Seysenbi, 22 Mamır 2018
264 0 pikir 16 Mamır, 2018 sağat 10:07

Siriya kelissözi boyınşa kelesi otırıs Soçide ötedi

Astanada Siriya beybit kelissözine qatısuşı taraptar kelesi otırıstı Soçide ötkizuge kelisken. Bwl turalı Qazaqstannıñ sırtqı ister ministriniñ orınbasarı Erjan Aşıqbaev habarladı.

“Taraptar Siriya boyınşa joğarı deñgeydegi halıqaralıq kezdesudi 2018 jılı şilde ayında Soçide ötkizuge kelisti” dedi.

Ol Astanadağı kelissözdiñ uaqıtşa ayaqtalğanın habarlap, aldağı uaqıtta qayta jalğasuı mümkin ekenin de joqqa şığarmadı.

“Qazir basqa orındarda ötetin (Ankara men Soçi) eki kezdesu belgilendi. Biraq keyingi otırıstardıñ Astanada ötu mümkindigin joqqa şığarmaymız. Äzirge, osı” dedi Erjan Aşıqbaev.

Onıñ aytuınşa, Siriya boyınşa jwmıs tobınıñ kezekti otırısı mausım ayında Ankarada ötedi.

Iran, Resey jäne Türkiyanıñ Siriya kezdesui boyınşa jasağan ortaq mälimdemesinde Siriyanıñ täuelsizdigi, birligi men territoriyalıq twtastığın saqtap, 2017 jıldıñ 4 mamırında qabıldanğan deeskalaciya aymağın qwru turalı memorandum jäne Astanadağı kelissözder barısında kelisilgen özge de qwjattardı jüzege asırudıñ mañızdılığı aytılğan.

Ortaq mälimdemede sonımen birge barlıq siriyalıqtardıñ qalıptı, beybit ömirine oraluı üşin kömek körsetip, osı maqsatta jıldam, qauipsiz jäne tosqauılsız gumanitarlıq kömekpen qamtamasız etu kerektigi bayandalğan. Olarğa medicinalıq kömek berip, bosqındardıñ erikti türde qonıstarına oraluına jağday jasau, Äl-Kaida nemese IGIL-ğa qatısı bar terroristik toptar men wyımdarmen küresti jalğastıru siyaqtı jayttar jazılğan.

14 mamırda Astanada Iran, Resey jäne Türkiyanıñ qoldauımen toğızınşı Siriya beybit kelissözi bastalğan. Eki künge sozılğan otırısqa BWW men Siriya delegaciyaları, Siriya qarulı oppoziciya ökilderi kelgen. AQŞ delegaciyası bwl jolğı kezdesuge qatısudan bas tartqan.

SİM bwğan deyin kepil elder kelissözde Siriyadağı qazirgi jağdaydı, onıñ işinde deeskalaciya aymaqtarındağı ahual men gumanitarlıq mäselelerdi jäne özara senimdi nığaytu şaraların talqılaytının habarlağan.

Astana kelissözinen bölek, BWW Jenevada Siriya beybit kelissözderin twraqtı türde ötkizip keledi.

Abai.kz

0 pikir