Сәрсенбі, 23 Қазан 2019
46 - сөз 1691 4 пікір 14 Тамыз, 2019 сағат 10:44

Саясаттың күзі ыстық болатын секілді...

Астананың маңындағы орманда шөп сарғая бастапты. Үйіре соққан желден күз ызғары сезілетіндей. Иә, күз жақындап қалды.

Өзіміз маңайында жүрген соң саясаттың күзі қалай болар екен деп те ойлап қоямыз. Жоғырыдағы кейбір қозғалыстарға қарап бір дүбірдің келе жатқанын іш сезеді. Саясаттың күзі ыстық болатын секілді. Анығын біз түгілі "мен деген" саясаттанушылардың өзі де айта алмас. Әйтеуір " сайлау болады, пәлен партия қатысады" деген долбарды жасағансиды.

Тұңғыш Президенттің қазіргі мемлекет басшысымен кездесуі, одан Байбекке "Нұр Отанды" жаңарту жөнінде тапсырма беруі әлдебір ойларға жетелейді. Президент сайлауынан кейін жоқ болып кеткен кейбіреулердің қайтадан "жылтыңдай" бастауы да бекер емес-ау! Соңғы сайлауда ұйқыдағы халықты биліктің өзі "сілкіп" оятты. Оны өзі де байқамай қалып, бармағын тістеді. Кеш түсінді.

Ендігі сайлау басқаша болмақ. Оны жоғары да, төмен де түсініп отыр.

Қалай болар екен? Тек тыныштық болғай!

Арман Сқабылұлының facebook парақшасынан
Abai.kz
4 пікір