ bağdarlamalıq maqalasındağı qazaqstandıq ruhani qwndılıqtıñ jandanuına bağıttalğan «Tuğan jer», «Qazaqstannıñ kieli jerleriniñ geografiyası», «Zamanaui Qazaqstan mädenieti», «100 jetekşi oqulıq audarması», «100 jaña twlğa», «Latın älipbiine köşu» sekildi negizgi arnalarğa «Ruhani Jañğıru» bölimi arqılı jeke-jeke aydarlar aşılğan. Portaldıñ tağı bir erekşeligi är avtorğa (aqın, jazuşı, aytısker, küyşi, akter, suretşi, änşi, bişi, müsinşi, arhitektor, jurnalist, fotogarf, ğalım, jırau, kompozitor, publicist, satirik, audarmaşı, sınşı, dramaturg, rejisser, muzıkant t.b.) arnayı paraqşalar aşılğan jäne olardıñ şığarmaşılığına qatıstı barlıq derekter toptastırılğan. Är avtorğa öz şığarmaşılığın wdayı damıtu maqsatında mädeni blog jürgizu mümkindigi de qarastırılğan. Qazirgi uaqıtta üş tilde 5324 avtordıñ jeke paraqşası jäne olarğa qatıstı aqparattıq materialdar, elektorondı kitaptar, audiokitaptar, änder, küyler, videolar jäne sirek fotosuretter jinaqtalğan. «Mädeniet portalı» – tek mädeni resurstardıñ qazanı ğana emes, elimizdegi barlıq teatr, muzey, kitaphanalardıñ basın bir jerge qosqan biregey kommunikaciyalıq mädeni alañ.

«Mädeniet portalı» – «Onayn-konkurs» bölimin qolğa alıp, elimizdegi barlıq ädebi, mädeni konkurstardı aşıq, ädil ötuine mwrındıq boludı maqsat etip otır. Bwl bölim arqılı jas talanttarğa ülken qoldau bildiredi. Bwdan basqa da Portalda wlttıq qwndılığımız - aytıs önerine arnayı bölim aşıldı. Bwl bölim arqılı portal qızmetkerleri elimizdegi ötetin barlıq aytıstardı onlayn türde körsetedi jäne olarğa taldau maqala jazıp, jüyeli türde wsınıp otıradı.

Portaldıñ tağı bir erekşe bölimi - «Kino». Mädeniettiñ ülken bir salası - otandıq kino industriyasınıñ damuına soñğı kezderi basa nazar audarılıp otır. Portal otandıq är jaña kinoğa recenziya jazıp, ädil sın-maqalalar wsınadı.

«Mädeniet portalı» – öz wltın süyetin, ädebietin ardaqtaytın, mädenietin qwrmetteytin jastardıñ müddesin közdeytin platforma retinde tanıladı. QR Prezidenti N. Ä. Nazarbaev: «Mädeniet – wlttıñ bet-beynesi, ruhani bolmısı, janı, aqıl-oyı, parasatı. Örkenietti wlt, eñ aldımen, tarihımen, mädenietimen, wltın wlıqtağan wlı twlğalarımen, älemdik mädeniettiñ altın qorına qosqan ülkendi-kişili ülesimen maqtanadı. Söytip, tek öziniñ wlttıq töl mädenieti arqılı ğana basqağa tanıladı», - degen bolatın.

Abai.kz

0 pikir