Seysenbi, 22 Mamır 2018
Tura jol 503 10 pikir 17 Mamır, 2018 sağat 09:45

Şeneunikterge dini toptarğa kiruge tıyım salınadı

16 mamırda Mäjiliste "Dini qızmet jäne dini birlestikter turalı" zañ jobası qaralıp, birinşi oqılımda maqwldandı.

Jobada “destruktivti dini ağım”, “dini radikalizm” wğımdarı bar.

“Bwl wğımdardı engizu sonımen birge destruktivti dini ağımdardıñ taraluı jäne olardıñ atributtarı men sırtqı belgilerine tıyım salu - qoğamğa böten ideologiyanıñ enuine toytarıs beruge mümkindik tudıradı” dedi zañ jobasın deputattarğa tanıstırğan Din isteri jäne azamattıq qoğam ministri Darhan Kaletaev.

Ministrdiñ aytuınşa, zañ jobasınıñ maqsatı – “memleket pen konfessiyalar arasındağı qarım-qatınastı jetildiru, dini qızmet sub'ektileriniñ qwqıqtarı men mindetterin naqtılau, din salasın retteu”.

Qwjatta memlekettik qızmetkerlerdiñ dini äreketterine baylanıstı punkter bar. Atap aytqanda, zañ jobası boyınşa mına äreketterge tıyım salınğan: qızmettik mümkindikti dini birlestiktiñ müddesine paydalanbau, qaramağındağılardı dini qızmetke mäjbürlemeu jäne dini birlestik qwrmau nemese müşesi bolmau.

Bwdan bölek, zañ jobasında dini birlestikterdiñ qızmetin baqılau, jazalau mekemelerindegi sottaluşılardıñ dini äreketin retteu, şetelde dini bilim aluğa qatıstı mäseleler qamtılğan.

Joba qoğamdıq orındarda niqab kiyuge, qwlşılıq etu orındarınan bölek jerde neke qiyuğa tıyım saladı. Bwl talaptardı bwzğandarğa ayıppwl salınadı.

Bwğan qosa, dini mekemelerdiñ aşıqtıq mäseleleri de qarastırılğan.

- Dini birlestikterdiñ qarjı qızmetiniñ aşıqtığın qamtamasız etu boyınşa normalar wsınıldı. Osı maqsatta jobağa olardıñ işki qarjılıq esepterin mindetti türde jürgizu talaptarı engizildi. Osı esepterdi bwqaralıq aqparat qwraldarında jıl sayın jariyalau közdelgen. Halıqaralıq täjiribede bwl keñinen qoldanılatın zañnamalıq talap, - dedi Darhan Käletaev.

Abai.kz

10 pikir