Düysenbi, 18 Qaraşa 2019
Qwyılsın köşiñ 3002 13 pikir 4 Mamır, 2018 sağat 15:01

Şekaradan keri qaytarılğan jükti kelinşektiñ mäselesi qoğamdıq pikir tudırıp jatır

Küni keşe ğana «Abai.kz» aqparattıq portalında «Masqara! Almatı äuejayı. Şekaralıq baqılau qızmeti jükti äyeldi keri qaytardı» attı maqala jariya boldı. Onda Nwrseyit Tölegenwlı esimdi Qazaqstan azamatınıñ ekiqabat äyelin Almatı äuejayındağı şekaralıq baqılau qızmetiniñ elden deportaciyalağanı bayandaldı.

Oqiğanıñ qısqaşa mazmwnı bılay: 2 mamır küni tañğı 03:20 şamasında Nwrseyit Tölegenwlı, äyeli Jaynagül Ğajapqızı jäne 1,5 jasar wlı Mısırdan Almatı äuejayına kelip qonadı. Jaynagül QHR azamatşası. Qazaqstandı jürip-twruı üşin berilgen Iqtiyarhatı bar. Iqtiyarhattıñ jaramdılıq merzimi 2021 jılı ayaqtaluı tiis bolğan. Alayda bwlar Qazaqstan aumağında 183 künnin artıq uaqıt bolmağandıqtan, Jaynagüldiñ Iqtiyarhatı avtomattı türde jaramsız dep tanılğan. Äuejaydağı şekara qızmeti solay dep tüsindirgen. Osılayşa Nwrseyittiñ özin jäne 1,5 jasar wlın elde qaldırıp, jükti äyelin sol küni Mısırğa qaytarıp jibergen. Bwl jaylı mına siltemeden tolıq oqi alasızdar. http://abai.kz/post/69884

Nwrseyittiñ basına tüsken auır jağdaydı tolıq bayandağan maqala «Abai.kz» aqparattıq portalına jariyalandı. İle-şala bwl mäsele qoğamdıq pikir tudırıp, basqa da aqparat qwraldarı atalğan maqalanı jariyalap bastı. Atap aytsaq, «qazaquni.kz», «dalanews.kz», «kaz.365info.kz», «talqy.kz», «minber.kz», «adyrna.kz» sayttarı Nwrseyittiñ mäselesin qoğam talqısına wsındı.

Sonday-aq, bwl mäselege äleumettik jeli qoldanuşıları da ün qosıp, talqı jasadı. Materialdı bölisken jwrttıñ qarası köp.

Bügin Almatı Halıqaralıq äuejayında ornalasqan Keden qızmetine habarlastıq. Äuejaydağı Kedendik qızmet mamanı Ermek Bolatbekwlı degen azamat, bwl iske Keden qızmetiniñ qatısı joq ekenin ayttı.

«Bwl iske Keden qızmetiniñ tük qatısı joq. Jekelegen adamdarmen aynalıspaymız. Ol kisi şekaralıq tekseristen ötu kezinde wstalğan ğoy. Şekara qızmetkerleri adamdardıñ qwjattarın tekseredi. Solar biledi bwl istiñ män-jayın», - dep jauap qayırdı.

Ermek Bolatbekwlı wsınğan kontakti boyınşa Almatı äuejayındağı şekara qızmetine habarlastıq. Telefon twtqasın orıs tilinde söyleytin bir kelinşek köterdi. Äuejaydıñ şekara qızmeti telefon arqılı keñes, aqparat bermeytinin ayttı.

«Biz telefon arqılı aqparat nemese keñes bermeymiz. Biz 24 sağat boyı jwmıs jasaymız. Almatı Halıqaralıq äuejayınıñ 2 qabatındağı Halqaralıq wşu beketinde ornalasqanbız. Sol jerge kelip, öziñizge kerek tilde aqparat ala alasız», - dep qısqa qayırdı.

Maqwl biz baramız. Kerekti aqparattı alamız. Al Mısırğa qaytarılğan Jaynagüldiñ endigi tağdırı ne bolmaq? Biz tek boljap ayta alamız. Ärine, Mısırğa jetken Jaynagüldiñ twrğılıqtı tirkeui Qıtayda. Onı Qıtayğa jiberedi. Al Qıtayda Jaynagüldi sözsiz «oqu-üyretu lageri» nemese türme kütip twrğanı anıq.

Aytpaqşı, «Abai.kz» aqparattıq portalında atalğan jariya bolısımen, Almaniyadağı qandasımız Ömirhan Altın habarlastı, redakciyamızğa. Dausında diril bar.  Atalğan mäselege qatıstı öziniñ pikirin bildirdi.

Ömirhan Altın, Almaniyadağı qazaq:

- «Abai.kz-ten» anau Egipetke qaytarıp jibergen ekiqabat äyeldiñ jağdayın oqıp, qanım basıma şapşıp twr. Bauırım, ızadan qan qwsıp otırmın. Mınau netken masqara jağday! Bwl barıp twrğan satqındıq, qazaqqa jasalğan qiyanat qoy. Qazaqtar el bolıp, jwrt bolıp, Qıtaydıñ qısımınan qaşıp, elim dep kelgende, kişkentay säbiinen, joldasınan ayırılıp, öz Atamekeninen quılğan anau ekiqabat äyeldi, qanı qazaq bir adamdı öz Otanına dereu qaytaru kerek. Qazaqstannıñ Sırtqı ister ministrligi bir şara qoldanuı kerek. Onsız da Qıtaydıñ qısımınan qaşıp kelgen az qazaqtı qaşanğı qualay bermek?

Bwğan kim jauapker? Sol adamdar anıqtaluı jäne jazalanuı tiis. Ol Atamekenine keldi. Onı keudesinen iterip, jau körgendey kelgen betimen keri quıp jiberu wyattıñ wyatı ğoy.

Äbdiraşit Bäkirwlı, filosof:

- Masqaranı oqıp şıqtım. Şekara qızmetkerleri öz qwqın asıra paydalanıp jibergen sıñaylı. Jaynagül elge kontorbandalıq tauar äkelip jatsa, äñgime bir bölek. Meni oylandırğanı, nege bizdiñ aeroportta migraciyalıq policiyasınıñ ökili joq? Bar bolsa, iske sol aralasıp, Iqtiyar hat şartı bwzılğanı jöninde hattama toltırıp, şeşim qabıldauı kerek edi.

Onıñ üstine, Jaynagüldiñ Qazaqstan azamatımen twrğan neke kuäligine, odan tuğan balanıñ pasportına, därigerlerdiñ anıqtamasına qalayşa nazar audarılmağanına tañ qalasıñ.

Jalpı, osınday jağdayda, aeroport aymağında onday azamattardıñ qwqıqtıq mäselesi şeşilgenşe olardı oqşaulap wstaytın arnayı «şegaralıq aymaq» boluı kerek siyaqtı. Birden qaytarıp jibergenderi dwrıs bolmadı. Wşaqqa tölegen aqşağa Jaynagüldi aeroport aymağında, mäsele anıqtalğanşa wstauğa bolatın edi. Endi, şekaraşılardıñ qızmeti qate ekeni anıqtalsa, onda osığan ketken şığındı Şekara qızmeti töley me, älde, qatelik jibergen şekaraşı öz qaltasınan töley me? Qızıqtıñ kökesi sonda bolayın dep twr! Halıqtıñ aqşasın ärbir sauatsız şeneuniktiñ qateligin jabu üşin jwmsay bersek - Qazaqstan byudjetinen kök tiın qalmaytın şığar...

Nwrgeldi Äbdiğaniwlı

Abai.kz

13 pikir