Сейсенбі, 17 Қазан 2017
Мәңгілік ел 11418 31 пікір 16 Маусым, 2017 сағат 09:50

Ауыт Мұқибекке Елбасы дән риза!

Қандастарымыздың көші-қон мәселесінің түйткілді түйінін шешу үшін жарғақ құлағы жастыққа тимей жүрген қоғам қайраткері, ақын Ауыт Мұқибекке ҚР Президенті Нұрсұлтан Әбішұлы Назарбаев ризашылығын білдіріп, арнайы сәлем жолдапты. Бұл туралы ақынның өзі Abai.kz ақпараттық порталына хабарласып, сүйінші сұрады.

Кеше Қазақстан Республикасы Президент кеңсесінің басшысы Махмут Қасымбековтің көмекшісі Ауыт Мұқибекке хабарласып, Елбасы ақынның Abai.kz ақпараттық порталында жарияланған «ЭКСПОҒА» КЕЛІҢДЕР, ҚАНДАСТАРЫМ!» атты өлеңін оқып риза болғанын, ақынға арнайы өз сәлемін жеткізуді тапсырғанын айтқан.

Қош!

Бұл – Ауыт Мұқибек үшін де, біздің портал үшін де қуанышты оқиға. Себебі, қазақ мемлекеті бүкіл әлемді Елордасына шақырып, халықаралық көрме өткізіп жатқан тарихи сәтте шеттегі ағайынды ұмыт қалдырмағанымыз дұрыс! Көрме Қазақстанды дүние жүзіне танытып қана қоймайды, шеттегі ағайынның еңсесінің көтерілуіне де өз септігін тигізеді.

Тарихи Отаны бес құрлықтың бүйірін қыздырып жатқанда жүрегі қазақ деп лүпілдейтін әр азамат Астанаға асығары сөзсіз. Ақын Ауыт Мұқибектің жыры Атажұтқа алып-ұшқан көңілге қанат, жүрекке қуаныш бітіріп, қаншама қандасымыздың елімізге келуіне ықпал етерін Елбасы толық түсінген болуы керек. Түсінгендіктен де риза болып, арнайы сәлем жолдап отыр деп ойлаймыз.

 

«Болды ұқсаса қазаққа шын есімің,

Пәтер біткен ашқалы тұр есігін.

Тіршіліктің байланбай күйбеңіне,

Өзгелерден бұрын кел бір-екі күн!

 

Қалды алыста замандар желі басым,

Ел таныған салтың бар беріп асын.

«Экспоның» тартылған кермесіне,

Бірінші боп байлансын сенің атың!

 

Берсін Есіл мәңгілік тұнық аға,

Куә болып сымбатың, сырыңа да...

Сендерменен көрікті Қазақстан,

Сендерменен айбатты Ұлы Дала!» деп, түйіндейді ақын өз өлеңін.

Шынымен де Тәуелсіз Қазақстанның әр жетістігі ең алдымен, басқа емес, ҚАЗАҚ үшін қуаныш! ҚАЗАҚ үшін мәртебе!! ҚАЗАҚ үшін жеңіс!!!

Қазір Қазақстан Жазушылар одағының азуын айға білеген сегіз жүзден аса мүшесі бар. Оған Одаққа мүше емес мыңдаған ақынды және қосыңыз. «ЭКСПО-2017» көрмесі сынды әлемдік деңгейдегі тарихи маңызы төтенше зор шара өзге емес, өзіміздің төл Астанамызда өтіп жатқанда сол қаламгерлердің  біреуін де шеттегі қандастарымызды елге шақырудың дәл осы өлеңдегідей үлгісін таба алған жоқ. Ауыт Мұқибек секілді ақындығымен елге пайдалы іс жасай алған кімі бар солардың бүгін? Бұл сұраққа жауап беру әзірге қиын.

Ауыт Мұқибек шеттегі қазақты елге әкелу жолында мың ұйымның жасайтын ісін жалғыз өзі атқарып жүрген тұлға. Атан түйеге жүк болар ауыр міндетті қиналмай көтеріп жүрген ақынға басқа емес, Елбасының өзі ризашылығын білдіруі асқақ шабыт сыйлары хақ.

Өлеңнің өміршеңдігі сол, біздің порталда осы өлең жариялана салысымен оны ел іші-сыртындағы бүкіл қазақ басылымдары көшіріп басты. Сөзіміз дәлелді болуы үшін «ЭКСПОҒА» КЕЛІҢДЕР, ҚАНДАСТАРЫМ!» жарық көрген басты басылымдардың интернет әлемінен көзіміз шалған бір топ сілтемесін ұсына кетуді жөн санап отырмыз.

http://abai.kz/  (Қазақстан Республикасы);

https://baq.kz/ (Қазақстан Республикасы);

https://egemen.kz/  (Қазақстан Республикасы);

xalhar.net (Қытай қазақтарының сайты);

http://kyzyk.times. (Қазақстан Республикасы);

http://arman-ako.com/ (Қазақстан Республикасы);

http://www.abdulvahapkara.net/ (Түркия қазақтарының сайты);

http://kaznews.mn/ (Маңғолия қазақтарының сайты);

http://adebiportal.kz/kz/news/view/3272 (Қазақстан Республикасы);

«Atatek» үнхат текшесі (Қытай қазақтарының сайты);

http://www.dalanews.kz/26005 (Қазақстан Республикасы);

http://chyndyk.kg/ (Қырғыз Респуликасының сайты);

http://argument.kg/ (Қырғыз Респуликасының сайты);

http://qasym.kz/ (Қазақстан Республикасы);

http://cbsorda.kz/ (Қазақстан Республикасы);

http://www.akjolgazet.kz/ (Қазақстан Республикасы) ;

https://www.facebook.com/...

 

Сонымен, Нұрсұлтан Әбішұлы бүгін біздің порталымызда жарық көрген ақынның өлеңін оқыды. Ертең әр мақаласын назарда ұстайтын болады. Ауыт Мұқибек айтса елдің жайын, шеттегі ағайынның мұңын айтады. Ол мәселенің бәрін президент біліп отырар болса, қазаққа олжа емес пе?

Шәріпхан Қайсар

Abai.kz

 

31 пікір
Оралман 2017-06-21 01:04:14
Авут-ака тарихта қалды - риясыз шындық... Қытайдағы қазақ сайттары шетінен жабылып жатыр.... Бұ да шындық... Интернет пен исі түркі Орхон жазуын тапқандай....таласа "аударма" жасап жамырауда... Ұят емес пе?... Ұят емес!!! Тек алыстағы ағайынның "арқаны қысқарып" жүрмесе болды да....
Қазақ 2017-06-18 18:17:26
ТӨРЕМ нің - сөзі әділ !!..
Төре 2017-06-18 18:03:00
Ауыт Мұқибекке, мына менде "пікірсымақ" жазайын деп жазған өлеңін оқып көрсем, қарадүрсін, ойсыз ауылдың алты ауызына шендесе алмайтын бірдеме ғой? Бірақ суреттегі жүрісі тамаша, байқаңыз, алдыңызда "ор" қазулы болмасын? Билікке өте "жақын" болғанда қауіпті? Жақсаңыз қорғауы, жақпасаңыз "бауыздауы" әбден мүмкін...
Нұрсұлтан 2017-06-18 15:05:40
Отандастарды кайтару дурыс емес! Олар шетте емес, озимиздин жеримизде турып жатыр, сол ушин оларга коместесип турыумыз керек. Олар биздин ульматумымыз сиякты. Оралман программасын жабыныздар!!!
Нұрсұлтан 2017-06-18 14:59:22
Казактын жениси? Бир согысты женгендей жазыпты. Ха-ха-ха
Тіпә, тіпә! 2017-06-18 04:14:18
Руза, қумаңызшы, өлеңсымақты оқыдың ба өзің? Ауыттың жыры қытай қазақтарын шақыруды сылтауратып ер нұрекесін мадақтап, көзге көбірек түсіп қалуға келеді.
Сәкен Елеуұлы. 2017-06-17 23:56:01
Тым қарапайым болғандар шет қала беріп, тым пысықтар алға шыға береді екен, соған көзім әбден жетті. Бұл сөзім мына ақын жігітке емес, сайт басшыларына арналды. Қазақтардың Қытайдан атамекеніне оралуы қашан, қалай басталды, кімдер ұйымдастырды, міне, осы жайында өлең-жыр, мақала, хикая-роман жазғандар жеткілікті, бірақ солардың көбі анық емес, шалалау сөйлейді. Ал, менің естуімше, ол тарихи оқиғаны қаламгер Уахап Қыдырханұлынан артық білетін адам кемде-кем. Сол тым қарапайым кісімен сұхбат өткізіп пе, мақала жаздырып па, бір маңызды шара өткізгейсіздер!
Бала 2017-06-17 19:16:38
Ұстаз болса ұстаз шығар, адам жүйкесі жәйдан жәй тозбайды.
ПІШТУДЕНТ 2017-06-17 19:01:12
Алланың шешкені ойыншық деп отырсыз ба? Тәубеге келіңіз тезірек. Асығыстықпен, ашумен, ойланбай, жөн-жосықсыз қарғай салу жақсы нәрсе емес. Алла кешірімді, рахымды, мейрімді.
ҰСТАЗ АНА 2017-06-17 17:17:29
Жақсы ! Алла шешсін келісемін, ПІШТУДЕНТ тей көргенсіз неме - " МЕН СЫМАҚ ЕМЕСПІН" - ҰСТАЗ АНАМЫН...
Судың да сұрау бар 2017-06-17 16:33:51
1 ай мақтанатын көрмеге бола 420 миллиард теңгені босқа шашып отырғандарын айтамын ау. Сылтаулары "көптеген ғимараттар әлі ұзақ жылдар елімізге қызмет етеді" екен. Халыққа бірінші кезекте қажетті не тұрғын үйлер болуға, не мектептер болуға, не ауруханалар болуға жарамайтын қаңыраған ғимараттар қалады... Осы басыздықтың кесірі "әй дейтін әже, қой дейтін қожа жоқ" демекші, парламентте халыққа жанашыр бір түйір тәуелсіз депутаттың болмағанының кесірі. Кейбір істердің елге түк пайдасы жоқ қисық екенін біліп отырса бір ауыз қарсы пікір айта алмайды, шетінен мұрындарын тескен өгіз сияқты сүйреген жаққа барып, саусақ басып қайту. Ал бұл жағдай бетімен кеткен өзімбілекке соқтырып, болашақтағы сұраудың қатты болатынына апара жатыр.
Піштудент, ҰСТАЗ АНА сымаққа 2017-06-17 16:32:17
Жөн жосықсыз қарғыс иесін табады деген. Алла қарғысыңды өзіңнің қара басыңа қайтып түсірсін!
қазақ 2017-06-17 13:01:55
Ауыт мырза, елім деп, қазағым деп жүрегіңді қолға ұстап бәйек болған ізгі ниет, игі істеріңе ел- жұрт риза. жаныңа еш жамандық болмасын. тек қана сәттілік тілеймін.
Руза 2017-06-17 10:58:03
Кешіріңіздер, тағы: "Ауыт та ретін тауып көзге түсіп қалуды жақсы үйреніп келе жатыр." деген Тіпә-Тіпә-ға: сіз ой-өрісіңізді кеңейтіңіз аздап, қазақ қарасы өз еліне толуға қарсы болмасаңыз? Ауыттың осы жолда істегенін істеп алыңыз әуелі. Екінші, қызғаншақтың да лебі есіп тұрғой, бұл сөзіңізден)
Руза 2017-06-17 10:53:11
Бірақ қанша қиыншылықтарды басынан өткізді Ауыт бауырымыз да, оралып жатқан/оралған қандастарымыз да, соңғы масқара қытайдан кеген ананы шекарадан тонау, соны көріп алаңдаушылық неге тудырмады екен ЕБ? Сондықтан, алдында, эмоциямен ол кісіге рахмет айтсам да, күмәнімді де айта кетерім бар, мүмкін ол экспоны мадақтағанға ғана осы реакцияны істеді ме екен деп?
Руза 2017-06-17 10:46:46
Мынау ЕБ құптарлық ісі екен! Жәй құптарламай, шынымен, айналасындағы орысқұлдардың қандастарымыздың көшіне әртүрлі қитұрқылармен бұғат салуын доғартса, еліміз жанға толушы еді. Және іргеміз мығым мемлекет құруымызға көп сеп болушы еді. Мығымдылық, мықтылық тек ұлттық мемлекеттілікте! Жаман үйді қожайыны билеп, ойына келгенін істеттірмей, (орыстардың да "у семи нянек дитя без глазу" дегені бар), осының іргесін нақты қалап бастауымыз керек! Жер қазақтікі, жерасты, үсті байлықтары қазақтікі-мемлекеттікі, мемлекет өмір сүретін тілі қазақтікі, жалпы халыққа (олар да қазақ деп аталуы керек, өркениетті мемлекеттерде), құқық бірдей.
ҰСТАЗ АНА 2017-06-17 09:11:18
Піштудент - деген Ібілістің сөзінен албастының қызғанышы байқалады. Ақымақ неме, Алланың сөзінде айтылған ғой... жақсылықтың кілті де шешімі де ғылымда - делінгеннен мақұрым екендігің көрініп тұр. Алланың жазасы тисін саған...
Нұрсұлтан Әбішұлы Назарбаев ризашылығын білдіріп, арнайы сәлем жолдапты 2017-06-17 05:48:47
Ауытқа осы да жетеді, бұдан асыруға ешуақытта болмайды.
Тіпә, тіпә! 2017-06-17 05:44:44
Ауыт та ретін тауып көзге түсіп қалуды жақсы үйреніп келе жатыр.
Піштудент 2017-06-17 05:41:44
Бір "ғұламалар" "Құранның Пайғамбар с.а.с. да білмеген тәпсірлері маған аспаннан жауып жатыр" деп шайтан көкейіне салған сандырақтарын кітап қылып шығарып, оны мемлекет арқылы, діни басқарма арқылы елге таратып ақша тапсам ба деп есек дәлеленіп кабинет жағалап жүрсе, тағы бір "ғұламалар" "дүние жаралғалы адам ойына келмеген жаңа ілімді өмірге әкелдім", енді оны адам тәрбилеудің мемлекеттік идеологиясына кіргізіп ақша тапсам ба деп есек дәмеге ұшырып, жарғақ құлақтары жастыққа тимей сайт аралап жүр.
СТУДЕНТ ШӘКІРТТЕРІ ҚАЙТАЛАП ҰСЫНАДЫ. 2017-06-16 23:51:28
проф. Совет-Хан Ғаббасұлы.Cәрсенбі, 14.06.2017 ӨТЕ ТАМАША !! Барыңды бағалай білуден артық парасат болмаса керек. - "РУХАНИ ЖАҢҒЫРУ" - кеш болса да... ЕШКЕ айналмай көтерілгені, өте керемет болды. Бірақ РУХТЫ жетілдіру - үгіт - насихат - уағызбен - жаңғыруы да жетілуі де мүмкін емес ! Бүгінгі адамдардан - Жан - Рух - Діл - дегеніміз не десе білмейді. Ал бұлардың ТӘРБИЕ ТӘСІЛДЕРІНЕН... тіпті, хабарлары жоқ. Бүгінгі Қазақтардың көпшілігі - көшірме - көпірме - бос сөзге - тым еліктеп кеткен. Сондықтан, "РУХАНИ ЖАҢҒЫРУДЫҢ" - обьективті ЖҮЙЕСІ мен нақты ТӘСІЛДЕРІ бар !!!.. Ол - "АДАМ ТӘРБИЕСІНІҢ ЖАҢА ІЛІМІ" - ретінде ғылыми дәлелденген !
Светлана 2017-06-16 22:52:17
Ауыт бауырым,өлеңің де,оны оқып риза болған елбасы да бəрімізді риза қылдыңыздар.Тамаша!Дей тұрғанмен желіден оқып жатқан қытайдағы қандастарымыздың жағдайы туралы не дейсіз,жағдайды елбасы біле ме?Олар неге қысым көрсетіп жатыр,біздің елде тойтаңдап жүр емес пе,отталмай-сотталмай.Ақпарат құралдарына жазыңыз,айтыңыз мəселені турасынан қоятын сəт келді.Сіздің сын сағатыңыз-қандастар үшін қимылдаңыз.Бұл өтініш.Қандастарымыз қиналмай елге оралуы тиіс
Светлана 2017-06-16 22:52:15
Ауыт бауырым,өлеңің де,оны оқып риза болған елбасы да бəрімізді риза қылдыңыздар.Тамаша!Дей тұрғанмен желіден оқып жатқан қытайдағы қандастарымыздың жағдайы туралы не дейсіз,жағдайды елбасы біле ме?Олар неге қысым көрсетіп жатыр,біздің елде тойтаңдап жүр емес пе,отталмай-сотталмай.Ақпарат құралдарына жазыңыз,айтыңыз мəселені турасынан қоятын сəт келді.Сіздің сын сағатыңыз-қандастар үшін қимылдаңыз.Бұл өтініш.Қандастарымыз қиналмай елге оралуы тиіс
Алматы тұрғыны 2017-06-16 18:47:22
Өлеңі - өлең-ақ екен. Елбасы риза болса, болғандай-ақ. Оқып, мен де риза болдым. Өркенің өссін, айналайын!
Қыдырəлі 2017-06-16 15:46:12
Ассалаумағалайкум Ауыт аға, Аманба отбасыңыз, бала-шаға. Қайтсем елге Қазақты оралтамен деп, Ел басынан, ерекше алған баға. Арта берсін мәртебең, таудай аға!
Iын сөз 2017-06-16 14:07:13
"Ауыт Мұқибек шеттегі қазақты елге әкелу жолында мың ұйымның жасайтын ісін жалғыз өзі атқарып жүрген тұлға" - бұл рас енді.
ораз 2017-06-16 12:16:30
Мүмкің өстіп реклама жасап шуылдата берсе бəрі болады. Күпітіңдер.
ораз 2017-06-16 12:11:46
Бірдері бірдерің мақтағанға шəршəмəйді екең.Алі бір дурыс заң қолданғаң жоқ оралмандар жəйінде . Жылда жыйылып бір шуылдайы да қойады .
ХАЛЫҚ 2017-06-16 11:29:06
Бар-жоғы 25- жылда Қытайдан келген Қазақтар - 11-ақ пайыз -%...
ХАЛЫҚ 2017-06-16 11:26:27
Бос сөз - бос мақтаннан ұялатын күн туар ма екен ???..
Асылбек 2017-06-16 10:33:29
Құтты болсын! Ауыттың еңбегі - еңбек. Кім қалай айтса да, тарихта қалады.

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 7520
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 14700