Senbi, 21 Säuir 2018
Jañalıqtar 1325 6 pikir 16 Säuir, 2018 sağat 13:59

«INFOMATRIX–ASIA». Qazaq balaları wsınğan jobalar qanday?

13 -15 säuir aralığında Süleyman Demirel atındağı Universitette VI  Halıqaralıq «INFOMATRIX–ASIA» komp'yuterlik jobalar barısı ötti. Bwğan alıs-jaqın şetelderden 450-den asa mektep oquşıları qatıstı. Jas darındarımız aqparattıq tehnologiya, bağdarlamalau, robototehnika, tehnologiyalıq dizayn jäne qısqametrajdı beyne tüsirilimder, komp'yuter öneri siyaqtı türli bağıttarğa qatısuda. 

Qazaq elin älem jwrtşılığı tanıp, bilim salasındağı joğarğı jetistikterine qanığıp, talabı zor örenderin erekşe bağalay tüsu üşin bwl halıqaralıq jarıstıñ mañızı zor-aq.

Elimizdiñ atınan qatısıp jatqan darındarımızdıñ eñbekteri de joğarı bağalauğa layıq.  Jahandu ürdisindegi aqparattıq tehnologiyalardıñ qarıştap damuınıñ özi talanttı jastardıñ qabiletteriniñ barınşa jetiluine äserin tigizedi. Sol sebepten soñğı uaqıttar da elimizde ğılım-bilim salasına basa nazar audarıp keledi. Tehnologiyalardıñ joğarı deñgeyge köterilui elimizdiñ alpauıt eldermen bäsekege qabilettiligin artıratını sözsiz. Jarıs qatısuşıları bwl joba da qay uaqıtta bolsın ğılım-bilimniñ tili barlığına tüsinikti jäne armandarı ortaq darındardıñ bağıt alğan joldarı da bir ekenin däleldedi. Endeşe, el erteñiniñ tizginin wstaytın, talanttarımızdıñ jasağan jobalarımen tanısıp, bağasın bereyik.

Qıdırbaeva Nazira,  Aqtau qalası, Nazarbaev ziyatkerlik mektebi, 10 sınıp:

-Bwl jerde qısım datçigi bar. Qolıñızdı qimıldatqan kezde, bwlşıq etteriñiz jiırıladı. Birinşi, eñ ülken mänin tañdap aladı. Jibergen kezde, ol aşıladı. Bwl qwrılğını siz qolıñızğa ornata alasız. Qolı joq jandar bwlşıq etterimen basqaradı. Jwdırıq jwmılıp aşıladı. Men bwnı 1 ay köleminde jasadım. Bolaşaqta patenttep satılımğa şığarğım keledi. Sebebi, mügedek jandarğa bwnday qwrılğını alu qoljetimdi bağada boladı. Endigi armanım, bolaşaqta bwlşıq etterdiñ ärbir tamırın zerttep, är sausaqqa bölek jwmılatınday etip jasau.

Biz kündelikti ömirde 12 müşemiz sau bolğandıqtan mügedek jandardıñ jağdayın köp oylay bermeymiz. Sol jandarğa kömek  retinde osını wsınğım keledi. Mwnıñ qiındığı ortaşa. Negizgi satılımdağı bağası 500 mıñ teñge. Al meniki 100  mıñ teñge twratın boladı. Sebebi, men qısım datçigin öz qolımnan jasadım.

Ämire jäne Quanış, Taldıqorğan qalası, Bilim Innovaciya Liceyi:

-Meniñ jobamnıñ atı «Umnıy perehod» ataladı. Adam kirgen kezde bwl belgiler aşılıp, maşinalardıñ bağdarşam belgisinde qızıl janatın boladı. YAğni, adamnıñ kirgenin birden sezdiredi. Adam kirgende bir-birine baylanıs baradı, adam joq bolsa mına şettegiler jabılıp, maşinalar öte beruge boladı. Bwl jobanı oylap tabuğa  4 kündey uaqıt ketti. Negizgi maqsatımız – bügingi tañda köp orın alatın kölik oqiğalarına biraz bolsın şekteu qoyıp, adamdardıñ qauipsizdigin qamtamasız etu.

Sadıkova Karina, Torganbekova Gauhar Astana qalası, Respublikalıq fizika-matematikalıq mektep, 10 sınıp:

-Bizdiñ jobamızdıñ atauı  «SmarTabs»dep ataladı.  Bwl eki qwrılğıdan twradı. Biri ülken, ekinşisi kişkentay. Ülkeni eki-üş adamğa arnalğan. Kişkenesi bir adamğa arnalğan. Soñğısı  sayahattaudı wnatatın jandar üşin. Bwl jobanı oylap tabuımızğa sebep bolğan meniñ  Gauhar qwrbımnıñ äjesi därilerdi şatastırıp, uaqıtın este saqtay almaytın. Demek, bügingi tañda bwl özekti mäsele bolıp tabıladı. Kez-kelgen nauqas öziniñ därisin uaqıtında işip jäne olardı şatastırmaytın boladı. Bwnı jasauğa bizge 20 mıñday ğana qarajat ketti. Sondıqtan satılımdağı bağasıda qımbay bolmaydı.

Amanbaev Jaswlan, Astana qalası № 3 mektep gimnaziyası:

-Meniñ jobam «Robot qwyılğışı». Bwl robot kirpişter arqılı zäulim üylerdi qwrastıradı. Bolaşaqta modeli Wzındığı men eni – 50,  biiktigi – 2 metrge deyin apara alamız. Jer üylerdi qwrastıru üşin 4 metrge deyin aparuğa boladı. Ol üşin 120-100 sm boladı. Bolaşaqta arnayı 3 D modeldik  bağdarlamasımen jasaladı. Komp'yuter arqılı dizayn jasalıp, kirpişterdiñ wzındığı men eni, biiktikterin berip, özi matematikalıq algortimmen qwrastıra beredi. Oylap tabuğa 7 ayday, qwrastıruğa 5 kün ketti. Bağdarlamasın qwyu eñ qiını boldı. Robot adamnıñ eñbegin jeñildetuge arnalğan jäne üylerdi tez-tez qwrastıru üşin jasalğandıqtan da bağası da qımbat bolmaydı. Älemde däl osığan wqsas  Sem degen robot bar. Ol tek kirpiştiñ bir jağın qwrastıradı. Meniki kez-kelgen jerde türip, qalap bere aladı.

Keñesbekov Älimanjan, Nazarbaev ziyatkerlik mektebi:

-Bwl jobanıñ atauı «QiVita». Bwl aqıldı qolğap pen braslet. Ol adamnıñ diagnozın ölşep, onı smartfonğa jiberedi. Sonımen qatar kez-kelgen däriger arnayı baza arqılı öz emdeulişisiniñ diagnozın körip, tipti sol adammen baylanısqa şığa alatın boladı.

Jobanı jasauğa jartı jılday uaqıt ketti. Biz onı 4 ayda iske asırdıq. Jobanı jüzege asıruğa barlığı 98 dollar şığın jwmsaldı. Biz onı 38 dollarğa satatın bolamız.

Aymağanbetov Bauırjan, Nazarbaev ziyatkerlik mektebi, Aqtau qalası:

-Meniñ jobam « TUYSKZ» dep ataladı. Negizi jobada adamdar tirkelip, öz loginderimen çatqa kiredi. Äri qaray öz rulastarın, jaqın jandarın taba aladı. Jobanı 3 aptaday jüzege asırdım. Basqa çattardan erekşeligi Otandıq önim jäne Qazaq elindegi ärbir adamnıñ erkin jäne memlekettik tilde qoldanuına kömek beredi. Mısalı, şeteldegi qandastarımızben de baylanıs ornata alamız. Bwl bolaşaqta PlayMarket-ke salınatın boladı.

Jorabekov Jänibek, Aqtau qalası, Nazarbaev ziyatkerlik mektebi, 10 sınıp oquşısı:

-Bwl jobam közi körmeytin mügedek jandarğa arnalğan. Är ärip 6 nükteden twradı. Sausaqtarımen jürgizu arqılı aqparat alatın boladı. Keybir mektepterde oquşılarğa oqu materialdarı, körkem ädebi şığarmalar jetispey jatadı. Bizde qarapayım jäne tiimdi aqparattar äleumettik jelide ornalasqan. Sol aqparattardı dwrıs qoldanıp, sol jandardıñ ömirin jeñildetu üşin bwl qwrılğını oylap şığardım.

Bwl qoljetimdi, äri arzan. Sebebi, barlığın arzan qwrılğılarmen jasadım. Osınday jobalar şetelde de bar. Alayda olar öte qımbat. Meniñ jobam 30 mıñnan aspaydı. Jasauğa köp uaqıt ketedi. Bir äripti bir tesip, är 26 äripti arnayı bağdarlamalıq kod jazılu kerek. Bwl şağın jäne şekteuli türde aqparat şığaradı. Bolaşaqta bwl ülken paraqta aqparat jazıp şığaratın boladı. Mağan bağıt berip, kömektesken Baqıtjan Mwhamedwlı. Sonımen qatar, bwnı ülkeytken kezde bağası da özgeretin boladı. Bir erekşeligi bwnı men latın qaripteri negizinde jasadım. Bwl bolaşaqtıñ swranısı bolıp tabıladı.

Jarasbay Mäjit, Nazarbaev ziyatkerlik mektebi, Aqtöbe qalası:

-Bwl balalardıñ oyın alañqayı. Biraz kompenenteri bar. Onıñ latın alfaviti bar. Bwl balalardıñ qazirden bastap bwğan üyrene berui üşin qajet. Bwl joba barlıq qalalarda ornalatın boladı. Olarda estip, köretin mümkindikteri boladı. Mısalğa K ärpine jaqındatsaq, ol kerikti körsetedi. Sonımen qatar, bwl künnen energiya alu arqılı da jwmıs jasay aladı.

Kögerşin Tilegen

Abai.kz

6 pikir