Бейсенбі, 17 Тамыз 2017
Әдебиет 2326 2 пікір 7 Тамыз, 2017 сағат 10:23

Жұмаш Көкбөрі. Қазағымды қорғашы...

Түсі суық, сұр ма екен?

Тумысынан сұм ба екен?

Қалың жылан ысылдап,

Шағайын деп тұр ма екен?..

 

Жоқ ұлтыма қайыр да,

Ұры – ұрлап баю да.

Бұл Қазаққа қанша жыл,

Күш көрсеткен аю да.

 

Екеуінің сұрқын-ай,

Бұзылмасын шырқым-ай!

Арасында екі оттың,

Арпалысқан ұлтым-ай!

 

Тағдыр бізді сынады-ау,

Деме Ұлтымды сынады-ау...

Аю, жылан алдында

Қалш-қалш еткін кім анау?..

 

Оңған емес оңбайтын,

Тоңған емес тоңбайтын.

Бірақ, біздің Қазақтың

Тәңірі бар қорғайтын!

 

Намыссыздар, сорлашы!

Оңбағандар, оңбашы!

О, Тәңірім, сен, мәңгі,

Қазағымды қорғашы!?.

Abai.kz

2 пікір
Айназияға Тікен 2017-08-09 20:34:37
Өлеңді өте жақсы көретінің, жақсы өлеңдерге деген құрметің байқалып тұр. Осы сайттан түспейтін қытайдан келген Ауыт Мұқибек деген ақын бар. Жұмаш пен екеуінің өлеңдерін салыстырсаң жер мен көктей. Жұмаш Көкбөрі сөздерімен тіліп салады, лирикасы да бар, нағыз талантты қазақ ақыны. Ал анау Ауыт Мұқибек дегеннің өлеңдері сылдыр су, құр жалаң баяндау. Неге солай? Түсіндіріп көрші.
Айназия 2017-08-07 15:13:13
Өте жақсы жазылған!

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 2885
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 7458