Дүйсенбі, 24 Шілде 2017
Дін 916 21 пікір 19 Мамыр, 2017 сағат 10:14

Деструктивті діни ағымдар халыққа заңсыз өз үстемдігін жүргізгісі келеді

 

Қазіргі таңда ғылым мен технологиялардың қарқынды дамуы ақпараттық және медиакеңістіктің құрылымдарын күрделі ойындар алаңына айналдырды. Нәтижесінде кез келген қоғамдық пікірдің қалыптасуына бүгінде ғаламторды пайдаланатын миллиондаған адамдардың белсенділігі ықпал етіп келеді. Өкінішке орай мұндай белсенділердің арасында экстремистік және террористік ұйымдардан құралған деструктивті күштер осы кеңістіктің барлық мүмкіндіктерін өз қызметінде оңтайлы пайдаланып отыр. Ақпарат алмасудың әр түрлі заманауи тетіктерін шебер қолданатын деструктивті ағым идеологтары оқу, хат алмасу, бейне және аудио материалдар арқылы радикалды көзқарастарды таратуда. Мазмұны және ішкі мәні бірдей материалдар сан-алуан жолдармен, әр қилы формада ғаламтор пайдаланушылардың санасына құйылып келеді.

Діннің адам санасына ықпал етудегі әлеуеті жоғары. Осыған орай теріс пиғылды халықаралық ұйымдардың медиа-студиялары және басқа да ақпараттық насихат құралдары әртүрлі қаржылық көздер арқылы молынан қаржыландырылып отыр. Аз уақыт аралығында деструктивті идеяларды тарату арқылы тұрақты біртұтас мемлекетті соғыс алаңына айналдырып, елді ыдыратып жіберуге болатынын Ливия, Сирия, Ирак және Йемен елдерінің тағдырынан айқын көруге болады.

Деструктивті және экстремистік топтар тарапынан жүргізіліп отырған кең көлемді насихат жұмыстарының мақсаты ортақ – әрбір шаңырақта өшпендiлiк пен алауыздық отын тұтату және қоғамдағы ауызбіршілікті жою, сол арқылы мемлекеттiң ұлттық қауіпсiздiгі мен қорғаныс қабiлетiне нұқсан келтiріп, елдің конституциялық құрылысы мен аумағының тұтастығын бұзу.

Бүгінгі күнде статистикалық мәліметтер бойынша дінге қызығушылық білдірген азаматтардың 73% қажетті мағлұматтарды ғаламтор желісінен іздейтінін «Қазақстан Республикасындағы терроризм және экстремизм мәселелерін зерттеу орталығы» қоғамдық қоры хабарлады. Бұл көрсеткіш еліміздегі жастардың басым бөлігі діни сауатын ең алдымен ғаламторда ашатынын көрсетеді.Яғни қазіргі ғаламтор сайттары, видеохостингтер, әлеуметтік парақшалар, блог-платформалар және басқа да байланыстырушы масс-медиа құралдары әлемде жаңа мүмкіндіктермен қатар, жаңа қауіптердің туындауына септігін тигізуде.

Деструктивті діни ағымдар барлық тарихи кезеңдерде қоғамды ыдыратушы құрал ретінде өз белсенділігін жоғалтпаған.Саяси мүдделер мен қаржыны мақсат еткен діни ағымдар бүгінде технологияның жетістіктері арқылы прозелитистік әрекеттерін жаһандық деңгейде жүзеге асыруға қол жеткізді.Солардың ішінде салафизм идеологиясына негізделген Қазақстанда тыйым салынған «ИГИЛ», «аль-Каида» секілді халықаралық экстремистік ұйымдар қажетті қаржылық және адам ресурстарымен жабдықталған, трансұлттық деңгейде қанатын кең жайған дербес жүйеге айналып отыр. Жаһандану кезеңінде ғаламтор және әлеуметтік желілерді белсенді пайдаланып, дүниенің әр жерінде тұрақтылықтың бұзылуына әрекеттенген мұндай топтар дін атын бүркеніп, өздерін шариғаттың заңдарына негізделген мемлекет құрушы күштер ретінде жарнамалауда.

Кез келген теріс пиғылды діни топ көздегеніне тез жету үшін әрі қатарын жаңа адепттермен толықтыру үшін өзінің шынайы мақсатын жасыруға және зұлымдықтарын ақтауға тырысатыны белгілі. Осыған орай деструктивті ағым өкілдері өз уағыздарында бұрмаланған әр түрлі діни дәйексөздерді келтіре отырып, өздерінің жолын әділ әрі ақиқат етіп көрсеткісі келеді. Алайда бейбітшілік пен бауырмалдылыққа үндейтін шынайы діни сенімде адамдарға зұлымдық пен әділетсіздік танытуға, нақақтан жан иесін өлтіруге жол берілмейді. Бұл қағидаттар киелі кітаптарда тайға таңба басқандай жазылған.

Радикалды діни ұйымдардың идеологиясын шынайы діни сеніммен байланыстыруға болмайтынын мынадай айырмашылықтардан көруге болады:

- деструктивті ағымдар ымыраға келмейді және өзге дін өкілдерімен өзара келісім орнату мәселесін жоққа шығарады;

- деструктивті топ идеологтары адамдар арасында орныққан бауырластық, достық, туыстық және отбасылық қатынастарды бұзуға үндейді;

- радикалды топ мүшелері мақсаттарына жету үшін дінде тыйым салынған әрекеттерді жасаудан тайынбайды, тіпті көптеген бейкүнә адамдар мен эмиссарларды, соның ішінде БАҚ өкілдері мен елшілерді жазықсыз өлтіруде;

- радикалды ағымдар саяси және қаржылық мүдделер үшін мемлекеттің тұрақтылығы мен тұтастығын бұзуға, жергілікті халыққа заңсыз өз үстемдігі мен билігін жүргізуге әрекеттенеді;

- діни заңнамаларда бекітілген нормаларды сақтамай өз нәпсілеріне еріп, қылмыстық жазаны жүзеге асырады.

Деструктивті ұйымдар жүргізіп жатқан қызмет шынайы діннің қағидалары мен ұстанымдарына толығымен қайшы келеді. Сондықтан мұндай ұйымдардың әрекеттері дінге, діндарлар қауымына және жалпы адамзатқа қарсы жүргізіліп жатқан қылмыс ретінде бағаланады.

Деструктивті діни ағымдар өз қатарын мейлінше көп адаммен толықтыруға асығады. Сол үшін мұндай ұйымдардың өкілдері арбау жұмыстарында өтірік айту, мәліметті бұрмалап жеткізу, арнайы психологиялық айла-тәсілдер қолдану секілді жолдармен неофиттердің санасына ықпал етеді. Теріс пиғылды ұйымдар қоғамға өздерін діни, емдік, сауықтыру, мәдени, саяси немесе білім беру орталықтары ретінде көрсетуге әрекеттеніп, жақтастарының санын көбейтуге тырысады.

Адам санасын улайтын деструктивті ұйымдардың басты қаупі – бұл ортаға сенім білідіріп келген адамның дербес ойлана алу, сын көзбен қарау, өз бетінше шешім шығара алу, қалаған өмір салтын таңдау қабілеттеріне шектеу қойылады. Яғни азаматтың жеке бас бостандығы мен құқықтарына қол сұғу орын алады.

Деструктивті топтың мүшелігіне кіру барысында тұлға әр түрлі психологиялық кезеңдерден өтеді. Бұл кезеңдерде адам қате діни ұстанымдарды шынайы сенім ретінде қабылдайды. Ол кезеңдерді шартты түрде төртке бөліп қарастыруға болады:

1) алғашқы байланыс орнату кезеңі адамның жалған діни ағым өкілдерімен танысуымен басталады. Осы кезде радикалды идеологтар өз ұстанымын таңу үшін бұрмаланған ақпараттарды ұсынып, қызметін адал әрі дұрыс деп көрсетеді. Прозелитистік мақсатта психологиялық ықпал ету тетіктерін қолданады.Бастапқы кезеңде идеологтар арбалатын адамның бойында дінге қызығушылықты ояту үшін өздерінің діни сенімге беріктігін, әрқашан көмек көрсетуге дайын екенін дәлелдеуге тырысады. Осылайша достық байланысты орнатқан адаммен тығыз қарым-қатынас жасауды қолға алады.

2) екінші кезеңде адам арбаушыларға толыққанды сенім білдіріп, неофит ретінде діни ұйымның мүшелігіне кіреді. Осы кезде идеологтар неофитке «біздің ұстанатын діни сеніміміз ғана ақиқат», ал «шынайы бақытқа тек топ ішінде ғана қол жеткізуге болады» деген ойларды таңады. Сондай-ақ осы кезде неофит басқа жолдармен келетін ақпараттардан оқшауланып, ой-өрісі, санасы идеологтар көрсеткен бағытпен қалыптаса бастайды.Нәтижесінде идеолог жеке өмірін толыққанды бақылауға алған неофиттің әрбір қадамын бағалай отырып, оның кез келген мәселеде ақыл-кеңес сұрайтын ұстазына айналады.

3) бұл кезеңде деструктивті топ ішінде психологиялық өңдеуден өткен, сыртқы ақпараттық және әлеуметтік байланыстардан оқшауланған адам топ мүшелеріне бауыр басып, өзінің өмірін толығымен осы топтың мүддесіне арнауға дайын болады. Деструктивті топтан тыс тұрған туысқандардың, қоғамның, мемлекеттің барлығы арбаудан өткен адам үшін жат болып келеді. Ондай адам топтағы адамдарды ғана өзіне шынайы дос тұтып, ұйымдағы басшысының әміріне көзсіз бойсұнады.

4) соңғы кезеңде идеологтардың ықпалымен адамның өмірге және айналасындағыларға қатысты ұстанымдар қалыптасады. Өзгелерді өзінен артық көрген адамға жалған сенімге негізделген идеялар мен көзқарастар таңылып, мұндай адам ұйымның мүддесі үшін өзінің жанын да, малын да құрбан етуге дайын тұрады.

Кез келген діни ағымның деструктивтілігі оның мақсаттарынан және іс-әрекетінің нәтижесінен аңғарылады. Теріс пиғылды ағымның арбауына түскен адамның жеке өмірінің деңгейі, сондай-ақ оның әлеуметтік, физикалық, экономикалық, рухани және моральдық жағдайы бұзылады. Соның салдарынан отбасы мен қоғам зардап шегіп, мемлекеттің қауіпсіздігіне нұқсан келеді.

Ұлттық қауіпсіздікті қамтамасыз ету мен елдегі діни саланы реттеу мәселелері Қазақстанның мемлекеттік саясатының басты бағыттарының бірі болып табылады. Сондықтан қазіргі таңда Елбасымыздың  жүргізіп жатқан сарабдал саясатының арқасында, сондай-ақ мемлекеттік органдар мен қоғамдық институттардың бірлесе үйлесімді жасап жатқан жұмыстардың нәтижесінде елдегі діни ахуалдың тұрақтылығы сақталып келеді.

Мемлекет басшысының нұсқамаларын орындау аясында террористік қатерлерді бейтараптандыруға арналған Қазақстанның жеке дербес жүйесі құрылды әрі ол жыл сайын жетілдірілу үстінде. Елімізде экстремизм және терроризмге қарсы іс-қимылға қатысты біршама тәжірибе мен біліктілік базасы жинақталды. Ол ең алдымен алдын алу шараларын жүргізу, халықтың діни-құқықтық сауаттылығын арттыру, түрлі радикалды идеологиялардың ықпалына төтеп беретін иммунитетті қалыптастыру жұмыстарынан тұрады.

Бұл орайда дәстүрлі діни-рухани құндылықтардың ұлттың болашағын құруда ықпалды фактор екенін ұмытпауымыз қажет.Қазақ халқының ұлттық мәдениеті мен руханияты, өмірлік ұстанымдары мен салт-дәстүрлері, ойлары мен көзқарасы, дүниетанымы осы діннің құндылықтарымен сабақтаса қалыптасты. Сондықтан шеттен келген теріс пиғылды күштердің ықпалына төтеп беретін ең тиімді жол – Елбасының таяуда жарық көрген «Болашаққа бағдар: рухани жаңғыру» атты мақаласында атап көрсетілгендей ұлттық кодты, ұлттық құндылықтарды, елдік мақсат пен мемлекеттің ұлттық құрылымын, қазақ елінің тарихи мұраларын жаңғырту болып табылады.

Жаһандық деңгейде әрекет ететін деструктивті ағымдардың ықпалымен күресте қоғамда ұлттық және діни-рухани құндылықтарды кеңінен насихаттау арқылы ғана біз бүгінгі қоғамды және келешек ұрпақты жат идеологиялардың кері әсерінен қорғауды қамтамасыз ете аламыз.

М.Ж.Муслимов, ҚР ДІАҚМ ДІК «Дін мәселелері жөніндегі ғылыми-зерттеу және талдау орталығы» РММ Діни бірлестіктерді зерттеу бөлімінің жетекші ғылыми қызметкері

 

21 пікір
Айнур 2017-05-20 23:06:51
Ол діни сауатсыздықтан.бізде мектепте дінтану пəні болған кезде оны муғалімнің озі білмейді.не түсіндірерін білмегендіктен араб тілін араб əліппиін окыткан.
Дана Қазақ 2017-05-20 08:38:44
Фактически ИГИЛ возглавляет бывший офицер Министерства внутренних дел СССР..........http://andreistp.livejournal.com/9295580.html#cutid1
Дана Қазақ 2017-05-19 18:52:46
ЧИТАЙТЕ ИЩИТЕ КНИГА ........... Вадим Васильевич Баранов и Татьяна Александровна Баранова
Дана Қазақ 2017-05-19 18:40:38
КЕЗКЕЛГЕН АДАМ ОЛ МАГАН ЕСЕ АКМАК БОЛСАДА ЕШКIМ ОЗIН ОЗI ЖАРМАЙДЫ. ТIТПI ПСИХ АДАМДА. ТЕК спецпрепарат сп-117 ЖЕП АЛГАН СОН БАРIН УМЫТАСЫН.....http://2004.novayagazeta.ru/nomer/2004/11n/n11n-s02.shtml
Алмас 2017-05-19 16:31:17
Пайдалы ақпарат Бұны барлығымыз білу міндеттіміз
Дана Қазақ 2017-05-19 16:03:23
Канат 2017-05-19 15:47:34.........КАНАТ 70 ЖЫЛ АРАК iШiП, ШОШКАНЫН КОЛБАСАСЫМЕН ЗАКУСКА ЖАСАГАНДАРДЫН УРПАГЫН ДУЗЕУ не просто а очень просто. МЕКТЕПТi, УНИВЕР, ТВ-ларды переформатировать болды. СААКАШВИЛИ-ДI ШАКЫРУ КЕРЕК.
Дана Қазақ 2017-05-19 15:55:57
Манаржан 2017-05-19 13:59:46........... УЙЛЕРIНЕ ЖАНАЗАСЫНА БАРГАНДА......... Олар жаназа намаздын не екенiн бiлмейдi, ет жеп сорпа iшу ушiн барады. Уагыз айтсан дурыстап тамак iшейiкте- деп айгайлайды.
Канат 2017-05-19 15:53:39
Бұрынғы қарияларымыз деструтивті ағым деген не салафизм, вахабизм деген не екенін де білмегенғой. Осылар сияқты жат ағым жетегінде жүргендердің жасы 19 кәрілері 35-40 жас шамасы. Бұлардың қатарына тағы 19 жасар қандастарымыздың қосылып кетпесіне кім кепіл, сондықтан жастардың діни біліміне үлкен мән беріп қадағалау керек деп ойлаймын.
Канат 2017-05-19 15:47:34
Мектептерде дін тану пәніне қосымша елімізде дін төңірегінде болып жатқан проблеммаларға байланысты қосымша сабақтар көбірек өткізілсе, өсіп кележатқан жастардың миын улайтын ақпараттардан барынша сақтануларына жағдай жасау, ата аналарымен көбірек жұмыс жасау керек сияқты меніңше.
Аида 2017-05-19 15:43:51
өте жақсы жазылған ақпарат, теріс ағымдардың арбауына түскен адамдардың жеке өмірі, отбасы жағдайы бұзылады,қоғамнан шығып кетеді, осындай мәселелер мемлекеттің қауіпсіздігіне әрекет кетіреді.
болат 2017-05-19 15:34:59
деструктивті діни ағымдар қоғамда тек өздерінің арам ойларын жүзеге асыру үшін өмір сүретіні түсінікті, шынымен олармен күрес жолында ұлттық руханиатымызды насихаттауымыз қажет
Дана Қазақ 2017-05-19 14:08:37
Бақытбек 2017-05-19 13:55:45...........ОТЕ ДУРЫС АЙТАСЫН 18-20 ГАСЫРДА СОЛ МАКУЛЫК КАПIРЛЕР 500 000 000-артык АДАМДЫ КЫРЫП САЛДЫ. КЫСКАША АЙТАЙЫН. АМЕРИКА МАТЕРИГIНДЕ ЖЕРГIЛIКТI ХАЛЫКТЫ КЫРП САЛДЫ. АВСТРАЛИЯДА ЖЕРГIЛIКТI ХАЛЫКТЫ КЫРП САЛДЫ. ИНДИЯДА КАНША АДАМ КЫРЫЛДЫ. КЫТАЙДА КАНША АДАМ КЫРЫЛДЫ. ЯПОНИЯДА КАНША АДАМ КЫРЫЛДЫ. ЕВРОПАДА жане СССРде КАНША. 21- ГАСЫРДЫ ОЗIН САНАП АЛАРСЫН.
Манаржан 2017-05-19 13:59:46
СОКЫР ТАУЫККА БАРI ТАРЫ ДЕГЕНДЕЙ БИЗДЕ ХАЛЫК НАМАЗГА КАРСЫ ОРАМАЛГА КАРСЫ СООЛ БАРГАН УЙЛЕРIНЕ ЖАНАЗАСЫНА БАРГАНДА БIР КУРАН БЕЛГIЛI ЕРСIН АМIРЕ СИЯКТЫ ЖАКСЫ АЙТАР СОЗI НЫК БАУЫРЛАРДЫН ВИДЕО ДИСКАСЫМЕН ТАРАТЫЛУЫ КЕРЕК ТУСИНДIРМЕСIМЕН
Бақытбек 2017-05-19 13:55:45
Әлем жылдар өткен сайын азғынданып, топастана беретін, содан кейін адамдар бір-бірін өздері түсінбейтін мүдделер үшін қырып-жойып жоқ қылатын мақұлықтар. Адамдар пенде емес, мақұлықтар. Өздерінің ойлап тапқан "Дін" деген ертегісіне өздері өлгенше сенеді. Сол Ертегі үшін Өздері өлуге бар, сол Ертегі үшін еш кінәсі жоқ адамды өлтіреді, біреуді кінәлайды, боқтайды, жаман сөз айтады!!!!! Мақұлық емей немене?Кейбіреулері басқа елге босқын болып барып алып (өзінің су көрмеген бұты шіріп жүрседе) сол нанын жеп отырған елдің адамдарын Кәфір дейді, мақұлық емей немене? Мақұлықтың мақұлығы!!!!!! Сол, өздері Кәфір деп жүрген елдің Қыз-келіншектерін зорлайды!!!! Яки, олар шындығында Кәфір болмағаны ғой. Исламның қазіргі 21-ғасырдағы қарама-қайшылықтарын тізбектеп шығатын болсам, 10000 бет болады!!!!! Мақұлық болмайық. Мақұлықтар әлемнің жартысына жетпес те, бірақ 6,5 миллиард халықтың жер бетіндегі 500 миллион адамдар Мақұлықтар (фанаттар, одержимый топастар).
Койшыбай 2017-05-19 13:45:16
ЖАЛПЫ ХАЛЫКЫМЫЗ СОЗДIН ШЫНЫ КЕРЕК АБДЕН СООЛ СТАЛИНМЕН ЛЕНИНДIК ДIНИ БАГЫТТЫ УСТАНАДЫ ТЕК КАНА КУРАН ОЛГЕНДЕРГЕ АРНАЛГАН ДЕП ТУСIНЕМIЗ СООЛ СЕБЕБТЕН САДАКАЛАРДА КАЙТКАН КIСIЛЕРДIН УЙЛЕРIНДЕ ОСЫНДАЙ ПIКIР КАТЕ ЕКЕННIН ШЕГЕЛЕП АЙТЫЛУЫ КЕРЕК
Есенгелді 2017-05-19 13:40:58
Төменде пікір қалдырған, Шыңғыс төре 1986 мен Че дегендердің атйып отырғандары қисыны жоқ дүние!!!!! Немене, Түркіменстан мен Тәжікстан, Өзбекстан біздің елден әлде қайда Демократияшыл, коррупциясы аз деп ойлайсыздар ма? Міне, сіздер сияқты "мисыз жылауықтардың" кесірінен диструктивті діни ағымдар ел ішінде көбейуі мүмкін. Бұл діни Радикализм (топастық) Мемлекеттік құрылымға қарамайды!!!!!!!! Осыны - 1 деп ұғып алыңдар. Керек десеңіз бүткіл Әлем коррупциядан тұрады, құрылады. Ислам діні де корупцияға белшесінен батқан. Діни сатқындар битше өріп жүр!!!! Өтірік деп айтып көріңіздерші?!!! Сондықтан, бос далаға қумаңдар!!!! Айтқыш болсаңдар Дәл сол Ваххабизм туралы, маймылдар туралы "қатын соғыстың" сарбаздары тіралы, Еврейдің лас ақшасына семіріп жүргендер туралы жазыңдар!!!!!!
Дана Қазақ 2017-05-19 13:40:39
БiРАК МЫСАЛ ЛЮБОЙ ТУPiКТЕН СУРА ТУРЦИЯ ДО ЭРДОГАНА И ПОСЛЕ ЭРДОГАНА МЕДРЕСЕде ОКЫГАН. АНГЛИЯДА ОКЫП КЕЛГЕН АССАД. МОСКВАДА ОКЫГАН МУБАРАК, КГБ-де ОКЫГАН ПУТИН ............
Дана Қазақ 2017-05-19 13:36:32
БiРАК МЫСАЛ ЛЮБОЙ ТУPiКТЕН СУРА ТУРЦИЯ ДО ЭРДОГАНА И ПОСЛЕ ЭРДОГАНА МЕДРЕСЕде ОКЫГАН. АНГЛИЯДА ОКЫП КЕЛГЕН АССАД. МОСКВАДА ОКЫГАН МУБАРАК, т.б. ................
Шыңғыс төре 1986 2017-05-19 13:15:50
Бүгінгі билік диструктивті деп ойламайсызба Муслимов мырза ???
Шыңғыс төре 1986 2017-05-19 13:14:44
****дәстүрлі діни-рухани құндылықтардың ұлттың болашағын құруда ықпалды фактор екенін ұмытпауымыз қажет.Қазақ халқының ұлттық мәдениеті мен руханияты, өмірлік ұстанымдары мен салт-дәстүрлері, ойлары мен көзқарасы, дүниетанымы осы діннің құндылықтарымен сабақтаса қалыптасты. Сондықтан шеттен келген теріс пиғылды күштердің ықпалына төтеп беретін ең тиімді жол – Елбасының таяуда жарық көрген «Болашаққа бағдар: рухани жаңғыру»*** Ұлттық құндылықтарды ойласа президент, онда неге суицид жасанды түсік жас отбасылардың ажырасуы көбейуде, төмен жалақы 30.40 мың, жұмысыздық, жер ресурстарын шетелдердің қанжығасына байлауда ? Осымен ұлттық құндылықтарды ойлайды деген өтірікке сай емеспе Муслимов мырза ???
Че 2017-05-19 11:02:45
Қазақстанда жемқорлық əділ билік əділ перзидент тоталитарлық билік болмаса ДДА басқасыма еш қауіп болмайды.

Үздік материалдар

Анық

Олар қалай байыды?

Руслан Ахмағанбетов 21713