Жұма, 20 Қазан 2017
Әдебиет 2061 8 пікір 13 Маусым, 2017 сағат 11:53

Әлия Іңкәрбек; Жігіттер, сенбеймін сөзге мен!

 

А Қ И Қ А Т
Бағынбай өткен уақытқа,
Таланттың неге "досы" көп?
Бірінші болу бақыт та,
Бірінші болмау - қасірет.

Ақынның тоқтап сөзіне,
Өр мінезіне таң қалған.
Өлең боп өтсең өзің де,
Өмірде басқа бар ма арман?

Күн көрсе мені болғаны,
Кім көретіні мұң ба екен?
Ғұмыр-ай, талас сор-бағы,
Қасыңнан сенің күнде өтем.

Əріпке қосып əріпті,
Жандауам менің осы деп.
Бірінші болу - қауіпті,
Бірінші болмау - қасірет!

 

К Ү П І Р Л І К

Тəттісіне тағдырдың таласамын,
Қарайламай кеткесін бала шағым.
Жезтырнақ – жылдар мені бүреді кеп,
Ғұмырыма болады араша кім?

Күпірімен жаратқан пендені егіз,
(Құдай – еке, бар еді менде неңіз!)
Өмірді ойыншық деп ойлайды əлі
Қуыршаққа қызығып көрмеген қыз.

Адастырды арманым ақкөңіл боп,
Дей алмаймын сонда да əттеңім көп.
Оралғанмен сезім де, өкініш те,
Оралмайды мөп – мөлдір сəттерім тек.

Мейіріміңді аяма, сараң Əлем,
Аярлықтан аршыдым сананы əрең.                                                   Сатқындығы уақыттың ерте есейтіп,
Ақын етіп жіберді, шарабы – Өлең!

 

Н А З

Мен ішіндемін,
Əлеміңнің.
Сен түсінбедің,
Жəне...күлдің.

Мен күрсінбедім,
Күте, жүдеп...
"Сен - гүлсің",-дедің,
Тікені көп!

Мен көзге ілмедім,
(Өзіңді шын)
Сен сездірмедің,
Төзімдісің.

Мен жалған дедім,
Бар өмірім.
Сен алдан дедің,
Қане, бір күн...

Мен пендемін ғой,
Бар шыны - Өлең.
Сен келмедің ғой,
Қалшы дер ем!!!

 

ҚАРСЫЛЫҚ

Такаппар Дүние,
Мені де көрші енді!
Шегір көздерден,
небір сөздерден тіктедім еңсемді.
Мен емес шығармын бақытсыз алғашқы,
Мен емес шығармын сормаңдай ең соңғы!
Ғасырлар жаратпай жылдарды,
Жылдарға жастығым ұрланды.
Сапарға бір шыққан жолдастан,
Қасымда кім қалды?
Менікі аңсау ма жоқ бақты,
Бір мақтау – кеудеме от жақты.
Бір мақтау – езуді жидырмай,
Бір мақтау – күлкімді тоқтатты.
Алдайды. Ойы боп көздеген,
Тең етіп қояды өзгемен.
Болды енді, көп əуре болмаңдар,
Жігіттер, сенбеймін сөзге мен!
Ә М І Р

Мөлтілдеген шықтардың –
Гүлдер шығар отаны.
Күншығыстан шыққан Күн –
Батысқа кеп батады.

Түнек түннің нұрын сез,
Болмаса да ол игі.
Жан жібіткен жылы сөз –
Жүректерде ериді.

Мекені бар бәрінің,
Бағыты бар бір ғана.
Жүрегіңнің әмірін –
Кешіктің бе?
Тыңдама!

Жұлдыздармен еңселі,
Махаббаттың аспаны.
Қозғамайын мен сені,
Темірқазығы басқаның!

***

Кездесейік екеуміз-

Көшеге емес, көңілге күз келгенде,

Еріген сəт сезімің мұз-кеудеңде.

Тұманына тірліктің сіңіп кетпей,

Іздегенге не жетсін,  Ізделгенге...

Жалғыздықтан..(о,бəлкім,сорым қалың),

Тамып кетті көз жасым таңдайға ащы.

Қандай жақсы Өмірде сенің барың,

Менің барым өмірде қандай жақсы!

Айналаңа сен де бір қарадың ба?

Күйбеңінен арылмас қала мына...

Кездесейік екеуміз адамдардың

Ізгі ойынан жасалған ғаламында!

 

О Н Ы Ң   М О Н О Л О Г Ы

Мүмкін емес сағынбауың мені енді,                                                     Жанарыңда мұң малтыса, ой жүзіп.                                                         Өксігіңді, маған жазған өлеңді,                                                               Жүрегіңнің ошағына қой тізіп.

Өміріңді, сен іздеген Өзіңді,                                                                             Бізге мәлім естеліктің барлығын,                                                                   Мені.. сосын шат – шадыман кезіңді                                                                   Сәл сараңдау сабырыңның жарлығын,

Бәрін – бәрін.. өзектегі өкпеңді,                                                                       Бізді қоспас бұл қатыгез ғасырды,                                                                     Бір жүріп те үлгермеген көк белді,                                                                 Өртеп жібер, тамызық қып жасыңды.

Солай ғана «бақыт» тауып бір уақ,                                                               Солай ғана қателігің түзелмек.                                                                    Жалын құшқан жүрегіңді жұлып ап,                                                     Сағынышқа егілерсің тізерлеп!

 

6  С Ə У І Р
Қарашы, жауып тұрған қар ма мынау,
Көктемім, тағы мені алдадың-ау!
Он тоғыз, қимасым ең қиядағы,
Шынымен, менен кетіп қалғаның ба-ау?!

Сағыныш, мен шықпаған биік пе едің,
Жамадым кеудемдегі күйікке мұң.
Біреуден дəл осылай көңілім қап,
Біреуді дəл осылай сүйіп пе едім?

Ұлпадай көзден көзге ұшады бақ,
Жанардан жас үзілмей құса қылмақ.
Мен кеттім жиырмамен қол ұстасып,
Қалды ол естелігін құшағына ап.

Көрші өзің, жауып тұрған жан бөлшегін,
Мазаңды алған екем əбден сенің.
Қош енді, бар күнəңді жуайыншы,
Мезгілсіз жауған осы қармен сенің!

 

Ү Р Е Й

Жүрегімді тыңдашы сен өзі
Шын –
бас бермейтін асаудай,
өзімді алып қашардай,
Сенемісің?!

Жүрегімді тыңдашы... зымырандай,
Мен осылай жүрем бе тыныға алмай?
Тасқынына жанымның төтеп беріп,
(Түннен аман шығам ба, бүгін Алла-ай)

Жүрегімді тыңдашы, мен тыңдадым,
Онда менің айнымас сертім бар мың.
Өзімді-өзім жүргенде жоғалтып ап,
Көріндің де көзіме, еркімді алдың.

Жүрегімді тыңдашы мұңды менің,
Туласын деп мен оған түнді бердім.
Білмейсің ғой, сəт сайын қорқам, күнім,
Тоқтап қалар секілді жыр-жүрегім...
***

Мен өзгердім..
Кезіккендер танымады мені шын,
Жоғалтқандар таппады!
Жақынымның жат екені – жеңісім,
Жаныма сол батқаны.

Сүйетін ем бөліп – жармай бəрін мен,
Аппақ дегем  əлемді.
Сырқатыма етіп жүрмін əр Уды ем,
Түсініп көр ал енді!

Ұғынбасаң, ұға алмасаң кеше алам,
Шырқап келем мен бір əн.
Сенбеуші едім өзгереді десе адам,
Сене көрме сен бұған!

Тартып кетсе тұңғиыққа ой терең,

Шарықтатты аспаным.
Сен танымай өте шықсаң қайтерем?!
Бəрін қойшы басқаның...

Әлия Іңкәрбек

Abai.kz

8 пікір
Бекназар 2017-06-19 11:11:24
Сауда да, басқа да қазіргі таңда Қытайлық компанияларда, өтірікті суша ағызбаңдар!!!!!!
Бұл суффилікті жақтаушы екіжүзділер неге әртүрлі сенімде болды екен? 2017-06-15 21:47:33
Досай деген зікіршісымақ атеист уаһһабистердің бәрі сауданың бәрін алып болды, құрлыс материалдары, автокөлік бөлшектері тағы басқа пайда көп түсетін сауданың бәрі солардың қолында деп қызғанын, іші күйіп өліп кетейін деп жүр еді. Ал мына атеист суффисымақ уаһһабистер әке шешелерінің табыстарына қарап жатқан, жұма намазынан басқаны білмейтін арамтамақ жалқаулар деп басқаша сайрап отыр ғой.
Пірге табынбайтын таза сопы 2017-06-15 18:31:43
Еее, ортодоксалды деген суфиилар қой терісін жамылған атеистер десейші. Әй, бәсе, намаз ораза дегендерді 63 ке келіп пенсияға шыққан кемпір шалдар ғана орындаса болады, тақуалық мұсылманның бәріне бірдей парыз емес деулеріне қарап бұлар парызды іштей мойындамайтын екіжүзді мұнафиқ жексұрындар ғой деп ойлаушы едім. Бұлар мұсылманбыз деп жүрген атеистер екен ғой. Сопысоқсын сені, сопысоққыр!
Мейрамбай 2017-06-15 12:45:30
Мына жерде аңқау вахабистпен атеисттің споры қызық екен. Вахабист өзінің кім екенін бірден білдіріп қойыпты. Түнде шошытып оятқысы келген. Ал атеист болса олардың еврейлердің ақшасына семірген торпедалар екенін ашық айтып жіберіпті. Тақырып болса далада қалған. Вахабисттерді түсіну қиын. Зомбби болып қалғандар ғой. оның үстіне сауатсыз. Иншалладан басқа ештеңе айтпайды.
Есболат 2017-06-15 12:11:36
Ал, ваххабист - жан, тыңда!!! Қотырбайсыңба, Шотырбайсыңба білмедім!!!! Тап қазір сен, шырақ қай исламға бет бұрған жастарды айтып отырсың??? Масыл, жұмыс жасағысы келмейтін, әкесі мен шешесінің зейнетақысынан тамақ ішіп, үйде аунап жатып алып, Жұма күні мешітке баруды күтіп жататын әңгүдіктер туралы айттым. Олар, (әңгүдіктер, орысша дебилдер) күннен-күнге көбейіп бара жатыр. Мен осы тенденцияны айттым. Мен, өмір көрген, өмірдің ащы-тұщысын бірдей татқан, жасы 63-ке келіп намаз оқып, еліне ырздық тілеп жүрген ақсақалдарды айтқаным жоқ. Ол ақсақалдар Абу-Ханифа мазхабындағы суффилер. Яғни дұрыс ортодоксальды мұсылмандар!!!! Түсіндің бе!!! Кешегі күшік, сен кімді үйреткің келеді? Сен де бір "қожамбайдың боғын қаға алмай жүрген" боз өкпе, уағызшыл шырақтың бірі боларсың!!! Сөзіңе қарағанда солай сезіледі. "Түн ортасында ол жастар мені неге шошытып оятады?" - ваххабист шахиттерді (еврейлердің живой торпедаларымен) қорқытқаныңа қарағанда - сен өзің вахабист болғаның ғой. Так, ваххабист, тыңда, сендердің "затеяларыңнан" ештеңеде шықпайды!!!! Күні ертең АҚШ-тың Гос.департаменті мен Лондондағы мормондар, Израйльдегі равинндер басқаша "жоспар" құрып, қыруар ақшаны басқа руслоға бұрып жіберсе, А.С.Пушкиннің ертегісіндегі сынған астауды құшақтаған кемпір сияқты қаласыңдар. (PS.ваххабизмні қағидаларын 18-ғасырда Сауд Абдаллахтың заказымен Кайрдағы журналист Сайд Кут деген адам жазып шыққан, ал Абдул Уаххаб деген сауатсыз, жауыз адам ортада посредник болған. Негізі, С.Абдаллах заказды сол Абдул уаххабқа берген). Құйрығыңды дұрыстап жу, бар!!!!!!!!!
Қотырбай ессіз жоқ болат-қа 2017-06-15 05:41:59
Исламға бет бұрған жастардың көбейе түсуі сендей адам шайтандарын түн ұйқысынан әлі талай шошып оятады, иншаалла!
Есболат 2017-06-14 12:12:57
Қазіргі қазақ жігіттерінің бойында мәрттік азайып бара жатыр. Қызтекелік басып. Осы құбылыс туралы көп ойланамын. Мүмкін, әлгі Гендік Модификацияланған Тағамдардың кері әсері ме деп ойлаймын? Әлде, әкелердің тәрбиесі толықтай "тоқтап" қалдыма деп қорықам. Мазалайтын ойлар көп. Жігіттер, кейбір қазақтың жас жігіттері отбасын құрмай жатып дүниеқоңыз болып келсе, келесі бір тобы аса діншіл, тақуа, уағызшыл (тәшіне қарамай), әке-шешесіне масыл бола тұра - жұма сайын мешітке жүгіреді, жайнамазын басына қойып алып. Әйтседе, жігіттердің барлығы бірдей осылар сияқты әңгүдік емес. (Ия, мен әдейі айтып отырмын, жұмыссыз жүріп, мешітке жүгіргендер мен дүниеқоңыздарды әңгүдік деп). Оқуын оқып алып, жұмысын (немесе бизнессін) дөңгелентіп, отбасын асырап, еліне қадірлі болып жүрген жігіттер жеткілікті!!! Менікі жәй, кері тенденцияларды баса көрсету ғой, на счет АНГИДУКОВ.
Жұмаш Кенебай 2017-06-13 12:07:14
www.abai.kz жырларын жариялап отырған Әлия Іңкәрбек -болашағынан зор үміт күтуге болатын ақын қызымыз екен. Жырлары төгіліп тұр! Ұйқасы мен айтар ойлары ғажап үндескен! Тілі де тамаша! Бір сөзбен айтқанда Әлия сынды қазақтың ақын қызына, қазақ өлең-жырының әлемінен өзінің лайықты орнын ойып тұрып алуына шын ниетіммен тілектеспін! Ақын қызға сәттілік пен ақ жол, тек жақсылық тілеймін! Аман бол, бар бол, ақын қызым!!! Құрметпен ақын ағаң Жұмаш Кенебай(Көкбөрі), 13.06.2017 жыл, Алматы қаласы.

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 7791
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 15064