Jwma, 22 Qaraşa 2019
46 - söz 1864 9 pikir 10 Şilde, 2019 sağat 14:50

"Uaqıtında orın bosatu da liderlikke jatadı"

Singapurdı otız bir jıl basqarğan Li Kuan YU 1990 jılı alpıs jeti jasında qızmetten ketuiniñ sebebin osılay tüsindirgen:

"Tizgindi tağı bir on jıl eşkimge bermegenimde aldımız – apat, artımız opat bolar edi"

Eger siz öz arıñızdıñ aldında taza bolsañız, eger siz öz jauapkerşiligiñizdi biliktiñ qwralı dep esepteseñiz, erte me, keş pe, äĭteuir, bir küni bäribir ketuge tura keledi. Uaqıtında orın bosatu da liderlikke jatadı. Din Uil'yams "Nağız liderlik" kitabında otız bir jıl basqarğan Li Kuan YU mırzanı mısalğa keltiredi. Ol 1990 jılı alpıs jeti jasında qızmetimen qoş aĭtıstı. Kitap avtorına bergen swhbatında Li öziniñ qiın tañdau aldında bolğanın aĭtqan: «Bılaĭ ğoĭ, bilikte tağı bes jıl otırdım delik... Onımen ne däleldemekpin? Küş-quatımnıñ äli de bolsa mol ekenin be? Qabiletimniñ äli de jetkilikti ekenin be?

Odan ne şığadı älde bilikten ketip, jüĭeniñ bwrandaların bosatıp, eldi jaña liderge tapsırıp, ükimetti qaĭta qwrıp, basşılıq orındardı qaĭta qarap, qalıptasqan jüĭeniñ mül- tiksiz jwmıs atqaruına järdemdessem be eken? Birinşi jol tek densaulığımnıñ mıqtı ekenin däleldemek. Ekinşi jol özime de, elime de, ükimetke de orasan paĭda keltirip, mensiz de jwmıs isteĭtin ükimet bar ekenin däleldemek. Jaña liderler bügingi aĭnımalı, tez özgerip jatqan tehnologiyalı zamanda jas wrpaqqa ne qajet ekenin jaqsı biledi. Bäri de basqaşa boluğa tiis. Aĭtalıq, tizgindi tağı bir on jıl eşkimge bermedim delik. Olaĭ etsem, aldımız – apat, artımız opat bolar edi».

Vaşingtonnıñ qoştasu xatı

Qwrama Ştattardıñ halqı alğaşqı prezidenti Djordj Vaşingtonnıñ otstavkağa ketkenin qalamadı. Jwrt Vaşingtonnıñ prezident mindetin jalğastıra bergenin qaladı, tipti keĭbiri onıñ patşa bolğanın qwp kördi. Özine degen zalaldı täueldilik pen bağınıştılıqtı boldırmau üşin Vaşington ekinşi merzimi bitken soñ ökilettigin jalğastırudan bas tartıp, Amerika halqına qozğau salar hat jazıp qaldırdı. Bwl hat tarihta «Vaşingtonnıñ qoştasu hatı» degen atpen belgili. Öz hatında Vaşington jaqında ğana qwrılğan Qwrama Ştattardıñ qwndılıqtarı jöninde, osı qwndılıqtar men principterdi saqtau jäne qwrmetteu qajettigin aĭtqan. Ol zañmen belgilengen uaqıtta qızmetten ketip, jalpı jwrttıñ nazarın jeke basına emes, irgesin özi qalağan idealdardı saqtap qaluğa audardı.

Şıñğıs Mwqannıñ facebook paraqşasınan

Abai.kz

9 pikir