Жұма, 29 Наурыз 2024
3439 17 пікір 18 Қазан, 2017 сағат 09:17

Бішкек шекарадағы ахуалға қатысты ДСҰ-ға жүгінді

Қырғызстан үкіметі 17 қазанда Дүниежүзілік сауда ұйымының (ДСҰ) хатшылығына қырғыз-қазақ шекарасында қалыптасқан ахуалға байланысты үндеу жолдады.

Қырғызстан үкіметі аппаратының ақпараттық қамтамасыз ету бөлімінің хабарлауынша, үндеу жолдауға "Қазақстанның ДСҰ құру туралы келісімді және осы ұйымның тариф пен сауда туралы негізгі келісімінің талаптарын бұзуы" себеп болған.

Қырғызстан үкіметі үндеуінде Қазақстан "10 қазанда аяқ астынан қазақстан-қырғызстан және қазақстан-ресей шекараларында қосымша қадағалау шараларын енгізгенінен" хабардар етеді. Қазақстан жағы қосымша шаралар енгізген соң шекарадағы адам көп өтетін Қырғызстанның "Ақ-Жол" және "Ақ-Тілек" өткізу бекеттерінен орта есеппен күн сайын өтетін адам мен көлік саны екі жарым есеге азайған. Мәлімдемеде ДСҰ-ға мүше Қазақстан сияқты Қырғызстан да "осы ұйым аясында өзінің құқығын қорғайтыны" айтылады.

Кеше Қырғызстанның экономика министрлігі шекарадағы жағдайға байланысты Еуразия экономикалық одағына (ЕАЭО) жүгінгенін хабарлаған. Қазақстан ұлттық экономика министрі Тимур Сүлейменов 17 қазанда шекарадағы тексерудің күшейгенін "саясиландырмауға" шақырған.

Abai.kz

17 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1582
Алашорда

Қожанов межелеу науқанында (Жалғасы)

Бейбіт Қойшыбаев 2282
Ғибырат

Қайсар рухты ғазиз жан

Мұхтар Құл-Мұхаммед 3618