Жексенбі, 25 Маусым 2017
20 Сәуір, 2017 сағат 10:16 401 4 пікір

Халықаралық сот Ресейден қырым татарларының құқығын сақтауды талап етті

БҰҰ-ның Гаагадағы халықаралық соты Украинаның шағымына қатысты шара қолданып, Ресейден қырым татарларының құқықтарын сақтауды және Мәжіліс қызметіне шектеуді алып тастауды талап етті. Ресей билігі қырым татарларының Мәжілісін "экстремистік" деп танып, оған тыйым салған еді.

Бұған қоса сот аннексияланған Қырым тұрғындарына украин тілінде білім алуға мүмкіндік жасауын талап етті.

Дегенмен Кремльдің Донбастағы жікшілдерге қолдауына қатысты Ресейге шара қолдану туралы Украина талабы қабылданбады. Халықаралық сот Киев ұсынған дәлелдерді мұндай шара қолдануға жеткіліксіз деп таныды. Гаага сотының бүгінгі шешімі аралық үкім ретінде қабылданады, өйткені Киевтің Ресейге қарсы өтініші енді ғана қарала бастайды.

Украина Ресейге қарсы шағымын Халықаралық сотқа биыл қаңтарда өткізген. Киев Мәскеуді БҰҰ-ның терроризмді қаржыландыруға қарсы күрес және нәсілшілдік алалаушылықтың барлық формасын жою жөніндегі Конвенцияларын бұзды деп айыптады. Мәскеу бұл айыптауларды жоққа шығарып отыр.

Абай-ақпарат

4 пікір
Төре, немекеңе 2017-04-21 19:09:55
Сіз білетін щығарсыз, Шешендер мен Ингуштарде Гитлерге ақ-боз ат, ұлттық киім дайындап қарса алмақ болғанын. Иә, солай болған. Бірақ үлгіре алмай қалды. Оларды сол "серіліктері" үшін жер аударған. Бұл ненің көрінісі? Бұл жарасы жазылмайтын "кектің" көрнісі. Олар ержүрек халық, кек олардың мұқалмас қаруы. Сондықтанда қазір олар жеке "ел" болып отыр. Ал Қырым Татарлары әртүрлі халықтың жиынтығы. Ел болып тас түйіндей қалыптаса алмаған. Адам баласын кек буса, кек алу үшін шайтанменде одақ болары сөзсіз. Бұл өте күрделі даулы шешімін табу қиын мәселе... Лақап атыңызға жол болсын...
пенсионер 2017-04-21 09:02:53
Төре кімді айтып отырсың қыпшақтың ұрпағы деп
Төреге немісбек 2017-04-20 21:57:16
Апырай Төреке сөзіңе абай болсай! татарлар Шыңғысхан ұрпағы, төрелер дейсің. Қырым татарларын неге қуды Қырымнан? Олардың тоқсан пайызы фашистерді қолдап, соларға адал қызмет етті, партизандарға көмектесті деп тұтас өз ауылдарын атып, асып, өртеп жіберген. Сол үші 192 мың татар Өзбекке басқа жерге көшірілді. Батыр болсаң ол татарларды осыдан отыз-қырық жыл бұрын іздеп, мақтап, қолпаштамадың ба? Енді келіп сайрайсың, Төреке!
Төре 2017-04-20 20:39:37
Негізінде ертеде Қырымды Шыңғысхан ұрпақтары иелік еткен. Кейіндері билік жүргізген өңшең Герейлер Татар аталып кеткен Шыңғысхан ұрпақтары - Төрелер. Олар Қазақ - Қыпшақтардың ұрпақтары. Қырым тарихи жағынан қарасаңыздар Қазақ жері! Нағыз Төрелер Қазақ жерінде отыр емес пе?

Үздік материалдар

Анық

Олар қалай байыды?

Руслан Ахмағанбетов 18380