Сәрсенбі, 16 Тамыз 2017
Жаздым-жаңылдым... 745 4 пікір 18 Сәуір, 2017 сағат 11:13

Рақымшылық жасалды. Кімдер босап шықты?

Жақында  ҚР ауыл шаруашылығының бұрынғы вице-министрі Мүсілім Өмірияевке рақымшылық жасалды.

Ол ҚР Қылмыстық кодексінің 366-бабы бойынша ("Пара алу") 10 жылға бас бостандығынан айырылған болатын. 2016 жылы Өміриявтің ісі Астанадағы Алматы аудандық  № 2 сотында қайта қаралып, оған тағылған айып  362-бапқа ("Билiктi немесе лауазымдық өкiлеттiктерді асыра пайдалану") өзгертілген. Сөйтіп, кезінде 100 мың АҚШ доллары көлемінде пара алды деген экс-вице-министр түрмеде 4 жыл отыруы керек-тін. Алайда, жақсы тәртібі үшін және осыған дейінгі айып бойынша жазасын өтегендігін  ескеріп, рақымшылық жасалыпты.

Өткен жылғы Мемлекет басшысының рақымшылық жасау туралы тапсырмасынан кейін өз уақытында ірі мемлекеттік лауазымдарда болған бірсыпыра шенді, дәлірек айтсақ экс-шенді шегеннен шыққан-тын.

"Астана ЭКСПО-2017" Құрылыс департаментінің бұрынғы басшысы Қажымұрат Үсенов те рақымшылықпен босап шықты.

ҚР ІІМ Қылмыстық-атқару жүйесі комитеті мәліметіне сәйкес, аты шулы Үсеновтер әулетінің басшысы  Қажымұрат Үсеновке "ҚР Тәуелсіздігінің 25 жылдығына байланысты рақымшылық жасау туралы" заңға (Жазадан босатылатын адамдар "елуге толған және одан жоғары жастағы әйелдер, алпыс үшке толған және одан жоғары жастағы ер адамдар") сәйкес рақымшылық жасалғанын айтып өтті. Ал Қажымұрат Үсенов 62 жаста.

Ол Астанада "Астана ЭКСПО-2017" компаниясынан қаражат жымқыру ісі бойынша сотталған. Қажымұрат Үсенов ұлы Мақсат Үсенов көлікпен алты адамды қаққан. Бұл да қоғамды қызу талқыға түскен еді.

Рақымшылық Сейтқазы Матаевқа да тиді. Сейітқазы Матаевқа "Рақымшылық туралы" заңының 4-бабы, 1-бөлігі, 4-тармағына сәйкес рақымшылық жасалды. Яғни оның жазасының тең жартысы қысқартылады.

Десе де 2017 жылы 2 наурызда шыққан Алматы облысының Қапшағай қалалық сотының үкімімен Сейітқазы Матаев колонияда әлі 2 жыл 11 ай отырады. Естеріңізге сала кетейік, 2016 жылы Сейтқазы Матаевқа сот 6 жыл бас бостандығынан айыру және дүние-мүлкін тәркілеу туралы шешім шығарған.

Нұрзат Тоғжан

Abai.kz

 

 

 

4 пікір
Есенғали, Антакиядан 2017-04-18 20:59:34
ТЕОЛОГ мырза, Мазақстандағы "жемқорлықпен күрес" - ұстаған балығын қайта суға жіберетін спорттық балық аулаудың ("спортивная рыбалка") бір түрі ғой. Ұсталған балық қанша ірі болған сайын тезірек өзінің үйреншікті ортасына түседі, ал шабақтар "рыбактың" мысығына жем болады.
001-ге 2017-04-18 13:25:11
мал ұрлағанды ату керек,неге десең ол шаруаның -ө3і тудырып -өз еңбегімен бағып қаққан малын ұрлады, одан да сол ұры банкке түссе абройлы болар еді.Ал мемлекет қаржысын ұрлаған,көл дәриәден бір тамшы ғана су жұтқан іспетті.Мал иелерін зар қақтырған ұры ұсталмайды,оның крышасы мықты.
ТЕОЛОГ 2017-04-18 11:36:56
Қазақстандағы жемқорларды атасы, №1-інші жемқор құрықталмай, жемқорлыққа тоқтау жоқ,,,
001 2017-04-18 11:36:02
миллиондарды ұрлағандар рақымшылыққа ілінеді де, ауылда бір қой ұрлаған адам еш рақымшылыққа ілінбейді, НЕГЕ?

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 2862
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 7430