46 - сөз

БЕКБОЛАТ АҒА ӨНЕРГЕ ҚАЙТЫП КЕЛГЕН ЖОҚ...

Әріптің көлемі: Қалыпты
  • Қалыпты
  • Үлкен
  • Көлемді

Бекболат ағаны өнерге қайтып келді деп неге шулап жатырсыздар? 2009 жылы Астанада, сол кездегі премьер Кәрім көкемізден бастап, үкімет мүшелерінің көпшілігі тапжылмай отырып тамашалаған "Елім менің" концертін көрмегенсіздер-ау. Ютубта бар.

Сосын 2011 жылы Тәуелсіздіктің 20 жылдығына арнап Конгресс-Холлда залды лық толтырып тағы бір концерт бергені есте. 2014-те қытай қазақтарына арнайы кеш өткізіп қайтты. Ол да желіде жүр. Әзірет Сұлтан мешіті терме бәйгесін өткізгенде, қателеспесем, 2012 жылы, Бекболат ағаның қажылықтан келген кезі болса керек, тықыр шашапен, басына тақия киіп шыққанын көрдік сахнаға.

Өнерді харам деген адам олай етпесе керек еді. Жыл сайын тәуелсіздік мерекесіне арналған үлкен салтанатты жиында ән шырқап жүргенін былай қойғанда, екі-үш жыл ілгеріде “Жұлдыздар отбасы” ұйымдастырған жыл әні концертінде ән шырқады. Астана мен Алматыдағы, аймақтардағы жиі ұйымдастырылып тұратын кездесулерінің соңы кішігірім концертке ұласып жататынын сол кештерге келген жастар жақсы білсе керек. Той-томалақтарда қолқалаған ағайынның көңілін қалдырған кезін көрмедік, қонақ кәдесін ұсынып, аймақ-аймақтың жырларынан ассорти жасап шашуын шашып кетіп жүргеніне бір емес, бірнеше рет куә болған жайымыз бар.

Алыпқашпа әңгіме тудырып жатқан ағайынның реніші “жылтыңдап эфирге шыға бермеді” рәпәтті болса, оның жауабы діндегі емес, өнердегі ұстанымында, қызметтегі мүмкіндігінде жатса керек деп топшылаймын өз басым. 

Қайтып келді деп кеткен адамға ғана қарата айтылатынын ескерсек, Тілеухан өнерге қайтып келген жоқ. Ол сонда жүр.

6 пікір 513 рет оқылды Қосылған: 10.01.17
    • #1
    • Сенбеймін
    • сс, 10/01/2017 - 13:42

    Бұл мақаланың авторы бар ма өзі?

    • #2
    • берістен
    • сс, 10/01/2017 - 16:50

    Сахнаға шықпаса, шықпайақ қойсын. Сол Бекболаттың дауысына ынтазар болып, екі қолын ысқылап отырған қазақты естіген де, көргенде емеспін. Көп әншінің бірі. Неге осы Бекболаттың айналасындағы әңгімені дүрліктіріп жазасыңдар. Немене, Арабиядағы метиорит тасты 1200 долларға айналып келген адам, өзгеріп кетеді деп есептейсіңдер ме?! Талаййй қажыларды көріп жүрміз ғой!!!! Күлдірмеңдер менің ...... ағайынымды!!!!! Оның бер жағында ислам секталарының ең Қанпезер, топас, Жауыз - салафизмді қолдаймын деп "асыл аты" дау-дамай болып жүретін еді ғой.

    • #3
    • Жанашыо
    • сс, 10/01/2017 - 20:12

    Өте дұрыс айтасыз Бекболатты іздеп жатқан бір адам жоқ.

    • #4
    • білгіш
    • сн, 11/01/2017 - 10:00

    Бекеңнен өзінің маңындағы сәләфи бауырлары безе бастапты:

    http://qamshy.kz/home/show/14499

    https://www.dalanews.kz/12088

    P.S әлде Бекең сәләфия сектасынан безді ме екен?..........

    • #5
    • жəй Қазақ
    • сн, 11/01/2017 - 18:01

    Жақсы əнші оған дау жоқ, кəзір кəсіби əнші емес. Əнші əнді табыс көзі болған соң айтады. Ал Бекболаттың тұрақты айлық табысы 1 000 000 тенге, тоқсандық, мерекелік сыйлықтар мен 2 айлық денсаулық түзеу қаражатын қоспағанда. Табыс болған соң, кəсіп етпейді. Діні жəне қай ағымын ұстау, жеке бастың өз шаруасы. Ал Депутаттың патриоттық қасиетіне күдік мол, Жер мəселесінде бұғып қалды. Яғни табыс, халық емес билік берген шен-шекпен қымбат.

    • #6
    • Кенжегулов Бекжан
    • жб, 15/01/2017 - 9:16

    Бекболат деп дабырайтпандаршы кордик кой жер дауы кезинде

Пікір қосу

  • 10 + 49 =

Вход