Сәрсенбі, 20 Қыркүйек 2017
Әдебиет 1669 3 пікір 21 Маусым, 2017 сағат 09:53

Киіктің монологы

Адамзат, жанарыңа сыйып-күліп,
Жалғанның жайын жүр ем, жиі ұқтырып.
Азғындап кете ме деп, адам қылсам,
Құдайым жаратыпты киік қылып.

Танып ал, таныр болсаң ең дараны:
Киік ем, мекен еткен кең даланы.
... Аралмен бір тартылды пейілдерің,
Адамдар, ашамыз-ау енді араны.

Көркіммен серік болып сан арыңа,
Сыйдырғам мына әлемді жанарыма.
Тіліме бал боп тиген киікоты,
Көзімнен аққан жасым тамады ма?

Саулатқан көңілдерден күй-ағынды,
Текті едім, мөр ғып басқан тұяғымды.
Ұмытпа!
Менің атым – киік-күйік,
Көріп қал, құлап жатқан сияғымды.

Жаныңа кіріп әлі сыналай мұң,
Сендерді әлі талай сынар ай-күн.
...Адамдар кінәлі емес өліміме,
Салқыны ұрды деймін құралайдың!..

Сұмдықтың қызыл шоғы қоздағанда,
Сарыарқа!
Нең қалды енді тозбағанда?
... Тірілем бір күндері рух болып,
Кең далам сағыныштан боздағанда...

Алма Түсіпбекова

Abai.kz

 

3 пікір
Жазира 2017-06-21 22:53:03
Қазақ ақын қыздарының ішіндегі мықты аұын қыз. Кез-келген өлеңін оқысаң көңілің марқайып қалады. Шеберлігі сол ақын киікке тіл біткізіп тұр. Жазар көбейсін ақын қыз!
АБЫЛАЙ 2017-06-21 10:24:18
БҚО орман шаруашылығы және жануарлар әлемі инспекциясы айтуынша, киіктің 402 мүйізін жинау үшін 200-ден астам Ақбөкенді өлтірген дейді. Бұл қолдағы бар дерек қана. Ал,республика бойынша бұндай жағдайлардың тіркелмегені қаншама. Жалпы бұндай Отанына жауыздарды қатаң жазалау керек. Мәселен өмір бойы бас бостандығынан айыру керек.
Оқырман 2017-06-21 10:14:49
Бүгінгі таңда адамдар табиғатты өз қолдарымен құртуда. Оның ішінде құралай көз киіктерден түк қалмады. Бара-бара бәрі жұт болатын шығар. Өлең қандықол қарақшыларға ой салса екен...

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 5693
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 11913