Өзекті

ТАРИХИ КІТАПТАРҒА МЕНІ «САТҚЫН» ДЕП ЖАРИЯЛАТҚАН – МҰХТАР ШАХАНОВ

Әріптің көлемі: Қалыпты
  • Қалыпты
  • Үлкен
  • Көлемді

немесе сатқын екенімді тарихшылармен бірге ел-жұрт алдында дәлелдеңіздер!

Осыдан біраз уақыт бұрын "Желтоқсаншы Декелбаев сатқын емес" атты Абай ақпараттық порталында мақалам жарияланған болатын http://abai.kz/post/view?id=10244 . Ал одан бұрын "Қазақстан Заман" газетінде "Желтоқсан тарихы ұрпақ алдында бұрмаланбауы керек" деген тақырыппен де материал жарық көрген еді. Мені тарихи кітаптарға сатқын етіп, жариялауына себепкер болып жүрген бір ақын ағамыздың бар екенін фейсбук әлеуметтік желісі арқылы айтып, оның атын ашық атауға жүрегім батпай жүрген. Енді айтатын уақыт келді. Ол – Мұхтар Шаханов!

Мұхтар аға екеніне сенгім келмеді. Бірақ, өкініштісі осы. "Ұлттық кітапханада" желтоқсанға байланысты біраз кітаптардың беттерін қопарып анығына жету үшін бір ай бойы маңдай терімді төгуге тура келді. Сөйтсем бір емес, менің "сатқындығым" туралы бірнеше тарихи кітаптарға шығып кеткен.

1. "Қазақ ұлт-азаттық қозғалысы", 20-шы том. 557-ші бет

2. "Декабрь 1986", 261-ші бет

3. "86 желтоқсан" 301-ші бет және төртіншісі электрондық "kitap.kz" сайтында да жарияланған.

Тағы қандай кітаптарда жарияланғанын бір Құдай біледі. Мұхтар аға, бұның барлығы өзіңіз басқарған «Желтоқсан комиссиясының қорытындысынан» алынған. Сіз бұл қорытындыға қолыңызды қойып, мені комиссияның қорытындысымен сатқын деп тарихты бұрмаладыңыз. Мені ұрпақ алдында масқаралап отырсыздар. Бүкіл кітаптардың ішінде бадырайтып тұрып "Исабеков Сәбитті" сатқан деп ойып тұрып жалғыз маған ғана қорытынды шығарғаныңызға аң-таң болып отырмын. Неге соншама маған ғана қадалып қалғансыз? Мұхтар аға, Сіз арыз жазып келген 21 адамдарыңызбен бірге қоса, 22-ші адам болып менің арқама пышақ сұқтыңыз! Ең болмағанда еркек құсап сол пышақтың біреуін неге менің кеудеме қадамадыңызар, Мұхтар аға?

Осы мәселе бойынша мен Сізге бірнеше рет барған едім, соңғы жолы кабинетіңізден қуып, "ендігәрі маған жолаушы болма" деп шығарып жібергенсіз. Бұл қылығыңыз шындықтың шыңын шырқырап жүрген ақындығыңызға жарасады ма? Сәбит екеуміздің арамызға және ұрпақ алдында от салуларыңызға не себеп болды?   Бұл әрекетіңізді қалай бағалауға болады? Қалай ғана осындай қадамға бардыңыз? Мен Сіздің адал қызметкеріңіз болып едім ғой. Мен Сізді әкемдей жақсы көруші едім ғой, Мұхтар аға! 90-шы жылдары өміріңізге қауіп төніп тұрғанда, "өлсек бірге өлеміз, тағы да қамалсақ бірге қамаламыз" деп Сізді тастап кетпей қасыңызда жүрдік қой, Мұхтар аға! Егер мен шын мәнінде Исабеков Сәбитті сатқан болсам, өзіңіз айтқандай, маған қарсы 21 адамның қолы қойылған құжаттарыңызды ел алдында жариялаңыз! Берік Әбдіғали, Қайым-Мұнар Тәбей, Асқаров Әлібек, Мұхтар аға Сіз де: "Біздің кінәміз жоқ!" деп стреланы бір-бірлеріне бағыттап отырсыздар! Адамның тағдырымен ойнап, бәрің де судан таза, сүттен ақ болып отырсыздар! Мен ғана сіздердің кесірлеріңізден судан кір, сүттен лас болып отырмын!

Мұхтар аға! Әліде кеш емес. Екі ғана жол бар. 1. Сіз және кітапты шығарушылар (Берік Әбдіғалиұлы, Қайым –Мұнар Тәбей, Мәулен Әшімбаев, Асқаров Әлібектер болып) пресс-конференция ұйымдастырып, ел-жұрт алдында өрескел қателіктеріңізді мойындап мені тарих алдында ақтаңыздар. Сонымен қол алысып қазақтың қасиетті ақ дастарханның басында отырып шәй ішейік! Ең абзалы және ең оңай жолы осы! 2. Егер бас тартып, мені осындай "сатқын" күйде қалдыра беретін болсаңыздар, мен барлықтарыңызды сотқа тартамын! Ал іс сотқа жететін болса, мен ешкімді аямаймын. «Мировое соглашение» деген болмайды. Бұл жанайқайыммен жүгіріп жүргеніме екі жылдан асты. Бала-шағаларыма обал емес пе, Мұхтар аға? Шыдамның да шегі болады. Мұхтар аға! Басқа, басқа! Ал Сіздің осындай қадамға барады деп ойламадым.

P:S: Мұхтар аға! Ашуланамын деп барлық желтоқсаншыларға тиіспеңіз! Тиіссеңіз маған ғана тиісіңіз!

Ерлан Декелбаев

Abai.kz

61 пікір 5146 рет оқылды Қосылған: 06.01.17
    • #1
    • Сәмен
    • жм, 06/01/2017 - 10:07

    "Егер бас тартып, мені осындай "сатқын" күйде қалдыра беретін болсаңыздар, мен барлықтарыңызды сотқа тартамын! Ал іс сотқа жететін болса, мен ешкімді аямаймын".
    Мыналардың бір құпиясы бар ғой, тегі. Тезірек соттасып істің бетін ашыңдар, халық та білсін.

    • #2
    • Абай ұрпағы
    • жм, 06/01/2017 - 10:53

    Біріңді, қазақ, бірің дос
    Көрмесең, істің бәрі бос!..

    • #3
    • Бектұр
    • жм, 06/01/2017 - 10:55

    Ағайындар-ау! Қазақ ақсақалдары қайда? мына жігіт босқа күйініп тұрған жоқ қой. М.Шаханов та ел деп барын салып жүрген тұлға. Бір сөз жау етеді, бір сөз дос етеді.

    • #4
    • Асхат
    • жм, 06/01/2017 - 11:11

    Қалай сөйлейді өзі ашуланамын деп барлық желтоқсаншыға тиіспеңіз,маған ғана тисіңіз дейді,біресе неге маған тисесіз ақтаңыз дейді.

    • #5
    • Қазақ шал
    • жм, 06/01/2017 - 11:17

    Аталған адамдардың көздері тірі тұрғанда шындықтың беті ашылуы керек деймін. Жазықсыз адам болса обал болған. Ал кінәлі болса онысын халық алдында айтыңдар. Шындықты көрге алып кетпеңдер. Қателескен болсаңдар бірінші Алладан, екінші мына шырылдап жүрген азаматтан кешірім сұраңыздар.

    • #6
    • мурат
    • жм, 06/01/2017 - 11:24

    мына жигитте ар бар екен тарихта саткын боп калмаиын деп озин актап алгысы кеп жатыр тири кезинде биреулер жерди тубимен сатпакшы болып еди сагадаев ушкемпиров тилеуханов т.б дегендер тарих барын умытып тек казир карын тоиса болды деп?улги алындар?

    • #7
    • дымбілмес
    • жм, 06/01/2017 - 11:26

    кезінде желтоқсан оқиғасы кезінде билікті жақтап, көтеріліске шыққан жастарды бүлікші деп айыптағандар бүгін ол істерінен тайқып шығып кетіп отыр.
    мынау да сондай бір екіжүзді адам болып жүрмесін.,.

    • #8
    • ххх
    • жм, 06/01/2017 - 11:57

    Мұхтар аға және Желтоқсан оқиғаларын көзбен көрген тарихшылар! Қайдағы бір Ерлан Дәкелбаевті қойшы, "Қазақ ұлт-азаттық қозғалысының" басы-қасында жүріп, бүге-шігесінің бәрін білетін болсаңыздар, қазіргі Елбасымыз, күн сәулетті мәңгілік көсеміміз Нұрсұлтан Әбішұлы Назарбаевтың 1986 жылғы Желтоқсан оқиғаларында алатын орнын ашық айтып бере аласыздар ма? Желтоқсан туралы талай шығармалар оқыдым, бірақ ол кісінің ролі туралы мардымды ешқандай мағлұмат ала алмадым. Мүмкін ондай шығармалар болса, мекен-жайын айтып сілтеме жасайсыздар? Алдын- ала рахмет!!! Жаңа Жылдарыңызбен!!!

    • #9
    • мурат
    • жм, 06/01/2017 - 12:13

    жазушы агалар отиниш коздери тири кезинде окып калсын жер сатпакшы болган министр академик депутат спортсмен шурави баска котке кирер жагымпаздардын рольдерин аикын корсетип жанеде макс талгатты да калаи жер дауына карсы адил митинг уиымдастырганын толешов иттен акша алмаганын кинасыз соталып кеткенин баска да жерим деп ениреген ер азаматтарымыз туралы китап жазсандар дурыс болар еди жагымпаздар тарихта калаи аттары калып жатканын о дуниеге кетпеи турып окып калсын.оларга олгеннен кеин тарих кызыктырып турган жок?

    • #10
    • Жайсан
    • жм, 06/01/2017 - 12:42

    "Мешкей деген жақсы ат емес" сияқты сатқын деген ат ер- жігітке өте ауыр айып. Бала- шағасының бетіне қарай алмай жүреді. Мұхаң қаталасса түзетуге болады, егер рас болса оны да ашық айтсын. Қазір мына жігітке күдікпен қарап отырмыз. Жел болмаса шөптің басы қимылдамайды немесе орыстар айтпақшы "без дыма огня не бывает" дегендей.

    • #11
    • Қалдыбай Әбенов "Аллажар" филмінің авторы және қоюшы-режиссері
    • жм, 06/01/2017 - 12:49

    Кітап авторлары мен оған атсалысқандар!!! Қатты айтайын!!! "Ерлан бауырымды сатқын ретінде тарихи кітапқа енгізгендерің, мені де сатқын деп есептегендерің болады!"

    • #12
    • НУР
    • жм, 06/01/2017 - 12:52

    Казахстан занял четвёртое место в списке самых дешёвых для жизни стран мира по итогам 2016 года.

    По версии портала Numbeo, самые высокие цены на Бермудских островах, самые низкие — в Индии. Всего в списке 122 страны, которые сравнивали по таким параметрам, как стоимость аренды жилья, продуктов, поездки в общественном транспорте.

    В ТОП-10 государств с самыми доступными ценами вошли Индия, Молдова, Пакистан, Казахстан, Непал, Украина, Грузия, Алжир, Азербайджан и Колумбия. По данным портала, средняя стоимость бутылки воды в Казахстане 97 тенге, чашки капучино — 542 тенге, килограмма картошки — 119 тенге, проезда в автобусе — 80 тенге, абонемента в спортзал — 14 тысяч тенге, аренды однокомнатной квартиры в центре — 93 тысячи тенге. С другого конца рейтинга расположились страны с самыми высокими ценами. Это Бермудские острова, Швейцария, Багамские острова, Норвегия, Исландия, Дания, Сингапур, Люксембург, Кувейт и Гонконг.

    Numbeo — краудсорсинговый портал, аналитики которого изучают и сравнивают стоимость жилья, ряда товаров, коммунальных услуг, стоимость которых узнают из отзывов местных жителей.

    • #13
    • Профессор
    • жм, 06/01/2017 - 12:54

    Ерлан мырза, шын иманды болсаң, нағыз қазақ болсаң, ешқашан «Мировое соглашение» деген болмайды" деп айтпа. Мұны жетесіздер ғана айтады. Ағаң, басқалар түбі қателігін айтса, ер азамат ретінде кешіре біл! Олардың күдігі болса, оған да жауап бер.

    • #14
    • Жанашыр
    • жм, 06/01/2017 - 12:54

    Аға сабыр сақтаңыз қазақ біреуді күйдірмесе қазақ болама.

    • #15
    • Мұхтар ағам туралы
    • жм, 06/01/2017 - 13:04

    М.Шаханов ағам таза, аңғал, бірбеткейлеу адам. Оның ең ұлық қасиеті отаншылдығы. Ұлтын сүюі. Советтік теріс пиғыл болды: ақ не қара деген. Ортасы жоқ. Мұхаң совет кезінің біраз адамын қатты жазғырып жүр. Мысалы, Мұхтар Әуезовті. Мен мұнымен келіспеймін. Жаңылысқан шығар, райынан қайтқан шығар. Өйткені арғы жағында қару, дар ағашы тұрды. Бірақ Әуезовтің тірі қалғаны ұлтқа абырой болды емес пе? Шаханов Елтай Ерназаровты №1 жау көреді. Бірақ сол "сауатсыз" Елтай талай қазаққа көмектесті емес пе? Халық жады "Елтай жауыз" деген мифті ешқашан білмейді. Бірақ ол Шаханов үшін жау, сатқын. Мұқан Н.Жанділдин туралы "домбыраны жоюшы" дегенді айтып жіберді. Іс жүзінде ондай емес. Ол фунционер, бірақ ұлтын қадірлей білген адам. Ал, домбыра туралы "жою" туралы тіпті айтпаған. Шыңғысхан туралы айтып жүргені тіпті ұлттық идеологияға, далалық танымға қайшы... Мен М.Шахановты қатты сыйлаймын, бірақ мына бағалауына ойланып қаламын. Атүсті болмайық, біржақты болмайық, келте ойламайық. Тарихқа аңғал көзбен қарамайық.

    • #16
    • Мұхтар Шаханов мырзаға Қазақ
    • жм, 06/01/2017 - 13:17

    Мұха, Сіздің беделіңізді алға салып, өзін көрсету үшін неше түрлі әуенмен сайрайтындар жетіп артылады. Олардың арзан айқайына назар аудармаңыз. Шыңғысханшыл Мағауинды өлменше қылып, бұрын жазып кеткендерден қайталай кәніспекті жасатып, өзінше "Жармақ" сармақ деп тантытуға мәжбүр ету тек Сіздің ғана қолыңыздан келді, Шыңғыс Айтматовтың әруағы Мағауин деген графоманды атқаны қазір айдан анық. Сіз қазақтың ұлы тұлғасысыз, мына жігіттің айқайына Сіздің кінәңыз жоқ. Сіз комиссияның документтеріне сүйендіңіз. Сол документтердің авторы кім - солар түсіндірсін бұл мәселені. Сіз араласпаңыз, Сіз мұндай даудан аулақ екеніңізді білеміз.Аман болыңыз, құдай қолдасын.

    • #17
    • Ерлан Декелбаев.
    • жм, 06/01/2017 - 14:19

    Мұхтар аға! Осы мәселе бойынша Сізге бір емес, бірнеше рет барғанмын. Мен Сізге "Мен Исабеков Сәбитті сатқаным жоқ. Бұл бәле кітапта қайдан жүр?" деп бірнеше рет сұрағанымда, Сіз: "Ия, бұл Рас! 21 адам арызға қолдарын қойып, Декелбаев Ерлан Исабеков Сәбитті сатты деген құжаттар әкеп берген" - деп бірнеше рет өз ауызыңызбен айтқансыз. Бұл сөзіңізге Сіздің көмекшіңіз де куә! ЕНДІ 21 АДАМНЫҢ ҚОЛЫ ҚОЙЫЛҒАН АРЫЗ БЕН ҚҰЖАТТАРДЫ ТАУЫП БЕРІҢІЗ. Сәбит екеуміздің сол 21 адамның қолдары қойылған арызы мен құжаттарды көргіміз келеді!

    • #18
    • Ерлан Декелбаев
    • жм, 06/01/2017 - 14:38

    Мұхтар аға! Сіз мен үшін жауым да, дұшпаным да емессіз. Сіз мен үшін Мұхтар аға болып қала бересіз. Бірақ жағдай осылай болып жатқанына "Әттегенай! Әттегенай!" - деп айтқанымнан басқа не дейін. ((((((

    • #19
    • қонақ
    • жм, 06/01/2017 - 15:17

    Ерлан бауырым істің мән жәйін толық білмей неге қызбалық жасайсың.Желтоқсан шындығын Мұхтар ағадан артық білетін адам жоқ.

    • #20
    • дос
    • жм, 06/01/2017 - 15:20

    Кешегі желтоқсаннан кейін Бүкіл қазақ жастарын ақтап, арашалап алып қалған да осы Мұхтар ағамыз

    • #21
    • Еркін
    • жм, 06/01/2017 - 15:22

    Жаңа ғана Мұхтар Шаханов осы Абай.kz сайтын оқып; "Ерлан Декелбаев 21 адамның жазған хатына жауап бергісі келсе, бұдан 25-26 жыл бұрын қайда жүрді екен? Неге ол кезде бұғып қалды екен?" деп қатты ренжіді. Ертең ол бұл туралы өз пікірін жария етеді.

    • #22
    • Димаш
    • жм, 06/01/2017 - 15:45

    Мұхтар Шаханов ағамыздай ақты ақ деп, қараны қара деп айтатын адамдар кемде кем. Сондықтан да мейлі қандай жағдай болса да мен Мұхтар ағамызды қолдаймыз

    • #23
    • Ләйлә
    • жм, 06/01/2017 - 15:54

    Ерлан мырза, осы уақытқа дейін ай қарап жүрдіңіз бе? Неге бұл мәселені бұрын көтермегенсіз? 21 адам қол қойыпты дейсіз, ал бүған М.Шахановтың қандай қатысы бар? Сол 21 адамнан сұрамайсыз ба

    • #24
    • Ауа
    • жм, 06/01/2017 - 16:09

    Қазақтың біртуар алып тұлғасы Мұхтар Шаханов. Аңғалдығы да бар деп жатыр, бірбеткейлігі де. Соны пайдаланып, әлдебіреулер бақай есеппен кате мәлімет бере салуы да мүмкін ғой ағамызға. Қазақтар!!! Тіршілігінде қадірлейікші осындай Ұлы тұлғаны.

    • #25
    • Димаш Кәрім
    • жм, 06/01/2017 - 17:11

    ТЕРГЕУ КЕЗІНДЕ талай жасамаған қылмысты "мойындайды", басқаға "кінә" артады, она Сталин кезінен білеміз, "ЖЕЛТОҚСАН" көтерілісін тергеу кезінде де болуы әбден мүмкін. Қаза берсе талай сорақы деректер шығар, ал МҰХТАР ағамыз дайындап алып келген деректерді көрмей істемес деп ойлаймын

    • #26
    • пионерия
    • жм, 06/01/2017 - 17:34

    Шын сатқындық жасап қойып сол атақтан намыстанып жүрген жоқсыңба Ерлан мырза ? Мысалы, шын алхашты "алхашсың" десең намыстанып мойндамайды.

    • #27
    • Тарихшы
    • жм, 06/01/2017 - 17:51

    "Сатқын" деген заһар сөз, Ерланның шырылдауында да бір мәннің болуы мүмкін. Шаханов тағдыры талай-талай тар жол - тайғақ кешулерден өткен, бір де жығылып, бірде жығып "шыныққан" тағдыр. Бір адамды албаты "сатқын" дей қоймас деп ойлаймын. Беделі бекем, аты әлеуетті ақын белгілі бір құжатты көрген шығар, оқыған шығар, кейін ол құжаттан "көз жазып" қалуы да бек мүмкін. Желтоқсан түйіні қиын түйін, оны шешуге уақыт керек.... Уақыттың "уқалауын" иі қанғанша уқалауға уыты мол уыс керек. Жасы келген, "жар жағалап" жүрген жалғыз Шахановты не болса соған шата бергенді қойсаңдаршы! Ол кәсіби саясаткер де, "доктор наук" тарихшы да емес, ол - ең алдымен арыны айбарлы, ағыны алапат, қазақ Сөзіне керек ақын ғой!

    • #28
    • тТт
    • жм, 06/01/2017 - 19:17

    Мына мақаланың шығуы, Мұхтар ақын әкесінің атына қала бергізіпті, оның өзінде үй жарылып құлап түсіпті, Мұхтар Шаханов бір тиын көмек бермепті деген сияқты қаралау мақаланың алғышарты сияқты.

    • #29
    • Бекжан
    • жм, 06/01/2017 - 19:34

    Мұхтар Шаханов ағамызбен қазақ тарихы жайлы тілдескеннен соң менде ол кісінің "ұсақ адам" екенін байқадым. Оны Евтушенко қолдаған еді сонау Москва мінберінен Желтоқсаншыларды жақтап сөйлегенінде. Евтушенко білуімше еврей ұлтынан, ол Мұхтар Шахановты "бекер қолдамаған" болар. Мүмкін "сол аса айлакерлер тобы" болашақта қажет кезде Қазақстан билігіне "өз қазағын" отырғызу үшін алдын ала Мұхтар Шаханов тәрізді аңғал ақын қазақты таңдаған болар. Осы себептен олар Мұхтардың қауіпсіздігіне "гарант" болған болар, осы гаранттың арқасында Мұхаң Мәскеу мінберінен ашық дауыс қатты және сол "батылдығы" себебті барша қазақтың сүйіктісіне айнвалды. Анау "аса айлакер топқада" керегі сол болды және содан бері ақын ағамыз солардың "кручогында" байлаулы болуыда ғажап емес. Олжас ағамыздыда АЗиЯ кітабы үшін оңдырмас еді, оны сол заман қорғап қалғанда "қайын жұртының адамдары" болар. Олда сол кітабы арқылы барша қазақтың сүйіктісі болды және сол беделі арқылы қазақты Ресейге қосу үшін жанын салып келеді.

    • #30
    • Бекжан дегенге
    • жм, 06/01/2017 - 19:45

    Осы сайттың өсек-аяңында Бекжан деген білгіш "кіләссіктің" бар екенін жазған шатпақтарынан білетін едік, бірақ дәл мынадай артымен құмалақ салып болжау жасаушы екеніне енді көз жеткіздік."Ұсақ адам" ба жоқ па заң анықтағанда білетін болып жүрме. Кеш болады.

    • #31
    • Мұқанның оқырманы
    • жм, 06/01/2017 - 20:25

    Мұқан да пенде болса болар кемшілік, бірақ біздер құсап атын жазуға қорқып өтірік Бекежан болып жүрген жоқ

    • #32
    • Бек
    • жм, 06/01/2017 - 20:27

    Жел тұрмаса шөптің басы қимылдамайды дегендей анықтайтын жағдайлар бар сияқты ғой.

    • #33
    • Дәурен
    • жм, 06/01/2017 - 20:40

    Әліптің артын күтейік елім,жерім,тілім дегенде әр қазақ менің жалғызым деп жүрген Шахановқа шаң жуытуға болмайды.Ол кітап қашан шыққан өзі , Коммунар аға қайда желтоқсан көтерілісі кезінде басын бәйгеге тіккен.

    • #34
    • 31 ге
    • жм, 06/01/2017 - 20:59

    Дəл айттың,точкадан ұрдың.Бұдан артық не керек.

    • #35
    • Асылтай
    • жм, 06/01/2017 - 21:16

    Ерлан бауырымыз! Кәрішал Асановты Москвадан тұтқындап, жаптыру Жоғарғы кеңестің құқықтық комиссиясының төрғағасы Мұхтар Шахановтың шешімімен жүзеге асырылды.
    Арал қорына барлық мекеме, жұмысшылар, студенттер демеушілік жарна салды. Аралды қорғауға не жоба жоқ, не іс-әрекет жасалған жоқ. Сол ақшаны қорға қайтарса екен.

    • #36
    • Марат
    • жм, 06/01/2017 - 21:25

    Шаханов герой болу үшін бәріне барады.

    • #37
    • Асылтайға
    • жм, 06/01/2017 - 21:30

    Кәрішал Аснов тұтқындалса оған өзі кінәлі, Шахановтың оған ешқандай қатысы жоқ. Аралға жаныңыз ашыса кезінде қайда болғансыз? Осы біздің қазақтың өтірікті судай сапыруынан ғой Аралдың ортайғаны, қазір ол қалпына келе бастады.Өсек айтпаса қазақтың аузы қисайып қалады.

    • #38
    • Куаныш
    • жм, 06/01/2017 - 21:43

    Желтоксанда жастардын нашакор,маскунем болып тарихта калуы кимдерге керек болды?Сол жастарды актап алу кимге керек болды?Желтоксанда жастарды актап алу ушин Шахановтан баска ким бас котерди?Ол киси кимди не деп жазсада оз ерки.Мухтар ага уксап кремльде жастарды актап алу туралы баяндамасын окыганы нагыз ерлик.Ол типти 100 адам 1000 мын калмакпен шайкаскан ерликке пара пар.

    • #39
    • Арағайын
    • жм, 06/01/2017 - 21:44

    Қазақтар бір -бірлеріңді жамандаудан шарашаған жоқсыңдар ма?

    • #40
    • Куаныш
    • жм, 06/01/2017 - 21:45

    Желтоксанда жастардын нашакор,маскунем болып тарихта калуы кимдерге керек болды?Сол жастарды актап алу кимге керек болды?Желтоксанда жастарды актап алу ушин Шахановтан баска ким бас котерди?Ол киси кимди не деп жазсада оз ерки.Мухтар ага уксап кремльде жастарды актап алу туралы баяндамасын окыганы нагыз ерлик.Ол типти 100 адам 1000 мын калмакпен шайкаскан ерликке пара пар.

    • #41
    • Әбенов Қалдыбай.
    • жм, 06/01/2017 - 21:54

    Мен, «Аллажар» фильмінің авторы және қоюшы-режиссері, Әбенов Қалдыбай, желтоқсан қаһарманы Декелбаев Ерлан Әбдірашитұлының ар-намысын қорғауды, өзімнің азаматтық парызым деп есептеймін. . www.kitap.kz сайтының, «Қазақ ұлт-азаттық қозғалысы» атты кітабында, желтоқсан көтерілісі кезінде Декелбаев Ерланды сатқын ретінде жариялануы, бұл барып тұрған жала-қиянат! Бұл кітапта Декелбаев Ерлан тергеу кезінде, желтоқсаншы Исабеков Сәбитке көрсетім (показание) беріп, оны сатыпты-мыс. Ерланның кесірінен, Сәбит алты жылға сотталып кетіпті-мыс. Бұл – 30 жыл бойы ажырамай дос болып келе жатқан, екі желтоқсаншылардың арасына от салу деп есептеймін. Кітап авторлары мен осыған ат салысқан адамдар, БАҚ арқылы шүғыл түрде Ерланның адал есімін тарих алдында қайтарып, кешірім сұрауларын талап етемін. Ал Исабеков Сәбит желтоқсан көтерілісі кезінде 18-ші желтоқсанда, Орталық Саяси бюроның мүшелерімен келіссөз жүргізу үшін, трибуна астына парламентер ретінде барған каһарман азаматтарымыздың бірі еді.
    Декелбаев Ерлан екеуміз 1989 жылдан бері араласып, келеміз. Ол «Аллажар» фильмінде режиссердің көмекшісі ретінде, менің адал қызметкерім болғанын да естеріңе саламын.
    1990-шы жылдардың аяғында, КТК телеарнасы, Ерлан екеуміздің арамызға да от салған кездері болған. Монтаждап, Ерлан інімді «Аллажар» фильмін жамандағанадай етіп көрсеткен болатын. Олардың басты мақсаттары жұрт алдында екеумізді шағыстыру еді! (Ол туралы бөлек қағазда жариялаймын). Қазірдің өзінде Ерланды басқа да желтоқсаншылармен шағыстыру үшін, әртүрлі қитұртқы әрекеттерге барып жатқан жалған, сатқын, «желтоқсаншы» «біреудің» бар екенін де айта кеткім келеді. Желтоқсаншыларды бір-бірлерімен шағыстыру мақсатында, Ерлан бауырыма қарсы жасалып жатқан «біреудің» арам пиғылды сөзін өз құлағыммен естідім.
    Бұл кездейсок нәрсе емес! Ұзақ жылдар бойы арамызға жік салып, бір-бірімізді жау қылу үшін, біздерге қарсы арнайы топ, жұмыс істеп жатқанына да көз жеткіздім.
    Ауыр науқасқа шалдыққанымда, жылдар бойы менің қасымнан табылып, қол ұшын беріп, демеушім болып келе жатқан ол - Ерлан бауырым! Ерлан - мен үшін ең сенімді, ең адал, ұлттық намысын қолдан жібермейтін желтоқсан қаһарманы. Мына жарық дүниені көретін күнімнің аз қалғанын ескеріп, келешекте «Аллажар» фильмінің жалғасын жарыққа шығару үшін, 28 жыл бойы сақтап келе жатқан, 40 - 60 сағаттық құнды материалдарым мен құжаттарымды, аманат етіп Ерлан Декелбаев ініме ғана тапсырып отырмын. Бұл фильмді түсіруге Ерланнан басқа, өзімнің сенімді шәкірттерім, продюсер Бахтияр Байназаровқа және журналист Нұрбике Бексұлтанқызына да тапсырып отырмын.
    Қатты айтайын! Кітап авторлары мен оған атсалысқандар!
    Декелбаев Ерланды сатқын ретінде тарихи кітапқа енгізгендерің, мені де сатқын деп есептегендерің болады!
    Әбенов Қалдыбай

    • #42
    • Бек
    • жм, 06/01/2017 - 22:14

    Мәке 36 шолақ ойламаңыз,мынауыңыз елім дейтін жігіттің сөзі емес

    • #43
    • Әбіл Жекен
    • жм, 06/01/2017 - 22:20

    Ерлан жазықсыз екенін, Шахановқа бірнеше рет барғанын, соңғы ретте кабинетінен дөрекі сөз ести қуылып шыққанын ашық айтып отыр. "Шаханов ақиқаттықпен жауап берсін" деудің орнынан осында Ерланды мінеп, Шахановты өзі айтатындай төплиін жалап мақтаушылар, мас емессіңдер ме? Ерланның орнында болсаңдар, шындықты шырылдап іздемес пе едіңдер? Ортақ істе орынды пікір айту керек қой, ары тарт, бері тарт жасамай. Шахановты періште етіп мадақтау да ыңғайсыз шығар, Арал мәселесі туралы шуға қатысы бекер емес болар. Желтоқсан туралы комиссия құрудың да, СССР халық депутаттары алдында сөйлеудің де инициаторы Шаханов еместігі айтылған, жазылған. Бірақ сол екі мәселеде де жанын сала қимылдағанын ешкім теріс демеді, демес те. Ерлан туралыда қол қойғандарға сенген болса, онысын сабырлылықпен айтуы керек. Егер Ерланның орнында өзі болса, үндемей жүре берер ме? Бірнеше кітапқа "сатқын" деп жазылса, мыңдаған оқырман, бала-шағасы, дос-жолдастары, ел-жұрты алдында арына дақ түссе, үндемей жүре беру - "айыбын мойындау" болмай ма? Тым аптықпай сөйлейік! Мұхтардың таза ниетті жауап беретініне сенейік!

    • #44
    • Әбіл Жәкенге
    • жм, 06/01/2017 - 22:28

    Отыз жылдан астам ол азамат неге үндемей, неге әділетті талап етпей жүре берген? Біреуге сатқындық жасады деп ол азаматты кінәлаған Шаханов емес қой. Шаханов документтердің бәрін біледі. Желтоқсанның батыры болғысы келген бір азаматтың КГБ-нің желтоқсанда ұсталған азаматтардың қасына камераға "жасанды үйрек" ретінде әдейі отырғызылғанын да сол кезде әшкерелеген Шаханов.

    • #45
    • Ерлан Декелбаев.
    • жм, 06/01/2017 - 22:48

    Берик Абдығалиұлы: "Бұл жерде менің кінәм жоқ. Барлығын Шахановтың комиссиясынан алдым. Мен өзім еш нәрсе қоспадым!" - деп отыр. Қайым Мұнар ағаға да: "Бұл жерде менің еш кінәм жоқ!" - деп отыр! Шаханов ағамызда "Менің не кінәм бар?"- деп отыр! Асқаров Әлібек те "менің бұған еш қатысым жоқ!"- деп отыр! Басқалары да солай жауап береді. Бәрі судан таза, сүттен ақ болып отыр. Сонда КІМ КІНӘЛІ? Кімнен көремін? Қателіктерін мойындасын. Мен кешіремін! Сонымен іс бітеді! Бар болғаны осы ғана.

    • #46
    • Ерлан Декелбаев.
    • жм, 06/01/2017 - 23:07

    "Осы уақытқа дейін Ерлан Декелбаев неге үндемей келдің? Неге сол кездері 25-28 жыл бұрын осы мәселені көтермедің. Неге сол кездері бұғып қалып, қазір көтеріп жатырсың? - деген сұрақтарға жауап. Тарихи кітапқа шыққанын осыдан екі жыл бұрын ғана, яғни 2014 жылдың ақпан айында ғана бірақ кітаптан ғана көрдім. Сосын бұл туралы "Қазақстан Заман" газетінде Исабеков Сәбиттің маған байланысты мақаласы жарық көрді. Сілтемесі міне: http://www.kazakhstanzaman.kz/5651/5651. Одан ұлттық кітапханаға барғанымда бір емес, бірнеше кітаптарға шығып кеткенін көргенімде мен шок болдым. Осы уақытқа дейін кітап авторлары мен Шаханов ағамызға бір емс, бірнеше рет барып, алдынан шыққанмын. Менің шырылдаған жанайқайыма ешкім құлақ аспаған соң, ашық түрде БАҚ арқылы амалымның жоқтығымнан шығуыма тура келді. Ал 1993 жылы Мұхтар ағамыздың көмекшісі болып жүргенімде, бір топ адамдар маған Сәбитті сатқан деген жалған парақшаларын таратып алдыма әкеп берген. Біз сол жылдары, бұның барлығы жалған екенін желтоқсандықтар болып өз арамызда ақ қарасын ажыратып, қазанның бетін жауып қойғанбыз. Арада 27 жылдай уақыт өткен соң, яғни 2014 жылы бұл бәле, тарихи кітаптардың бірнешеуіне шығып кеткенін сода ғана көрдім. Сіздердің қойған сұрақтарыңызға жауап бердім деп ойлаймын.

    • #47
    • Ерлан Декелбаев.
    • жм, 06/01/2017 - 23:27

    "НА ОСНОВАНИИ ЕДИНСТВЕННОГО ПОКАЗАНИЯ, ДРУГОГО ОБВИНЯЕМОГО - ДЕКЕЛБАЕВА.Е.А - ИСАБЕКОВ ОСУЖДЕН ВПОСЛЕДСТВИИ НА 6 ЛЕТ ЛИШЕНИЯ СВОБОДЫ" - ДЕГЕН СӨЗДЕРДІ КІТАПТАРДАН ОҚЫҒАНЫМДА, НЕГЕ МЕНІҢ КӨЗІМ СОҚЫР БОЛЫП ҚАЛМАДЫ????? ЖАН ЖАРАМДЫ КІМ ЖАЗАДЫ???? ЕКІ ҚЫЗЫМА ОБАЛ БОЛАТЫН БОЛДЫ ҒОЙ! (((((((((((((((((((((((((((((((((((((((((((((((((((((((((((

    • #48
    • Сенбі
    • сб, 07/01/2017 - 0:34

    Егер осыдан жиырма жыл бұрын 21 азамат солай деп хат жазса, тегін болмағаны ғой. Бұл жерде Шаханов пен кітап құрастырушылардың қандай жазығы бар? Алдымен сол хат жазғандарды тауып алып, тілдеспейсің бе? Құр босқа байбалам салғанша!

    • #49
    • таныс
    • сб, 07/01/2017 - 0:41

    Бұл жігітпен аздап таныстығым бар. Өте ақ көңіл, таза адам! Бірақ 1986 ж. декабрьде не істегенін айта алмаймын. Себебі білмеймін. Жамандыққа да қимаймын.

    • #50
    • Желтоқсаншы емес
    • сб, 07/01/2017 - 14:17

    Өй, өзің бір жылай беретін бәле екенсің! Шаханов арқылы атыңды шығарайын деп жүрген бір қусың ғой деймін.20 жылдан бері ай қарап жүрдің бе? Әлде үш әріптен тапсырма алған түбі шикі біреусің бе? Әйтеуір артың таза емес.

    • #51
    • таймас секенұлы
    • сб, 07/01/2017 - 15:21

    50-ге, ерлан өзін ақтау үшіносылай шырылдап жүр. егер бұл жігіттің ары таза болмаса бұлайша шырылдамаған болар еді. дұрыс болмаса "крайный шаг"сотка барам демес еді. жалпы арандату болдыма немесе қате кетті ме, осы анықталуы керек. "Пәле мен жаладан ешкім қорғалмаған"- бастысы осыны ұмытпаңыздар, текке шуламаңыздар. Әркім үшін жнлтоқсан іртүрлі емес, Алматыдаболды гой, куәгерлерің көбісінің көзі тірі. Солар да айтсын. "Өтіріктің құйрығы бір-ақ тұтам"-деген, Ерланның ісі жалған болса оның да беті ашылады, ал бала-шағасы мен ұрпақ алдында текке күйіп, қара күйе жұқтырмайын десе ол - дұрыс. Адалдықты жақтайтын Мұхаңды білетін кісі көрінеді, мүмкін сол үшін де көмек сұрап, мына дауылдың бетін қайтару үшін барған шығар. Нақақтан күйдірмейік, көп болып көмектесейік достар, ал егер оның ісі өтірік болса, әрине, өз обалы өзіне.

    • #52
    • Сәбит ИСАБЕКОВ
    • сб, 07/01/2017 - 15:45

    Құрметті зиялы қауым! Ерлан бауырым мені сатқан емес. Ағаларыма айтарым, кітапта жазылған жалған жаланы алып тастауға міндетті!

    • #53
    • Сәбит Исабеков мырза
    • сб, 07/01/2017 - 17:27

    М.Шахановтың кітабында ондай сөз жоқ. Ерлан Декелбаев мырза! Сол кітапты осы жерге салыңыз. Дәлелдеңіз.
    Шаханов сізді сотқа беріп жүрмесін.

    • #54
    • Еламан
    • жб, 08/01/2017 - 0:06

    Бұл кім өзі? Маған пәлеқор біреу сияқты. Шыншыл болса осы уақытқа дейін қайда жүрген?

    • #55
    • м да
    • жб, 08/01/2017 - 15:46

    Декелбаев деген ким ози ??? Кулкили ангиме.Осы кезге шейин тымтырыс омир сурген адам, ари карай котин кысып журу керек кой!!! Муктар аганын касында ол ким?

    • #56
    • Ия шындықты қаламайтын адамдар әрине,рух пен тіл байлығын, адамның жанының қым
    • жб, 08/01/2017 - 17:44

    Мақұл кетті ғой ол заманда кететін жағына !!! Енді қазақ болып, тазалықты, адамгершілікті, шындықты жақсы көрсек , онда бір- бірімізге тек сөзшеңдік ретін дамыта бермей, ол жақ қай халықта болса да тек жаман өсектерге ғана / дамытылған емес- пәстікке де барып қалуы мүмкін/ айналып отырады. Сөз қуған бәле қуған ғана бола алады.. Ендеше әлі де қазақ баласы бағалы ойларын, шындығын, рухтылығын, бағалы етіп жазу үшін,. халқын жарылқағысы келсе тек шындығымен жаныңа жайлы етіп қана , // алып келген өсекшілдер емес, тек өз пайдасын ойлағандар емес,// адам баласының тағдырын жазықсыз- тропиктегі жабайыша жалпақтанып-ойсыратпай, адам баласының жанын жазықсыз жегідей жеуге бармай , адам болып қалу ғана бар екенін ұмытпауы тиіс еді.. Кітап жазу өте қасиетті іс , сондықтан да күмансыз шынайы сеніммен , адамгершілімен жүргеннен шығармалар басылады екен... Оқушының да пәк сезіммен ғана сезініп,бірден бір күш алатын жері болғандықтан аңсап оқи алатындығың содан шығар, себебі онда тек шындық уәждер көп болғанынан да дәлелдердің қажеттігі аздығы да шығар... Кітап жазудың да асыл мақсаты- зорлық пен зомбылықтардың , және арпалысқан адамгершіліктің арасындағы күресті анық айыра білгеннен риза боласың, дұрысы жеңсе, өзің сол жерде жүргендей боласың. Ол ендеше үлкен күш болғаны қазақтың да адалдығы мен адамгершілігі айдан анық көрінеді екен. Мың жерден адал бол, бір құмалақтың өтірігімен әжептеуір, халықтың жердегі жоғарылататынын қасиеттерін - жердегісін өсекшілдер мен, жалпақ феодалдардың , жалпақ тәсілдері,жалалары қанша адамға залалын тигізді!!! Құлагерімен де бірге құрбан етті!!?? Өтірік пен өсекпен дос болма дейтіні содан халқың екеш халқың!! Боратша боратқандар одан сайын көп болғаны, тағы айтасың неге қазақ сорлы- осы мың өліп мың тірілгені несі еді деп, аңқаусына қаламыз тағы!!! Оның атын надандық дейді деп отыр ғалым даналар, психологтар ендеше. Сократ айтқан екен, дүниеде надандығы бар -көреалмастай болған зұлымдықтан қорқу керек деген екен.. Себебі өзі де ауру басқаны да ауру етіп тынады деген екен.. Ендеше кітап жазу тек уникальды ғана іс емес.. ол да зор қасиеттілік іс. Адами баласындағы жан дүниесінің таза бұлағы екенін, табиғи да, үйрене жүргені де қасиеттілік-рухтылық парызы екенін мойындағаны екен. Жер бетінің гүлденуі содан ғана басталады екен, оны көмескілендірмекке бар болғандар өтірікшілер мен дөрекілігі бар әдепсіздіктер ойы ғана , ол да болса шеберлік іс пе екен олда!! ????. Денінде- барлық жақсы қасиеті бар адам - сол жақсылықты жеткізе, сіңдіре алатын, көңіліңді, көзіңді аша алатын, әріптер арқылы сөздер мен-жан тәнімен жеткізе алатын , сарындылығы бар-музыкалығы жоғары ойлар ғана екен деп отыр. Сондықтан ол классикалық шығармаға айнала алады.. Сондықтан да өзіңде болмаса да- түгелімен періштедей болмасаң да ол қасиеттілік ..., бірақ аңсауда болсаң адамгершілікпен, онда барлық дүние жүзінің , әлемдегі жақсы қасиеттеріне суйсіне алып,сүйене отырып, нәр алады екенбіз. Ол да болса адамгершілікке саналады екен деп, дұрыс екен деуде ғой адамзаттар әлі.. Ендешке рухымызды тек 17 проценттік ДНК ісімен ғана емес- бүкіл әлемдегі жақсылықты Құдіреттің бізге берген ортақ жақсылығы деп түсінуіміз қажет екен..Себебі біздер ғана емес жақсы екеніміз, бізден де көпті көрген, көпті біліп, үйренген адамдар да көп екен!!! Бір жаман пиғылды айыра алмай, соның кесірінен бүкіл ұлтты жамандау ол қыртиған ғана ашушаң қысқа ойлаушының ісі болғаны !!! Ендеше үш тілде сөйлеген адамнан шорши бермей, болмасаңда болып бақ дегендей- кітап жазу ды да қасиеттілікке санауымыз қажет. Барлық шындық сол, халық адамы*- асыл ағамыз М.Шахановты да Құдіреттің шығарған рухымен болған шығар, періште емес , бар болғаны қазақ тағдырына- пайдалы,жақсы,игілікті, өз еркімен жазушы- қайырымдылықты қолдаушы, өз елінің қасиеттілігін қолдаушы-тілектестікпен, асылдылықпен, ерлік бекзаттылықпен қолайлы болып, өтірік өсектен аулақ, көргенділікпен, әдептілікпен сезігі мол, сенімді, шүбасыз болу ғана Құдірет пен Жер табиғи жақсылығынан тапсырылғаны болар. Бұл дарыны зор адамдарға да,халқына да көп пайда алып келгені болар ,жан жағын айдан анық түсіну үшін... Сол тапсырыстарды әрине жазба шынайылық ,адалшылдық түріне,қиын болса да ,қисынын келтіріп,қатарды жарып жүргендер адалдықпен көп болса ,қайта-адами өміріне айналдырғыштар қатары ендеше көбейе түсері мол екен .. Әлі де үйренетініміз алда болғаны да тағы да.. Біздер ата бабамыздың шындық адами рухына ғана суйене аламыз әрине, бірақ арамзалық пен күдіктілік көп болмау үшін, /21 адамның қолы қойылған құжаттар/ - парақшаны сықпыртатындарды мың рет тексере отырып ,жазу үшін әлемділік парызды да еске түтқанымыз жақсы депті 1968 ж. әлем жазушысы Кент Кейт. Әрине адамзаттың организм мүмкіншіліктері /самолюбие/ өзіне жақын болғандықтан- көп өнершілердің өмірдің тұтқасын өз қолымен ұстағандай -""" и нелогичны и не благодарные, и не неблагоразумны и поэтому заняты они многие совершенно только самим собой,"""- өзін ғана алға тұтады екен деп отыр, бірақ сонда да оларды силаймыз, тіптен жақсы көреміз адал еңбектеріде көп болғаннан... бірақ, әлем тағдырымен де біріккен де дұрыс болар. Мен сол кездегі дұрыстық саясатын жеңген, қайта ұлтшыл өзі болған, тіптен Сахаровтан да жоғарылықты көрсеткен жоғарыдағы сол кездегі мемлекеттің басқарушы ретінде -шексіздік саясатына жақындағанын жақтап отырған жоқпын әрине, бірақ
    Жер бетіндегі Жумақ емес шындығына да үлкен күш пен, зор талантты да -шындықты адал судьяша айыра алатын,сезіне сіңдіре алатын- жеткізе алатын , және мың рет естігеннен бір-ақ рет көріп кесіп айта алатын, көре алатын,өз көзімен көргенді ғана пір тұтатын,"Халықтық"- жәрдемі керек еді,дұрыстықты қолдайтын жақсы жамағаттар көп болғаны дұрыс еді,соны іздеймін деп сол кездегі адам айтқызсыз қуғынға да ұшыраған адамды әрине құрметтейсің ғой... Ол кезде де адамдарға тек ұлттар ғана емес. шындық сөз жәрдемі керек болғаны Жер бетінде, дамылсыз дамуда болғанымыз адам баласының өмірі содан ғана тұрғаны.. Ендеше,Адам баласына жәрдем беру керек болып тұрса соны жақтағанымыз да дұрыс болар,, қолын созғаны оның жан дүниесінің езілгені ендеше .. М,Шаханов шынайы ағамыз болған- Данкоға ерсеңде, өзін ғана ойлаған эгоисттердің кесірінен Данконы да былғаған -басқаны сол қатарынан шығарғысы келгендердің жаласына қарамай жәрдем бергеніміз дұрыс болса, оны да күмансыз шындықты орындағанымыз қайта, қазақ халқының да еңбегіндегі ерліктері мен қаһармандылығы бар екендігін дәлелдегеніміз болар еді.. Қатесін түзеп. осындай жерде осындай шексіздік болыпты апологеттер кесірінен деп түзесе де ешкімнің еш нәрсесі кетпес болар еді!!! Себебі жақсылықты тек өзің жасап отырған, барлығынан жоғары болғансыған емес , Құдірет күші екенін ескергеніміз жөн болар, себебі шындық идеясымен ғана сізге күнді, мейірбаншылықты-жылулықты, адамгершілікті үйретіп отырған , тылсым дүниесінің Құдіреті ғана болып отыр ғой!!! /шайтан ғана кері, көре алмай түсіндірсе адамзатқа,оның мақсаты жек көргендерін өлтіріп -жою ғана, себебі Құдірет күшінен аса алмасына не шара болғаны// ... Осы өмірде тіптен айқындылықпен қарасаң , тек жақсылық жеңетінін көріп отырмыз ғой, ендеше тек Құдіреттке суйеніп, барлық адамның болмашы кемшілігіне стрелканы бұра бермей,кешіре отырып, әлде де қазақтар болып, бірлікте болғанымыз,үлгі ететін көпті көрген әдебіміз болар онда!!!!

    данко тұтып та отырамыз ел үшін жаны пида болғанына!!!, бірақ асқақтатуға жол жоқ екенін ұмытпаңыздар, себебі мақтай беретін жұмақ емес, бар болғаны сынақ жері ғана ,уақытша мекенің, ол деген сөз барлық адам баласына тек адвокаттық көзбен ғана қарап жүргеніміз дұрыс болар. қателігі болса жөнжейтін орындар тексеріп жөндер дкеп. ал қалған уақытта таза рухты болайық, кітап жазамыз ба жоқ нан пісіреміз бе халыққа, үй соғамыз ба жоқ барлық жерде адал болғанымыз дұрыс пендешілік ті онсызда көп жасап жатырмыз, еш болмаса кітапты сол пендешілікті жою үшін жазайық. Сондыұқтан да бүкіл әлемділік құндыолыұқпен иықтас болайық, өтірікшілдер,зорлықшыоллдармен, жала жабқыштармен. өсекшілдермен тек өз пайдасын жоғары тұтатындармен лизоблюдтармен" дос болғанша дейді... Орыстың адал жазушысы-философ А.Жалевич кітабындағы К. КЕЙТ -тің10 парадоксальды өсиеттері арқылы жеткізіп отыр.. Еш адам баласы Құдіретпен теңестірілмеуі тиіс. бірақ еш болмаса Құдіреттің мейіріміндей мейірімінде болумыз шарт екен , міне с онда ол да төңкеріс болмас еді деп отыр!!! Адамзат ашынуына жол берсе ғана -ұлтшылдық пен неше түрлі бағыттар пайда бола береді, себебі ол періште емес,ол бар болғаны адамгершілікті түсіне алмай- және ала алмай жүрген пенде ғана !!! ол үшін жазалаудың не қажеттілігібар еді сол желтоқсандада !!!!!!!!! Кітапта жазу реті сондай екен, себебі адамдарға құраннан басталды емес пе, инструкция ретінде екені болғаны .. Әлемділік парыз-
    "10" парыз болса , дарынды атамыздың " 40" парызы да есте болғаны реттілік екен деген еді классиктерімізде,казіргілерде соны айтуда!!!!! Әлі көп үйреніп, көп тілден біліп, көп бағалылықтан көріп, біліп,-Адамгершілік парызды , ұмытпауымыз тиіспіз екен...

    • #57
    • 56-ға
    • жб, 08/01/2017 - 18:08

    Айтқаныңыз дұрыс, тек көп сөз бәрінің дәмін кетіріп, жоққа шығарыпты ғой. Ауылдағы көп сөзімен бәрін мезі қылатын Әзизә апам да мұндай көп және бос сөйлемейтін еді.

    • #58
    • Дұрыс та болса пікірі, ұзын сөзге де құлақ асқанымыз да адамгершіліктен аспаға
    • дн, 09/01/2017 - 0:58

    Айтқаныңыз дұрыс деп, соңынан жоққа шығарыпсыз ,мендей ойыңызды шорт еткізіп кеспедіңізбе деп ... ?!? Мен сізбен ғана сөйлеп отырған жоқ едім, пікірімді қалай жазсам да оқуға шыдамыңыз таусылса оқымай-ақ қоюыңыз керек еді.. Алдыңызда адамның жан айқайын көре тұрып, езгілей бергенше, барлығымыз тек дұрыстық пікірге сараңдық қана көрсете алатын қазақ болмай, барлығымыз сол орыс жазушысының адамгершілік,кеңділік пікіріндегі- Құдіреттің барын да ескергеніміз дұрыс еді деп жазылған еді ғой, бос сөз бе еді ..? Ендеше ондай жан айқайы бар жерде, пікір қысқа жазылуы да мүмкін емес қой. Расында да пікірді даналардың айтқан өсиетіне қарап жазу үшін, ой тереңділігі бар парыздар көп-ақ екен, сондықтан жеткіліксіз ойлар болмасын деп көп жазылады да тұрады, ескергенім де дұрыс шығар онда. Бірақ- апайыңның қисынсыз пиғылына келтірген сөздері, осы пікірлерге үш қайнаса да қосыла алмайтын, сорпасының нәрі болмағаны да,ондай адам жан жарасын қайта ,тамырын ұзақ сөзбен де басып жазудың орнына /тікелей мақтап та емес, тікелей жамандап та емес -дүрс еткізіп буынсыз жерге пышақты саолып езгілеп отыра беретін - сөйлегіш қатарынан да онда/, ,жарасын езгілегені мыжыңдап сылдырлап,әрине мезі боласың ондай апайдан да... Жан жараны түзеп емдей сөйлейік, әр адамды есіте білейік,ұлық болсаң да кішік болып, кітабында дұрыс пікірмен ,өтірікшілерді өшіргені дұрыс болғаны еді, деп жазғаным бүкіл қазағыма дәу қазандықққа салған пікірім болса дегенім еді!!! Ол парақты жазғыштарды есіте отырып, дұрыс саралар едіңіздер, адамның қаһарманды ойларымен бірге, өтірігі бар жерлерін-пендешіліктерін ескермегеніміз дұрыс деп бағалап, қайта түзеткенін де адамгершілікке жатқызғанымыз болар еді.. Онсызда даналарымызды еңбегі үшін, бәрібір жоғары бағалап,адами жағын еске тұтып жақсы көріп оқимыз ғой. !!?? Жер бетінде Періште емес әрине, тек нағыз адамдар образы ретінде, жауап қатқанымыз сылдырлаған бос сөз емес шығар онда ...!??дегенім еді... Адами болайық дегені қайта жайлы болғаны-оны дос ретінде оқи алсаң, онда сенде сенгенің сол даналардың оннан бастап,40 ретті болған өсиетіне !! Ал жатшыл мінез көрсеткеніңізбен , қайта басқаларымыз дұрыс екен деп, мынау пікіріңізге сенбес болар өз ортаң да!!!Дұрыс та болса пікірі, ұзын сөзге де құлақ асқанымызда адамгершіліктен аспағанымыз екен... Себебі адам барлық жағынан талантты болмағанмен,санасы бар- терен ойлы,адамның дұрыстығын аңсағыш,қалағыш болғаны да онда, сонда ғана барлығымыздың ойымыз бір дұрыс жерден шыққаны болып келеді ғой!! кешіріңіздер оны да қаламасаңыз , сөзім де таусылар емес тағы , одан да әркім өз пікірінде қала бергені дұрыс ендеше... Қатаң мұғалім болмай-ақ , кімге қалай пікір бостандығы берілгенін іштей біле берейік онда!!!

    • #59
    • 13
    • дн, 09/01/2017 - 2:29

    Оте дурыс жазылган.

    • #60
    • куәгер
    • сс, 10/01/2017 - 0:41

    Бәріміз пендеміз ғой. Бірақ Шахановтың пендешілігі бәрімізден жоғары! Сондықтан Шахановты тым мақтай бермеңдер. Бізде де көз бар, құлақ бар дегендей...

    • #61
    • Ерлан Декелбаев.
    • сн, 11/01/2017 - 10:38

    Мұхтар аға! Құдайдан қорықсаңызшы!

Пікір қосу

  • 4 + 17 =

Кіру