Seysenbi, 22 Mamır 2018
Jañalıqtar 1354 0 pikir 15 Mamır, 2018 sağat 13:27

Qwlıbaev Baltıq teñizinen port salatın boldı

Reseydiñ şeteldik investiciya jönindegi ükimettik komissiyası qazaqstandıq biznesmen, prezident Nwrswltan Nazarbaevtıñ küyeu balası Timur Qwlıbaevqa Baltıq teñiziniñ Vıborgsk şığanağındağı Vısock portın reseylik akcionerlerden satıp aluğa rwqsat berdi.

Bwl turalı 28 säuir küni Reseydiñ Federaldıq antimonopoliyalıq qızmetiniñ basşısı Igor' Artem'ev osı el prem'eri Dmitriy Medvedev qatısqan ükimet mäjilisiniñ qortındısı boyınşa brifingte ayttı. Onıñ aytuınşa, Qwlıbaev Resey-Finlyandiya şekarasınan 50 kilometr, al Sankt-Peterburgten 90 kilometr jerdegi Vısock portın baqılau qwqığına ie boladı. Alayda porttıñ satıluına qatıstı qarjı mölşeri aytılmağan.

Resey ükimetiniñ resmi saytı "Bwl Kedendik odaq ayasındağı jwmıstardıñ jalğası jäne qazaq ökiliniñ Baltıqtağı salmaqtı aktivterdi satıp aluı bizdi quantadı" degen ​Igor' Artem'evtiñ sözin keltirgen. Bwl twsta reseylik şeneunik qwramına Resey bastağan Belarus', Qazaqstan, Armeniya jäne Qırğızstan kiretin Euraziya ekonomikalıq odağın meñzese kerek.

 

Baltıq teñizi porttarı saytında Vısock mañında kömir terminalı, mwnay önimderin taratu-jükteu terminalı, sığımdalğan tabiği gaz jükteu terminalı jäne qaşıqtan jasalğan teñiz terminalı bar ekendigi aytıladı.Terminaldardıñ ortaq şekarası joq, kömir terminalına avtomobil' jäne temirjol töselgen.

Amerikalıq Forbes jurnalı Timur Qwlıbaevtıñ däuletin 3,2 milliard dollar dep bağalağan. Jurnaldıñ mälimetinşe, onıñ jwbayı, prezident Nazarbaevtıñ qızı Dinara Qwlıbaeva ekeuiniñ däuletin qosqanda 6,4 milliard dollardan asadı.

Abai.kz

0 pikir