Seysenbi, 22 Mamır 2018
Jañalıqtar 1274 1 pikir 15 Mamır, 2018 sağat 12:38

Qanat Islamnıñ kezekti jekpe - jegi belgili boldı

Birinşi orta salmaqta baq sınaytın qazaqstandıq käsipqoy boksşı Qanat Islamnıñ qaşan jäne kimmen jwdırıqtasatını belgili boldı, dep habarlaydı QazAqparat tilşisi.

Vesti.kz partalı taratqan mälimetterge süyensek, otandasımız 14 tamızda japon boksşısı Yoşihiro Kamegaimen (27-4-2, 24 KO) jwdırıqtaspaq. Jekpe-jek AQŞ-tıñ Kaliforniya ştatında ötedi. Alayda, kezdesudiñ naqtı qay arenada bolatını äzirge belgisiz.

Yoşihiro Kamegai käsipqoy boksta 33 jekpe-jek ötkizgen. 27 ret jeñiske jetken. 24 qarsılasın nokautpen wtqan. 4 ret jeñilip, 2 ret qarsılasımen teñ tüsken. Al Qanat Islam osığan deyin 25 jekpe-jek ötkizip barlığında jeñiske jetken. Onıñ 20-sın nokautpen wtqan bolatın.

Ayta keteyik, Qanat Islam aqpan ayında tanımal menedjer Egis Klimaspen kelisimge kelip, AQŞ-tağı jattığuın bastağan edi. Ol soñğı kezdesuin 2017 jıldıñ 9 qırküyeginde Astana qalasında ötkizip, kanadalıq Brendon Kuktı (18-1, 11 KO) toğızınşı raundta tehnikalıq nokautpen jeñgen edi. Osılayşa otandasımız WBO NABO jäne WBA Inter-Continental çempiondıq belbeulerin saqtap qalğan.

Mwrat Rahımjanov

Abai.kz

1 pikir