Сәрсенбі, 16 Тамыз 2017
Жаңалықтар 1694 3 пікір 16 Маусым, 2017 сағат 11:36

Атырауда жазушы Құлкеновтың кешінде ұлт жайы сөз болды

Атырауда Қазақстанның еңбек сіңірген қайраткері, Президент сыйлығының лауреаты, жазушы Мереке Құлкеновтың 65 жасқа толуына арналған «Елім деп соққан жүрегі» атты шығармашылық кеш өтті. Атырау жұрты лық толып жиылған шараға жазушы Несіпбек Дәутайұлы, драматург Рахымжан Отарбаев, Атырау облысының құрметті азаматы, қоғам қайраткері Нұрпейіс Мақашев, саясатанушылар Айдос Сарым мен Расул Жұмалы, жазушы Серікқали Хасан, ақын Бауыржан Халиолла сынды бір топ азаматтар қонақ болып қатысты.

Кешке облыс әкімі Нұрлан Ноғаев та келді. Аймақ басшысы мерейтой иесін 65 жылдығымен құттықтап, бұл шараның Елбасының “Болашаққа бағдар: Рухани жаңғыру” бағдарламалық мақаласындағы міндеттерді жүзеге асыру мақсатында өтіп отырғанын айтты.

– Ақты ақ, қараны қара деп айтып, бұғып қалмайтын мінезіңіздің арқасында азаматтарды  қабылдата білдіңіз. Абылайдың түсіндегі біз қасқырмыз ба, шаянбыз да деген сұрақтарға жауап беретіндей жағдайда келе жатырсыз. Бұл – көзі ашық, көкірегі ояу, елдің болашағы бұлыңғыр болмасын деген адамға азаматтық парыз. Бұл тұста Елбасының “рухани жаңғыруындағы” айтылған мәселелердің маңызы зор. Бүгінгі кеш сол жұмысты іске асыру жолындағы шаруаның жалғасы, – деді ол.

– Иісі қазақта парасат пайымы, түсінігі, кісілігі қабат келіп отыратын, елдің жұрттың қадір-қасиетін білетін, намысқа шабатын азаматтар аз ба көп пе, оны мен білмеймін. Менің білетенім, ол көп болса да, аз болса да, соның алдыңғы сапында Мереке дос жүр, – деді жазушы Несіпбек Дәутайұлы сахнада тұрып.

Белгілі саясаттанушы Айдос Сарым мінез туралы сөз қозғады:

– Баяғыда ұлт көсемі Әлихан Бөкейханов “ұлтқа қызмет ету білімнен емес, – мінезден” деп айтқан екен. Осы мінез деген ең үлкен нәрсенің бірі сияқты. Намыс та мінезден, тәкаппарлық та мінезден, іздену де мінезден. Айналып келген кезде, бұл дүниеде жазушы болу үшін де мінез керек, редактор болу үшін де мінез керек, қайраткер болу үшін де, бизнесмен болуы үшін де мінез керек. Осы мінез деген қасиеттің ең жақсы, жарқылдаған тұстарының бәрі Мекеңнің бойында бар, – деді ол.

Жазушының ішкі монологына құрылған драмалық көрініспен ашылған шығармашылық кеш, салтанатты концертпен жалғасты.

Мереке Құлкенов 1951 жылы 8 қарашада Атырау облысында туған. «Қазақстан пионері» (қазіргі «Ұлан»), «Пионер», «Қазақ әдебиеті», «Жалын» сияқты газет-журналдарда, Қазақ теледидарында қызмет істеген. Республикалық «Ана тілі» газетінің, «Таң Шолпан» журналының бас редакторы болды. Қазір «Өлке» баспасының бас директоры.

Махамбеттің өмірін айшықтаған, драматург Р.Отарбаевпен бірігіп жазған «Бас» драмасы 2003 жылы Қазақстан Республикасы Мәдениет министрлігінің екінші жүлдесін иеленді. Махамбеттің 200 жылдық мерейтойы қарсаңында «Махамбет кітапханасы» сериясымен 20 томдық кітапты және «Махамбет елі» кітап альбомын үш тілде дайындауда жалпы редакцияны басқарды.

«Жібек жел», «Таңғы самал», «Үрей», «Халел Досмұхамедовтің өмірі мен қызметі», «Қазақстан» және тағы да басқа прозалық және публицистикалық шығармалардың, «Махаббат мұнарасы», «Жәңгір хан» пьесаларының авторы. Шығармалары бірнеше тілге аударылған.

 

Суреттерді түсірген: Әнуар Әбілғазиев

3 пікір
Алтай 2017-06-18 00:50:32
Имангалида амбиция жок, осы кеткенi кеткен.
Таздар 2017-06-17 11:06:27
Қазақстанның болашақ президенті кім болатыны жайлы сөз қозғалмады ма екен? Имекең елге қайта ма? Батыстықтар күш жинап дайын отыруымыз керек. Ертең үлкен билікке кім ие болады соған қазақтардың тағдыры байланысты. Қазақтарды жоңғарлардан тек кіші жүз ғана қорғағаны белгілі.
СТУДЕНТ ШӘКІРТТЕРІ ҚАЙТАЛАП ҰСЫНАДЫ. 2017-06-16 11:44:23
проф. Совет-Хан Ғаббасұлы.Cәрсенбі, 14.06.2017 ӨТЕ ТАМАША !! Барыңды бағалай білуден артық парасат болмаса керек. - "РУХАНИ ЖАҢҒЫРУ" - кеш болса да... ЕШКЕ айналмай көтерілгені, өте керемет болды. Бірақ РУХТЫ жетілдіру - үгіт - насихат - уағызбен - жаңғыруы да жетілуі де мүмкін емес ! Бүгінгі адамдардан - Жан - Рух - Діл - дегеніміз не десе білмейді. Ал бұлардың ТӘРБИЕ ТӘСІЛДЕРІНЕН... тіпті, хабарлары жоқ. Бүгінгі Қазақтардың көпшілігі - көшірме - көпірме - бос сөзге - тым еліктеп кеткен. Сондықтан, "РУХАНИ ЖАҢҒЫРУДЫҢ" - обьективті ЖҮЙЕСІ мен нақты ТӘСІЛДЕРІ бар !!!.. Ол - "АДАМ ТӘРБИЕСІНІҢ ЖАҢА ІЛІМІ" - ретінде ғылыми дәлелденген !

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 2862
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 7429