Сәрсенбі, 16 Тамыз 2017
Айбын 872 11 пікір 21 Сәуір, 2017 сағат 10:06

Жазушылар Елбасыға не айта алды?

Елбасы белгілі жазушы Бексұлтан Нұржекеев, Дулат Исабеков және Смағұл Елубаевтармен кездесті, - деп хабарлайды Ақорданың баспасөз қызметі.

Елбасы өнердің, шығармашылықтың ел-жұрт пен бүкіл қоғам өмірінде маңызды орын алатынын айта келіп, шығармашылық зиялы қауым өкілдеріне сәттілік тіледі, сондай-ақ оларға ел тәуелсіздігін нығайтуға қосқан үлестері үшін алғысын білдірді.

Әңгіме барысында ел өмірінің мәдени-гуманитарлық саласымен қатар, қоғамдық-саяси саладағы кең ауқымды мәселелер қозғалды. Атап айтқанда, латын әліпбиіне көшу, демографиялық ахуал, көші-қон саясаты, үш тілде білім беру жүйесін енгізу, тағы да басқа мәселелер қамтылды.

Қазақстан Президенті өзінің таяуда жарық көрген «Болашаққа бағдар: рухани жаңғыру» атты мақаласының кейбір бағыты мен басымдықтарына тоқталды.

Тәуелсіздік жылдарында іске асырылған ірі шығармашылық жобалардың маңызды мәселелері талқыланды. Мәселен, Қазақстан аумағындағы тарихи-мәдени ескерткіштер мен нысандарды қалпына келтіруге септігін тигізген «Мәдени мұра» бағдарламасы, сондай-ақ әлемнің жетекші архивтерінен еліміздің тарихына қатысты құжаттарды жүйелі түрде жинақтап, талдау жүргізуге мүмкіндік берген «Халық тарих толқынында» бағдарламасы әңгімеге арқау болды.

Нұрсұлтан Назарбаев туған жерге деген сүйіспеншіліктен бастау алатын патриотизм тақырыбын жандандыру қажеттігіне назар аударды.

Соңында Мемлекет басшысы рухани жаңғыру жөніндегі қазақстандықтар алдында тұрған міндеттердің маңызы зор екеніне тоқталып, елді дамыту үшін оларды жүзеге асырудың өзектілігін атап өтті.

Абай-ақпарат

11 пікір
! 2017-04-22 22:39:33
бəлі,бұлар тағы да сипалап 3'тілділікті аттап кеткендей дұрыс айтпады -ал баламыз жаңа оқу жылында ағылшын тілінде біраз пəндерді оқитын болдық,көшейік апа деп уəйімдеп отыр, қайда барсаң қорқыттың көрі дегендей ,қайда бұрылсаң да өз тіліңнен мəжбүрлі түрде бас тартқызуға əкеле жатыр.
Дана Қазақ 2017-04-21 15:10:32
БАРIНЕН БУРЫН ДУЛАТ АГАМЫЗДЫН ТРУПТЫ 3 КУН САКТАМАЙДЫ ДЕГЕН СОЗIНЕ КУЛКМЕСКЕ ЛАЖ БОЛМАДЫ. АГАЛАР-АУ ТРУПТЫ 3 КУН ТУРМАК 3 АЙ САКТАСАНДА ОЛГЕН АДАМ ОЛДI БОЛДЫ ЖЫЛДАМЫРАК АПАРЫП ЖЕР КОЙНАУЫНА БЕРУ КЕРЕК САСЫТПАЙ. НЕМЕСЕ 3-КУН СВЕЧА ЖАГЫП КОЙЫП КАСЫНДА ОТЫРЫНДАР ..........https://www.youtube.com/watch?v=eMrB-v4Uz-I
жəй Қазақ 2017-04-21 12:17:37
Əй қайдам, бұлар Қазақтың Мұңын айта қоймас, жеке бастың шаруасы болмаса - юбилей, степендия, пəтер т.т. Осы Дукең соңғы жыл мөлшерінде екі мəрте кіріпті, өткен рандеву қортындысы бойынша Англия театрында спектаклі өтті. Ал қабылдау Билік үшін, насихаттық тəсіл.
Салимжан 2017-04-21 12:01:37
Бәріде дұрыс. Салмақты кездесу. Бұрмалап айтатын ештеңесі жоқ. Президент біреу, халық, депутаттар, өнер адамдары көп. Көп нәрсе Ел президентінің өзі айтқаннан кейін жүзеге асырылып жатса, жақсы болады. Өйткені, алдын-ала сенкционированный дүние болып есептелмей ме?Тілді де, Дінді де жаңғыртып, "шаңын қағып" дегендей, серпіліп алға жылжу деп түсіндім.
Асеке 2017-04-21 11:19:38
Абай кз осы сұхбаттың видеосын салып қойсаңыздар жақсы болатын еді. Мұны негізі көру керек, елбасының аузынан қазаққа шынымен болсын деген осындай сөздерді 25 жыл күтіппін, тіпті жылағым келіп кетті.
Асеке 2017-04-21 11:15:07
Иә, жазушы ағаларым менің, яғни қара халықтың ойындағы ең маңызды нәрселерді айтып берді. Енді солар орындалса деп тілеймін. Әсіресе Смағұл аға тіл туралы, демография туралы, қандастарды көшіру туралы, үштілділік туралы өте жақсы айтты.
C 2017-04-21 11:13:32
Латын әліпбиіне көшуді 2025 жылға дейін толық бітіру керек деп жоспарлап қойдық. Бірақ-та осы сияқты міндеттемелер алып, ал уақыты келгенде еш нәрсеге үлгермей неше түрлі сылтаулар айтып тағы да ары қарай 5-10 жыл қосып жатамыз.Бұл бастама да солай болып кете ме деген ой келеді де тұрады....
Асеке 2017-04-21 11:09:18
Көрдім сұхбатты, өте ұнады, ағаларымыз өте маңызды мәселелерді көтерді, ал елбасы көп сөздерді блокнотына түртіп алып отырды. Тек сол түртілгендер орындала ма, орындалмай ма оны білмедім.
Лаура 2017-04-21 10:55:27
Басқасын білмедім-ау, бірақ елбасының латын әріпіне көшуіміз керек деген ойын мен құптадым. Біз күткен оқиға бұл.
Ерлан 2017-04-21 10:54:09
Өте дұрыс пікірлер айтыпты жазушыларымыз. Болашағымызды тарихымыздан хабардар болуы үшін "Халық тарих толқынында" бағдарламасы жүйелі түрде жұмыс істеуі керек.
Мадияр 2017-04-21 10:51:53
Расында да "Мәдени мұра" бағдарламасы өзекті болып тұр. Еліміздегі тарихи-мәдени ескерткіштер мен нысандардың саны көбейіп қана қойма, сонымен қатар оларды қайта жаңғырту керек.

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 2861
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 7428