Ханталапай

ЕСІМОВ ЖҮРГЕН ЖЕРДЕ КӨПІР ҚҰЛАЙДЫ

Әріптің көлемі: Қалыпты
  • Қалыпты
  • Үлкен
  • Көлемді

Күні кеше Астанада құрылысы әлі аяқталмаған «ЭКСПО-2017» Халықаралық көрмесінің көпірі опырылып түсті. Әлеуметтік желі мен БАҚ-та қызу талқыланған қираған көпірге қатысты шенеуніктер пікір білдіріп, бұл туралы көп айта бермеуді сұрады.

ЭКСПО павильондарын бір-бірімен жалғап тұрған көпірдің декаративті дүние екенін құрылысқа жауапты компания (BI Group) өкілдері айтты.

Ал Ахметжанға жақтасқан Ерлан Ыдырысов мырза көпірдің құлауы көрменің абыройына нұқсан келтірмейтінін айтып шыр-пыр болды.

Әйтсе де, алдыңғы басшылар үптеп-сүптеп кеткен соң, өтері-өтпесі бұлыңғыр болған бұл көрмеге Ақаң Алматыдан арнайы келгенде елдің де, Елбасының да үміті оянған-тын. Айналасы аз уақыттың ішінде бітпей жатқан құрылысты бітіріп, павильондарды тарата бастаған Ақаңа жұрт "бәрекелді" десті. Сөйтсек, арзан-құрзан материалдармен әшекейленген ғимараттың  сапасы сын көтермейтін болып шықты.

"Жүрген жерінен шөп шықпайды" деген сөз бар еді ғой қазақта.  Ахметжан Смағұлұлының  артынан енді «көпірқұлатушы» деген жанама аты еріп жүретін болды.

Бұлай дейтініміз Ақаң Алматыны басқарып тұрғанда «айналма көпір» құлап еді. Рысқұлов пен Саин көшесі тоғысатын тұста салынып бітіп, пайдалануға берілгелі тұрған үлкен жолайрық көпір құлап, 20 адам жарақат алған-ды.    

Жә, сонымен көпірдің қирауына кім кінәлі?  Арқаның сақылдаған сары аязы мен толассыз жауған қар ма? Жоқ, «BI Group» компаниясы ма? Бәлкім, салғырттық танытып, сапасыз көпір салдырған Ақаң мен оның компаниясы болар... Не десек те, қордан бөлінген қаржы қапыда құмға сіңгендей жоқ болды. Сарапшылар болса, құлаған көпірді қайта тұрғызу үшін кемінде 1 жыл уақыт керек дейді. ЭКСПО-ның есігі ашылар сәтке 1 жылдан аз уақыт қалды. Ақаң үлгере ме? Қайдам... Өткенде Елбасының алдында есеп берген Ахметжан Есімов ЭКСПО құрылыс жұмыстарынан қыруар қаржы үнемдедік деп еді.

Бақандай  131 миллиард теңге.  Бұл бұл ма, алдағы уақытта үнемделген қаржы көлемі тағы өсуі мүмкін деген.

«Бұл көрме ел бюджеті үшін қып-қызыл шығын әкеледі» деп болжаған сарапшыларды да, кадрларының қымқырып-жымқырып кеткеніне қынжылған Елбасын да сендіре білген Есімов «қаһарман» образын ойнап, еңсесі тік шыққанда, бір былықтың боларын сезген едік.

Ал жауапты компания басшысы Айдын Рақымбаев болған оқиғаға қатысты былай депті: «Инженерлермен кеңестік. Болжам бойынша, металдың химиялық құрамы дұрыс болмағандықтан 90 метрлік ферма аязға шыдамай опырылған. Темірдің сапасы құжатта көрсетілгенімен сәйкес емес. Яғни, Қытайдан алдыртқан құрылыс заты сапасыз болуы мүмкін».

Рақымбаев мойындап, құрылыс материалдарының қытайлық өндіріс екенін айтты. Демек, Ақаңның Елбасына берген есебінде айтқан үнемі осы болды.

Сонымен, құлаған көпір құлады. Енді Есімовке Елбасыға болған жайды баяндау қалды. Көпірді қайта тұрғызуға 1 жыл уақыт керек. Ал Ақаңда арқаны кеңге салып жатар уақыт жоқ. Үнемделген 131 миллиард теңгенің барар жері белгілі болды. Егер есеп түзу болса, әрине.

Нұргелді Әбдіғаниұлы

Abai.kz

29 пікір 3171 рет оқылды Қосылған: 18.11.16
    • #1
    • Есенғали, Антакиядан
    • жм, 18/11/2016 - 13:39

    "Экономика должна быть экономной - таково требование времени" деген лозунгпен СССР-ды қиратып тынып еді.
    131 миллиард теңгені үнемдейміз (ұрлаймыз) деген ұранмен ЕХРО-ны қиратып әлемге масқара болыңдар !

    • #2
    • пионерский
    • жм, 18/11/2016 - 13:43

    Талайдың көз жасы ғой. Көрмені өткізбейік деседе тыңдамады. Ақыры осылай болды. Көпірдің құлағаныда дұрыс сияқты ма, қалай?

    • #3
    • Германиалық айу
    • жм, 18/11/2016 - 13:49

    Сапасыз құрылыстың құлағаны жөн болды . болды , шуламайық , Експо құлап қалмаса болды .

    • #4
    • Астаналық
    • жм, 18/11/2016 - 13:57

    Ресейге елші қылып жіберу керек шығар ....Керчь көпіріне шамасы жете ме екен ?

    • #5
    • қазақ
    • жм, 18/11/2016 - 14:07

    ТАҒЫ ӨРТ БОЛУШЫ ЕДІ ҒО!

    • #6
    • елден
    • жм, 18/11/2016 - 14:20

    уа -ха-ха көпір құлатқыш.шегіміз түйіліп күлдік.

    • #7
    • білгіш
    • жм, 18/11/2016 - 14:33

    BI Group үлкен қыздың компаниясы деген рас па? Қалай әйтпесе олар Қазақстандағы ЕҢ ІРІ объектің бәрін солар ғана сала береді?
    Тендерді тек солар ұтады, Астананы тек солар салып жатыр

    • #8
    • #2 пионерский өте дұрыс айтып отыр!
    • жм, 18/11/2016 - 15:22

    Өздері түйені түгімен жұтып отырса да, халыққа қиянат жасап, қит еткен ұсақ әрекеттерге (заң бұзушылық деп айтпаймын) аямай айыппұлдармен қорлап алған ақшаларын Алла осылай желкесінен шығарып отырсын әрқашан!

    • #9
    • түсінбеген оқушы
    • жм, 18/11/2016 - 17:17

    рас па?

    • #10
    • Ержан Уржари
    • жм, 18/11/2016 - 18:22

    Кулаган курылыста песок, арматура екеуи бирин-бири киналап жатыр дейди. Сенин сапан нашар, сеники нашар деп. Екеуи дауласып, бирин-бири жене алмай жандарында турган цементке караса "маган неге карайсындар, мен ол жерде вообще болган жокпын" депти

    • #11
    • ШАЛА Казахпын
    • жм, 18/11/2016 - 21:34


    Базар жанады ...........

    • #12
    • ШАЛА Казахпын
    • жм, 18/11/2016 - 21:45


    В Украине за 9 месяцев 2016 года ВВП вырос на 1,8%. По мнению МВФ в 2017 году ВВП Украины вырастет на 2%.

    • #13
    • ШАЛА Казахпын
    • жм, 18/11/2016 - 21:57


    Мине 80% кылмысты МЕНТ-ер жасайды ........ https://news.mail.ru/politics/27836110/?frommail=1

    • #14
    • қараша
    • сб, 19/11/2016 - 1:13

    Әлі құлайды. көбі он бес градус қисаиып тұр. Инженерлер әлден қаша беріңдер.... ертен он мың қытай келгенде соларды басып қалып даудың көкесі сонда болады.....

    • #15
    • Жан89
    • сб, 19/11/2016 - 8:16

    Ия, қыс бітіп көктем келгенше бәрі құлап қалмаса болғаны. Қанша ақша далаға кетті десеңші.

    • #16
    • С
    • сб, 19/11/2016 - 9:55

    Қаншама халық үйлерінде жұмыссыз отыр, ал ел басшылары түкке керегі жоқ ЭКСПО-ға ақшану судай шашумен әлек. Тағы да бізді оған билет сатып алыңдар-деп үгіттейтінін қайтесін.... ЭКСПО-ға өз қалтамнан 1 тиын да шығармаймын, билетін тегін берсе де бармаймын!

    • #17
    • далдон
    • сб, 19/11/2016 - 10:55

    жігіттер көп күле бермеңдер, көпір құлату және оған жауап бермеу екінің бірінің қолынан келе беретін шаруа емес. мықты болсаңдар өздеріңдер істеп көріңдерші? керісінше осындай шеберлерден үлгі алу керек қой. "Атың шықпаса жер өрте" деген!!!

    • #18
    • ШАЛА Казахпын
    • сб, 19/11/2016 - 10:57

    Мине 80% кылмысты МЕНТ-ер жасайды ........ http://www.ktk.kz/ru/news/video/2016/11/16/73824

    • #19
    • Есенғали, Антакиядан
    • сб, 19/11/2016 - 11:16

    Э кономикасы
    К өткеншектеген
    С абаздар
    П арақорлықты
    О ңдады.

    Көрініп тұрса көтенің, ЭКСПО сенің не теңің ? !

    • #20
    • Қыр қазағы
    • сб, 19/11/2016 - 12:03

    ЭКСПО құрылысына қатысып жүрген жеке шағын кәсіпкерлер мен жүк машиналарын жүргізушілерден сұраңыз: олар цемент қосылған растворларды технологиясын толық сақтамай, цементін азайтып, құмын көбейтіп апарып ЭКСПО-дағы құрылыс объектілеріне құя береді. Ол растворлардың сапасын тексеріп жатқан ешкім жоқ, болса да аздаған ақшасын тықсаң, растворды құйғыза салады. Ал Астанадағы арабтар салып жатқан небоскреб-Астана Плазаға олай сапасыз раствор апарып құя алмайсың: экспертизасы қатаң, цементі аз болса, өткізбейді. ЭКСПО-дағы барлық құрылыс объектілері сапасыз, асығыс, ақшасын жеп қойып, қалғанын үнемдеп еріксіз салынып жатқан құрылыстар....
    Мұндай сапасыз құрылыс қазіргі НӘН бастаған биліктің ел экономикасы мен халық өмірінің барлық салаларындағы бастан аяқ жасап жатқан тірлігінің айқын көрінісі, көрсеткіші, шынайы бетпердесі...

    • #21
    • Жоян қазақ
    • сб, 19/11/2016 - 12:07

    Ақ ордадан мына қатынның дамбалын басына кигізіп,жөнді жауап беретін бір адам шақпағаны ма ? Ондай болатын болса ақ мола болды ғой ордалары. Ордалы жыланның ордасы.

    • #22
    • народная воля
    • сб, 19/11/2016 - 12:45

    Может откажемся от ЭКСПО?

    • #23
    • Шал
    • сб, 19/11/2016 - 12:58

    Танертен зомбо жажикти косып калсам хабардан бир жап жас теле жургизуши кыз оибаи суиинши деиди,келиним ул тапкан
    шыгар деп калсам,биз экспоны женип Алды деиди.ННЕ ДЕГЕН АРСЫЗДЫК!

    • #24
    • Ерсін
    • сб, 19/11/2016 - 18:12

    Украинағы көмекке жіберу керек ендеше, Ресейдің көпірін құлатар

    • #25
    • Қазақ
    • сб, 19/11/2016 - 20:07

    Ештеңе емес мұғалімдердің айлығынан ұстап қап шығынды жаба маламыз

    • #26
    • акимдерге рахмет
    • сб, 19/11/2016 - 20:58

    храпунов (сыбаилас)есимовка(экспо копир) рахмет аитумыз керек биздин елди трамптын билетинин.озбек саитында бир озбек трампка капа боп жатыр озбекстанды терористер елдеринин катарына косып коиды деп кеин токтап кап советникинен сорап капты вовще бул ел каи жерде деп ?

    • #27
    • Төре
    • сб, 19/11/2016 - 21:01

    Билік басына келген үкімет алғашында зиялылардың қас-қабағына қрайтын болу керек. Бірақ сол зиялылардың күйттегені Ел емес қара басының қамы екенін сезген билік олардан тайсалуды қойып, ұлт пен ел мүдесі сынға түскен шақтарда оны белден басыуға дағдыланады. "Патшаны әділ билеуші жасайтында, соқыр тиран жасайтында осы зиялылар болады"? Осыған не айтасыздар?

    • #28
    • Тусиниксиз
    • жб, 20/11/2016 - 2:04

    Кыс айы али басталган жок, коктемде 80% кулап жатпаса болганы, егерде сапасыз материалдардан согып жатса!

    • #29
    • Халық
    • жб, 20/11/2016 - 23:18

    Өздері түйені түгімен жұтып, елдің бар байлығын тонап алып отырса да қарапайым халықтың болмашы әрекеттеріне «құқық бұзушылыққа «нөлдік төзбеушілік» деп қанды ішетін айыппұлдар төлеуді шығарып қойған. Сол үшін болмашы нәрселерге салынатын айыппұлдарыңыз болса тек қарғап беріңіздер. Халықтың қарғысы жібермейді оңбағандарды!!

Пікір қосу

  • 4 + 46 =

Вход