Beysenbi, 24 Mamır 2018
46 - söz 1318 0 pikir 17 Mamır, 2018 sağat 11:25

Adam

Bir jigit jolda ketip bara jatıp oyda joqta qomaqtı ämiyan tauıp aldı. Jan-jağına qarasa eşkim körinbeydi. «Ämiyan tauıp aldım, kimdiki?» dep ayqaylap üş ret aytqanday boldı. Degenmen öz dausın basqalar tügili özi de estimedi.

Bılayıraq şığıp alıp ämiyandı aşıp qarasa, işinde bir maşinağa jeterlik qarjı bar siyaqtı. Quanğannan ne isterin bilmey añtarılıp qaldı. İşinde bir jılılıq payda bolıp, bala-şağasınıñ bıltırğı eski botinka men kiimdermen jürgeni, jwbayınıñ jöni tüzu bir köylegi joğı, al öziniñ bes-altı jıldan beri bir jaña kiim almağanı, özderiniñ köpten beri toyıp tamaq ta jemegeni esine tüsti . «Alla tağala meniñ köz jasımdı körip osı nesibeni jibergen şığar» degen oy kelip, Jaratqanğa rahmet ayta bergeni sol edi, botaday bozdağan, kiimi jwpını kisini kördi.

- Aynalayın, adamdar-au, qayırımdı jandar, balalarımnıñ anası ayıqpas dertke şaldığıp, sonı emdetu üşin ağayındarım men janı jaysañ adamdar auızdarınan jırıp bergen qarjımdı ämiyanımen qosa joğalttım. Endi ne isteymin? Jwbayıma qajetti operaciyanı qarjısız qalay jasatamın? Jwbayım o dünielik bolıp ketse, balalarımnıñ küni ne boladı? Bwl azaptı körsetkenşe mağan tezirek ölim jibere qoyşı täñirim,-dep jılaydı.

Ämiyan tauıp alğan jigit arı oylandı, beri oylandı. Aqırı näpsisin wyatı men imandılığı jeñip, botaday bozdağan kisiniñ janına qalay jetip barğanın, ämiyandı aqşasımen qosıp qalay bergenin özi de bayqamay qaldı.

Kenet üylerdiñ tasasınan topırlağan adamdar şığa kelgende ämiyan tauıp alğan jigit sasıp qaladı. Toptıñ işinen saliqalı jigit ağası şığıp ämiyan tapqan jigitti qapsıra qwşaqtay alıp:

- Bauırım, sağan ülken rahmet, meni mınau tobırğa külki qılmadıñ. Ömirde äli de meyirimdi, imandı jandar barın däleldediñ. «Onday jandar mına zamanda joq, soñğı mokigan siyaqtı ötken ğasırlarda ada bolıp ketken. Eger onday adamdı tauıp berer bolsañ, osı twrğan bärimiz jabılıp sağan on jılqı beremiz. Al taba almasañ, bar baylığıñdı bizge beresiñ»,- dep qoymağan soñ serttesken jayım bar edi.

Mınau botaday bozdap jürgen adam osı qaladağı teatrdıñ akterı. Öz rolin tamana oynap şıqtı-au deymin. Meni jerge qaratpağanıñ üşin, älemde äli de imandı adamdar bar ekenin däleldegeniñ üşin, tauıp alğan ämiyanıñdı aqşasımen qosa sağan berdim. Bwdan bölek mına tobırdıñ menen jeñilgenderi üşin beretin on jılqısın da sağan berdim, - deydi.

Qızıq körmekşi bolıp kelgen tobırdıñ eñseleri tüsip ketipti. Özderiniñ arasınan ämiyan tauıp alğan jigittey adam şıqqanına senbeytin siyaqtı.

- Mınau qatıgez, dürbeleñ, tek qara basınıñ qamın oylaytın, komp'yuter bas zamanda äli de tazalıqtıñ bar ekenin däleldegen ADAM degen atıñnan aynalayın, ämiyan tauıp alğan jigit, - dedi saliqalı jigit ağası tolqıp twrıp.

Janat Baqıttıñ Facebook-tegi paraqşasınan

Abai.kz

0 pikir