Жұма, 29 Наурыз 2024
Деп жатыр 5816 0 пікір 26 Қаңтар, 2016 сағат 12:46

ӘН ҰРЛАҒЫШ ӘНШІЛЕРГЕ ҚАТЫСТЫ ТАҒЫ ДА ДАУ ШЫҚТЫ

Осы күні қай сала болмасын бүгінгідей бәсеке қызған шақта жолы болмаған, өз орындарын таба алмаған кейбір «мамандар» өзге біреудің туындысын «ұрлап алыпты», дегенді жиі еститін болдық. Мұндай жағдайлар әсіресе өнерпаздар арасында ішінара кездесіп тұрады. Нақтырақ айтқанда, жуырда әлеуметтік желіде ән ұрлауға қатысты тағы да дау шықты. Ондағы бас кейіпкердің рөлінде өнер бәйгесіне кеше ғана қосылған «Әдемі-ай» тобы. Бұл топ мүшелері беттері шірімкпестен белгілі сазгер, әнші Роза Әлқожаның төл туындысы «Сағыныш» әнін өздерінің төл туындысы етіп көрсетіп, көпшілік назарына аудио нұсқасын ұсынғаны сол-ақ екен талғамы жоғары тыңдарман сынының астында қалды. Әңгіменің әлқисасы мында: онда «Әдемі-ай» тобының қыздары «Сағыныш» әнінің авторы ретінде Жеңіс Паримбеков деп көрсеткенімен, ал сөзін еш өзгертпестен қалдырыпты. Әрине кез келген әнші орындауындағы әннің танымал болғанын қалайды. Бұл – заңды құбылыс. Алайда танымалдықты ойлап ардан аттамаған абзал. Егер әншілер арасында белгілі бір келісім болса, онда әңгіме басқа.

Топ мүшелерінің айтуынша, олар бұл әннің Роза Әлқожаға тікелей қатысы бар екенін біле тұра, өнерге еш қатысы жоқ тараздық Жеңіс Паримбековке жаңа нұсқасын жаздыруға тапсырыс берген екен. «Роза әпкенің әнінен хабарым болды. Ол жөнінде мен сазгерге алдын ала айтқан болатынмын. Жеңіс мырза осы әнге ұқсатып өз нұсқасын жібірді. Ал біз оны қабыл алдық. Шындығында ол кісінің өнерге еш қатысы жоқ»,- деп әлеуметтік желі арқылы ақталғандай болды. 
Осы дауға қатысты жауап қатқан Роза Әлқожа: «Ақынның сөзіне бәрі ән жаза береді ғой. Алайда әнді абайлап ұрлаған жөн болар. Елдің қызығушылығын тудырмаймын деп мен сол даудан қашып едім. Бірақ жағдай ушыққаннан кейін араласуыма тура келді. Бір дуэт менің дәл осы әніме ұқсатып əн жаздырыпты. Елде ұят деген қалмады. Əн ұнаса сұрамай ма?! Берер едік қой. Ыңырсыған əн-сымақты көбейтпей!. Араларында әнді сәл созып ән қыла беретін болған. Соған қарағанда бұл топқа пиар ауадай қажет болғаны көрініп-ақ тұр. Мұнда Шерхан Мұратұлы бауырыма обал болды. Себебі ол бұл әнге 3 жыл бұрын клип те түсіргені белгілі. Негізінен мен ол әннің оранжировкасына да, орындалуына да араласқанмын»,- деп назын білдірді.

Дереккөз: alashainasy.kz

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1567
Алашорда

Қожанов межелеу науқанында (Жалғасы)

Бейбіт Қойшыбаев 2261
Ғибырат

Қайсар рухты ғазиз жан

Мұхтар Құл-Мұхаммед 3542