Сәрсенбі, 20 Қыркүйек 2017
EXPO - 2017 627 9 пікір 13 Қыркүйек, 2017 сағат 16:17

Жаһандық көрме: үміт пен нәтиже

Оныншы маусымнан бері Астана озық технологиялардың орталығына айналды. Әлемдік жаңартылған энергияның дамуына арналған  бастамалар ЭКСПО көрмесінде келушілер назарына ұсынылды. Қазақ жерінде өткен үш айлық көрмеге әлемдік сарапшылар мен қатар келушілер де оң баға берді.

ЭКСПО-2017 көрмесін үш ай ішінде төрт миллион адам тамашалаған. Оның үштен екісі жастар мен оқушылар екен. Күніне көрмеге келушілер саны 40 мыңнан 50 мыңға дейін жеткен. Сарапшылардың айтуынша, келушілердің дені бас сұққан нысандардың бірі – қазақстандық павильон. «Нұр Әлемге»  күніне 28 мыңға жуық адам келген. Көрме басталғаннан үш ай ішінде бұл нысанға 1 млн.300 мың адам кірген. «Нұр Әлем» архитектуралық нысаны әлемдік үздік нысандардың қатарына енді.

Көрменің ашылу салтанатына жиырмаға жуық мемлекет,Үкімет басшылары келсе, жабылу салтанатына да осынша делегация қатысты.

Келушілер үшін айрықша есте қалған павильондарға шолу жасасақ...

«Энергияның пайда болуы» тақырыбын таңдаған Ұлыбритания павильонының авторы - сәулетші Асиф Хан. Павильон менеджерлерінің айтуынша,аталмыш павильонға келушілер санының көптігі  кинофильм, дыбыс, анимациямен айналысатындар үшін пайдалы ақпараттың көптігі.

Ұлыбритания ғалымдары ЭКСПО көрмесі арқылы графен шамдарының артықшылықтары туралы кеңінен ақпарат берілді дейді. Ол өзінің қауіпсіздігімен ерекше(бұл туралы арнайы материалдар жариялаған едік).

Көрмедегі аумағы, тақырыптық талаптар жағынан көш бастап тұрған павильондардың бірегейі Ресей павильоны болды. 2019 жылы алғашқы үлгісі шығарылатын мұзжарғыш кеме авторлары- ресейік ғалымдар. Солтүстіктегі көршіміздің жер шарындағы ең суық аймақты игеру мақсатындағы ізденістері көпшілік назарын аудартты.

Халық көруге асыққан, кезегі көп күттірген Қытай павильоны болды. Жүрдек пойыз,гаджеттер мен су түбіндегі балшықты отынға айналдыру-қытайлықтар ұсынған бастамалар.

Павильондардың рейтингісін жасаған сарапшылар негізінен аумағы мен тақырыптың ашылу деңгейіне назар аударған. Аумағы 700 шаршы метрден асқан Ресей,Германия, Ұлыбритания мен Қытай павильондары көрмеге келушілердің дені бас сұққан нысандарға айналды.

Аумағы жағынан алғашқы бестікке кірмесе де, үздік деп танылған көрме залдарының бірі Испанияға тиесілі болды. «Планетаның энергиясы» деген тақырыппен таныстырылған Испания павильоны келушілерді әлемді таза энергиямен қамтамасыз ету жайындағы бейнешоуларымен  қызықтырды.

Энергетика тақырыбын арқау еткен Германия да алдыңғы қатарлы павильондардың бірін ұсынды. Неміс павильонының ерекшелігі- су қуатымен жүретін көліктердің таныстырылымы.

Дәстүр мен  инновацияны қатар ұстаған италиялықтар энергия тарихын зерттейтін бейнематетериалдар мен өнер туындыларын келушілер назарына ұсынған.

«Шығармашылық энергиясы» деп аталған Польша павильоны таза көмір технологиясы мен орман өсірудегі технологиялық жобаларын ұсынған.  Көмір шахталары көп болған ел бүгінде кен орындарының жұмысын тоқтатқан. Польша ғалымдары ұсынған баламалы көгілдір көмір ауаға тарайтын зиянды қалдықтарды бірнеше есеге азайтуға мүмкіндік береді. Бұдан өзге польшалық ғалымдардың жобалары көрмеге келушілер назарына ұсынылды.

«Таза энергия» тақырыбын таныстырған Финляндия тек технология емес, мемлекеттің тұрмыс-тіршілігі,экономикасы мен табиғаты жөнінде бірқатар қызықты бейнекөрсетілімдер даярлаған. Финдік павильонда мемлекеттерінде азаматтарға көрсетілетін мемлекеттік қамқорлық пен жәрдемақылар жайында жазылған стенд көзге бірден шалынады. Мәселен, бұл елде дүниеге келген әр сәбиге арнайы жәрдемақыдан бөлек, ана мен бала қажет заттармен бір жыл бойы қамтамасыз етіледі екен.

Жасыл технологияларды дамыту, балама қуат көздерін табу мәселесі өзекті боп тұрған уақытта жаһандық көрме талай бастаманы іске асыру кілтіне айналды. Мысалы, 1939 жылы Нью Иоркте өткен әлемдік көрмеде Рузвельттің телеэкранда пайда болып, жиналғандарды таң қалдыруымен әлемде телевидение өрістей бастады. Ал Эдисонның фонографы үшінші Парих көрмесінде танымал болып кетті.  Астана көрмесінде де жаңа технологиялар мен ғылыми жетістіктердің біразы ұсынылды. Сонымен қатар, ЭКСПО-ны өткізу тарихына қарасаңыз, үлкен көрмелердің құрметіне әр ел өзінің техникалық мүмкіндігін паш ету үшін сәулет туындыларын салуға тырысқан. Мәселен, ЭКСПО-дан Парижде Эйфель мұнарасы, Брюссельде Атомиум, Монреальда Хабибат деген ерекше тұрғын үй кешені тұрғызылса, Астана көрмесінде салынған «Нұр Әлем» нысаны  сәулет тарихында қалатын нысанға айналды.

Зарина Әділбек

Abai.kz

9 пікір
Асхатлш 2017-09-18 14:43:32
ЭКСПОда Қазақстан жоғары деңгей көрсетті. Шетелдіктер өте керемет болды деп айтады. Мысалы, маған да ұнады.
Мақсұт 2017-09-14 19:58:59
ЭКСПО -бізідің абыройымызды көтермек түгілі, кембағалдығымыз бен дарақылығымызды көрсетіп кетті -деп ойлаймын. Қазақтың байырғы ұлағатты мәтелдерімен мысал келтірейін: "Бай атқа мінсе -құтты болсын -дейді, Кедей атқа мінсе -қайдан алдың?-дейді " -деген сөз бар. Оны мына мазақылықтың ашыларында Қырғыз президенті айтып кетті, естеріңізде шығар? "Күң көтінде күміс жылтырайды" -деген де мақал бар. Мұның мәні -"ЭКСПО сенің не теңің, жылтырайды көтенің" -дегенге саяды.. Егер "экспоны" өткізбесек -ештеңеміз кетпес еді, біршама ақша қаражат халыққа бұйырмаса да қазынада қалар еді. Оны өткізгенімізден ештеңе ұтқан жоқпыз, бәрі бір бүкіл әлем Қазақстанды ұрлық, қарлық жайлаған, билігі әділетсіз, диктатуралық -жабайы мемілекет -деп таниды. Қазақстанның абыройын төгіп, әлемге күлкі етіп отырған бір -ақ адам, ол "Мәңгілік паразидент!" Ешбір елде, өзін өзі сыйлайтын қоғамда тақта тапжылмай отыз жыл отырған жансебіл жоқ! Бұл ұяттың қара дағын ешқандай "эксполармен" жуып тазарта алмайсың. Бекерге шашылған есл 4 миллиард доллар ақша?! Осы ақшаны Елбасты өзінің қалтасынан төлесеші, ештеңесі кетпес еді... көп болса -байлығы бір шөкім ғана кемір еді?!
Ғани 2017-09-14 19:19:30
Дегенмен әдем әсер, ғұмырлық естеліктер, жаңа таныстықтар мен керемет мүмкіндіктер сыйлаған ЭКСПО, рахмет саған, сағынатын боламыз шынымен!
жалғас 2017-09-14 19:19:14
Тіпті, әй әттең ай, осы жұмыстан соң үйде бостан бос жатқанша бірнеше мрте барып, серуендеп қайтпаған екенмін деп жатырмын. Қанша барсаң да, әр барған сайын жаңа дүние үйренуге болады, ынтасы бар адамға…
Гүлден 2017-09-14 19:19:01
Сол күндері мұны байқай қоймаппыз, қазір адам қарасы саябырсын, күн суып, күнделікті күйбеңге қайта оралғасын ғана ЭКСПО-ның орны ойсырап қалды.
мерей 2017-09-14 19:18:45
Тіпті Құдайдың да көзі түзу екен, ауа-райы да жағымды болып, қарасып тұрды.
Айым 2017-09-14 19:18:26
Елорданың тұрғыны ретінде өз көзімізбен көрдік. Көше, мейрамхана, сауда орталықтары лық толы адам, барлық жерде ойын-сауық, үш ай бойы дәл бір мереке күндері сияқты болды.
Жарас 2017-09-14 12:52:48
3 ай бойы еліміз бен елімізге келген қонақтарға ЭКСПО көрмесі жақсы қызмет жасады.
Аслан 2017-09-14 11:34:53
Көрмеге келген әрі елдің павильоны өздерінің жаңашылдықтарымен ерекшелегені рас. Барлығын бір мезетте көрмесек те кешкі сеанстарына барып, танысқанымыз бар. Жалпы көрме өз көңілімнен шықты десем артық болмас.

Үздік материалдар

Рухани жаңғыру

Қанат Әбілқайыр. Қарыз бен Парыз

Abai.kz 5712
Қауіп еткеннен айтамын

Қазақстанда жүрген қытайлар кімге сүйенеді? 

Н.Қошаманұлы 11940