Seysenbi, 22 Mamır 2018
252 0 pikir 17 Mamır, 2018 sağat 09:56

Ükimet basşısı DSW bas direktorınıñ orınbasarı Alan Vulfpen kezdesti

Astanada QR Prem'er-Ministri Baqıtjan Sağıntaev Qazaqstan elordasına XI Astana ekonomikalıq forumına qatısu üşin kelgen Düniejüzilik sauda wyımınıñ (DSW) bas direktorınıñ orınbasarı Alan Vulfpen kezdesu ötkizdi. Bwl turalı primeminister.kz saytı jazdı.

Kezdesu barısında Qazaqstannıñ DSW-men ıntımaqtastığın odan äri nığaytu, sauda-sattıq räsimderin jeñildetu boyınşa DSW-nıñ kelisimin tiimdi iske asıru, sonımen qatar köpjaqtı sauda jüyesine Ortalıq Aziya aymağın belsendi ıqpaldastıru mäseleleri talqılandı. Bwdan özge, elektrondıq sauda-sattıqtı damıtu, investiciyalardı ıntalandıru, şağın jäne orta käsiporındardı halıqaralıq sauda-sattıqqa integraciyalau mäseleleri qaraldı.

 

Anıqtama: DSW qwrıluınıñ resmi küni — 1995 jılğı 1 qañtar. Wyımnıñ ştab-päteri Jeneva qalasında (Şveycariya Konfederaciyası) ornalasqan. 2017 jılğı 1 qırküyekten bastap Düniejüzilik sauda wyımınıñ bas direktorı bolıp Roberto Azevedo tağayındaldı, ol ekinşi 4 jıldıq merzimge qayta saylandı. 2013 jılğı 1 qırküyekte R. Azevedo Düniejüzilik sauda wyımınıñ altınşı Bas direktorı boldı.

2017 jılğı 1 qazandağı jağday boyınşa 164 memleket DSW-nıñ tolıq qwqıqtı qatısuşısı bolıp tabıladı, olardıñ ülesine älemdik tauar aynalımınıñ 98% tiesili.

Qazaqstan Respublikası 2015 jılğı 30 qaraşada Düniejüzilik sauda wyımınıñ tolıqqandı müşesi boldı. 21 memleket DSW-ğa baqılauşı märtebesine ie jäne olardıñ köpşiligi osı Wyımğa qosılu turalı kelissözderdi jürgizip jatır. 60-tan astam halıqaralıq wyım DSW türli qwrılımdarında baqılauşı märtebesine ie.

Qazaqstannıñ DSW-ğa müşelik etuiniñ alğaşqı 2,5 jılında elimizdiñ Wyım jwmısına belsendi qatısuı bayqaladı. 2017 jılı Sauda jäne qorşağan orta jönindegi DSW Komitetiniñ törağalığın sätti ayaqtağannan keyin Qazaqstan 2018 jılı DSW-nıñ Sauda-sattıq qızmetteri boyınşa arnayı sessiyasınıñ törağası retinde saylandı, bwl elimizge degen müşe elderdiñ senimi men Qazaqstannıñ joğarı bedelin körsetedi.

Abai.kz

0 pikir